¹ Judá i̧tti̧mö̧ 'cotömä pitö ji̧na̧'a̧: Pérez'i̧nä̧, Hazrón'i̧nä̧, Carmi'i̧nä̧, Hur, ja̧'hua̧ta̧'a̧nö̧ Sobal'i̧nä̧. ² Sobalmä Reaía jä'o ji̧na̧'a̧, Reaíamä̧ Jahat jä'o ji̧na̧'a̧. Jahatmä̧ Ahumai'i̧nä̧ Lahad'i̧nä̧ ttä'o ji̧na̧'a̧. Pitö ji̧na̧'a̧ zorat ahuahuä 'cotömä. ³ Pitö ji̧na̧'a̧ ttahuaruhuä 'cotö pinä̧tö̧ Etam kötahuiyänä̧ ka̧cui̧nä̧tö̧mä Jezreel'inä, Isma'inä Ibdas'inä. Jahuäju kijähuaju ki̧mi̧mä Hazelelponi pä'ö micuinäju̧. ⁴ Gedor idepiyunä ahuaruhuä 'cotöttö ä'coji ki̧nö̧mä̧ Penuelmä̧ ji̧na̧'a̧, Husa jä'o ji̧na̧'a̧ Ezermä̧. Pitö ji̧na̧'a̧ Hur ahuaruhuä 'cotö pinätömä Efrata ttö̧ja̧sa̧ ä̧cuo̧mȩnä̧ i̧tti̧ pi̧nö̧ Belén ötahuiyä aditinömä̧. ⁵ Tecoa Jä'o Asur irecua̧mö̧mä̧ ta̧ju̧ru̧ ki̧nö̧ Helarö'inä Naararö'inä. ⁶ Naaramä̧, uhuäbecuinä̧ju̧ Ahuzamrö'i̧nä̧ Heferö'inä, Temenirö'inä ja̧'hua̧ta̧'a̧nö̧ Ahatsarirö'inä. Pitö ji̧na̧'a̧ Naara ki̧tti̧mö̧mä̧. ⁷ Pitö ji̧na̧'a̧ Hela ki̧tti̧mö̧ pinä̧tö̧mä̧ Zeret'inä, Izhar'inä, Etnán'inä. ⁸ Cos'inä ja̧'hua̧ta̧'a̧nö̧ Anud'inä, Zobeba'inä ttä'o ji̧na̧'a̧, ja̧'hua̧ta̧'a̧nö̧ Harum i̧tti̧ Aharhel ahuaruhuä 'cotö'inä. ⁹ Uböotö̧mä̧ ttucuotönä ki̧nö̧ Jabesmä, ja̧'hua̧nö̧ ja̧'a̧ttö̧ i̧mi̧mä̧ ojinä̧cu̧ Jabes pä'ö, ja̧'hua̧nö̧ pä'ömä ubara ttu'u o'caju juodinä̧cu̧ pä'ö. ¹⁰ Jabesmä Israel TTÖ̧Ä̧NÄ̧HUA̧RÖ̧ huopö pä'inö: Jädepömä iyittö pä'ö, rȩjȩ'inä ja̧'hua̧ta̧'a̧nö̧ ucu cumönätä iyö chu̧ju̧nä̧cua̧jä̧ surojötttö tta̧cuä̧ra̧ttö̧ pä'ö, surojö juodächö juiyönä ja̧'hua̧ta̧'a̧nö̧ Diosrö jäepäjimä ädätinäcu̧. ¹¹ Sua uböo Quelubmä, Meir jä'o ji̧na̧'a̧, ja̧u̧mä̧ Eston jä'o päi'önä huinö, ¹² Estómä, Bet-Rafa'inä paseah'inä, Tehina'inä ttä'o ji̧na̧'a̧, Nahas ötahuiyättö, pitö ji̧na̧'a̧ ä̧cuo̧mȩnä̧ji̧ Reca pä'ö micuome ki̧nä̧tö̧mä̧. ¹³ Cenaz i̧tti̧mö̧mä̧ pitö ji̧na̧'a̧; Otoniel'inä, Seraias'inä jö̧nä̧. Otoniel i̧tti̧mö̧mä̧ pinätö̧mä̧ pitö ji̧na̧'a̧: Hatat'i̧nä̧ ja̧'hua̧ta̧'a̧nö̧ Meonotai'i̧nä̧. ¹⁴ Meonotaimä̧ Ofra jä'o ji̧na̧'a̧: ¹⁵ Jefone i̧tti̧ Caleb i̧tti̧mö̧mä̧ pitö ji̧na̧'a̧; Iru'inä, Ela'inä Naam'inä. Ela ki̧tti̧mä̧ Quenaz ji̧na̧'a̧. ¹⁶ Jehaleleli̧tti̧mö̧mä̧ pitö ji̧na̧'a̧; Zif'inä, Zifa'inä, Tirías'inä Asareel'inä. ¹⁷ Esdras i̧tti̧mö̧mä̧ pitö ji̧na̧'a̧, Jeter'inä, Mered'inä, Eferinä Jalón'inä. Merced Irecua Egipto ttö̧ja̧ isajumä̧ o'caju juo'i̧nä̧ju̧; Miriamrö̧'i̧nä̧, Samai'i̧nä̧ ja̧'hua̧ta̧nö̧ Isbarö̧'i̧nä̧ ja̧u̧tä̧ ji̧na̧'a̧ Estemoa jä'omä, Pitö ji̧na̧'a̧ Faraón ittiju Bitia, Meredcu ö'cähuinäju ki̧tti̧mö̧ pinä̧tö̧mä̧. ¹⁸ Mered irecua judia ttö̧ja̧ isajumä o'caju juo'inäju Jeredrö, ja̧u̧mä̧ Gedor jä'o ji̧na̧'a̧; Hebermä̧, Soco jä'o pinö, ja̧'hua̧ta̧'a̧nö̧ Jecutielmä̧, Zanoa jä'o ji̧na̧'a̧. ¹⁹ Hodías irecua, Naham ijähuajuttö i̧tti̧mö̧mä̧ ta̧ju̧ ji̧na̧'a̧, jahuätöttö ya̧tȩmä̧ Gar ttö̧ja̧ isaju Keila kä'o ji̧na̧'a̧. ka̧ra̧mä̧ Estemaos, Maaca ttö̧ja̧sa̧ ji̧na̧'a̧. ²⁰ Simón i̧tti̧mö̧mä̧ pitö ji̧na̧'a̧; Amnón'i̧nä̧, Rina'i̧nä̧, Ben Hanán'i̧nä̧ Tilón'i̧nä̧. Isi i̧tti̧mö̧mä̧ pitö ji̧na̧'a̧; Zohet ja̧'hua̧ta̧'a̧nö̧ Benzohet jö̧nä̧. ²¹ Judá i̧tti̧, Sela, i̧tti̧mä̧ Er pä'ö micuinö, ja̧u̧mä̧ Leca jä'o ji̧na̧'a̧, Laadamä, Maresa jä'o pinö, ja̧'hua̧ta̧nö̧ jahuätöttö ttahuaruhuä 'cotömä Lino pättöjueittö aditinätö̧ Bet Asbea ötahuiyättö. ²² Joacimä, Cozeba ötahuiyä ttö̧ja̧ u̧mä̧tö̧mä̧ ja̧'hua̧ta̧'a̧nö̧ Joás'i̧nä̧, Saraf'i̧nä̧, jahuätömä Moab rȩjȩnä̧ tti̧rȩjä̧ ku̧nä̧ri̧nä̧tö̧mä̧, Belén ötahuiyära̧'a̧ ppa̧'ä̧chi̧nä̧tö̧ ji̧na̧'a̧. (Pi̧yȩ huȩnȩmä̧ täbocu huȩyu̧tu̧ ttötinö ja̧'a̧.) ²³ Pitöttö yotucunämä redä'cattö tätö adicuä ttö̧ja̧ ji̧na̧'a̧, jahuätömä Netaím ötahuiyänä'inä, Gedera ötahuiyänä'inä ka̧cui̧'ä̧nä̧tö̧ ji̧na̧'a̧, ru̧hua̧ iäre adicuä ttö̧ja̧ jö̧nä̧. ²⁴ Simeón ahuaruhuä 'cotömä pitö ji̧na̧'a̧; Nemuel'inä, Jamín'inä, Jarib'inä, Zera'inä ja̧'hua̧ta̧nö̧ Saúl'inä. ²⁵ Saúl i̧tti̧mä̧ Salum ji̧na̧'a̧, Salum i̧tti̧mä̧, Mibsam ji̧na̧'a̧, ja̧'hua̧ta̧'a̧nö̧ Misma i̧tti̧mä̧ Mibsam ji̧na̧'a̧. ²⁶ Misma i̧tti̧mä̧ Hamuel ji̧na̧'a̧, Zacurmä, Misma ö̧do̧ ji̧na̧'a̧, Simeimä̧ ja̧u̧tä̧ ö̧jä̧hua̧yu̧ pinö. ²⁷ Simeimä dieciseis huotö i̧tti̧mö̧ u̧mä̧tö̧rö̧ ku̧nä̧ri̧nö̧ ja̧'hua̧ta̧'a̧nö̧ i̧tti̧mö̧ nä̧tö̧mä̧ seisnö̧ jo̧mȩnä̧ ji̧na̧'a̧. Ttö̧jä̧hua̧tö̧mä̧ tti̧tti̧mö̧ recuätörömä i̧tti̧cuo̧co̧tö̧ pinä̧tö̧, ja̧'hua̧nö̧ ja̧'a̧ttö̧ ttahuaruhuämä rö̧ä̧nä̧mä̧ yo'ähui'ocotö pinätö, Juda i̧tti̧mö̧ ji̧nö̧'a̧nö̧mä̧. ²⁸ Jahuätömä Beerseba ötahuiyä'inä, Molada ötahuiyä'inä hazar ötahuiyä'inä, Sual ötahuiyä'inä ka̧cui̧nä̧tö̧. ²⁹ Ja̧'hua̧ta̧'a̧nö̧ Jahuätömä Bilha ötahuiyä'inä, Ezem ötahuiyä'inä, Tolad ötahuiyä'inä, ka̧cui̧nä̧tö̧. ³⁰ Betuel ötahuiyä'inä, Horma ötahuiyä'inä, Siclag ötahuiyä'inä, ³¹ Bet Marcabot ötahuiyä'inä, Hazar Susim ötahuiyä'inä, Bet Birai ötahuiyä'inä ja̧'hua̧ta̧'a̧nö̧ Saaraim ötahuiyä'inä. Pi̧yȩ ötahuiyä pönä ji̧na̧'a̧ ttidepiyömä, ru̧hua̧ David hueome jubö päi'önä. ³² Cinconö̧ jo̧mȩnä̧ ttidepiyu ji̧nö̧mä̧ pi̧yȩ ji̧na̧'a̧ Etam'inä, Aín'inä, Rimón'inä, Toquén'inä Asán'inä, ³³ ötahuiyä jäyänä huȩju̧mä̧ Baal pä'ö micuomȩ jubö cä'ädö ji̧na̧'a̧. Pi̧yȩ pö̧nä̧ ka̧cui̧nä̧tö̧ ttahuaruhuä 'cotöcumä. ³⁴ Ttä̧o̧tö̧ minättö̧ ttö̧ja̧ tturuhuotö päi'önä huinätö̧mä̧ pitö ji̧na̧'a̧; Mesobab'inä, Jamlec'inä, Amasías i̧tti̧ Josías'inä. ³⁵ Joel'inä, Jehú'inä, Josibías i̧tti̧mö̧ pinätö̧, Seraías i̧tti̧ ji̧na̧'a̧, Asiel i̧tti̧ ji̧na̧'a̧. ³⁶ Elioenai'inä, Jaacoba'inä, Jesohaía'inä, Asaías'inä, Adiel'inä, Jesimiel'inä, Benaía'inä ³⁷ ja̧'hua̧ta̧'a̧nö̧ Zizamä̧ Sifi i̧tti̧ ji̧na̧'a̧, Alón i̧tti̧'inä, Jedaías i̧tti̧'inä Simri i̧tti̧'inä, Semaías i̧tti̧'inä. ³⁸ Pitö tti̧mi̧ rö̧tä̧rä̧tö̧mä̧ ttä̧'o̧tö̧ minättö̧ tturuhuotö päi'önä ka̧cui̧nä̧tö̧ ja̧'hua̧ta̧'a̧nö̧ jahuätömä yabocutä recuächinä̧tö̧. ³⁹ Jahuätömä Gedor ötahuiyä tö'cönä̧nö̧ 'chä̧hui̧'i̧nä̧tö̧, pämärächi'omettö̧mä̧ kä̧hua̧ räopa'acu, ttä̧ji̧mö̧ ttu'cua usu 'chä̧nö̧mä̧. ⁴⁰ Ja̧'hua̧ta̧'a̧nö̧ ttä̧ji̧mö̧ ttucuä'cua rö̧ä̧nä̧ po̧cui̧pi̧nä̧tö̧. Ja̧huä̧jä̧ rȩjȩmä̧ rö̧i̧nä̧jä̧, u̧ni̧chä̧rö̧ kä̧cuä̧huä̧jä̧ ja̧'hua̧ta̧'a̧nö̧ huȩnȩ juiyönätä̧. Cam ahuaruhuä 'cotömä ja̧huä̧jä̧nä̧ ka̧cui̧nä̧tö̧. ⁴¹ Pitö ttä̧do̧ mi̧nä̧ttö̧ ttahuaruhuä ttimi rö̧ta̧rä̧tö̧mä̧, Judanä ru̧hua̧ Ezequía ruhuo hueinä pä̧nä̧ rȩbȩhui̧nä̧tö̧, ja̧'hua̧nö̧ ja̧'a̧ ichinö'cotö ju̧huȩnȩ ka̧cuä̧tö̧ hamita pä̧ttä̧u̧rö̧'inä, meunitas pä̧ttä̧u̧rö̧'inä rohuähuinä̧tö̧. Jahuätömä o'ca toi'önärö̧ si'epö icu ju̧huȩnȩtä̧ ka̧cui̧mi̧nä̧tö̧, ju̧huȩnȩmä̧ ttä̧ji̧mö̧ ttucuä'cua rö̧ä̧nä̧ ka̧cui̧yä̧u̧. ⁴² Simeón ahuaruhuä 'cotö 500nö jo̧mȩnä̧ huotömä Seir möä'cara̧'a̧cu̧ 'chi̧nä̧tö̧, tturuhuotucu; Pelatíascu'inä, Nearíascu'inä, Refaíascu'inä ja̧'hua̧ta̧'a̧nö̧ Isi i̧tti̧ Uzielcu'inä. ⁴³ Jahuätömä Amalec ttö̧ja̧ ttidepiyuttö dö'ecuächinö'cotö ka̧cuä̧tö̧rö̧ si'epö icuinä̧tö̧, ja̧'hua̧nö̧ jȩpö̧ juȩnȩtä̧ ka̧cuä̧mi̧nä̧tö̧mä̧ jitä mo̧ro̧ jubö ka̧cuä̧tö̧.