¹ Aarou ahuaruhuättö ji̧na̧ ji̧yi̧ȩtȩ aditinätömä pitötä ji̧na̧'a̧: Bada'inä, Adiu'inä, Eleazar'inä, ja̧hua̧ta̧'a̧nö̧ Itamar'inä. ² Nadan'inä, Abiu'inä ttä'o korujuäcuäcua'a ä'canä korujuochinätö̧. Jahutömä tti̧tti̧mö̧ toinätö̧., ja̧u̧nö̧ o'ca'a Eleazar'inä Itamar'inä jahuätötä ji̧na̧'a̧ Sacerdotes päiönä aditinätö̧mä̧. ³ Davidmä Sadoc'cu ji̧na̧ yo̧mȩtȩ esecuinö ja̧u̧ Sadocmä Eleazar ahuäruhuä 'cotöttö to̧dȩpa̧ ji̧na̧'a̧. Ja̧hua̧ta̧'a̧nö̧ Ahimelecmä Itamar ahuätuhuä 'cotöttö to̧dȩpa̧ ji̧na̧'a̧. Jahuätörömä sacerdete ttö̧jö̧nä̧ 'quȩ'ȩpö̧ hueinö. ⁴ Korotö'inä ka̧cui̧nä̧tö̧ Eleazar ahuätuhuä 'cotöttö ruhuotö jö̧nä̧ huotömä. Ja̧hua̧ta̧'a̧nö̧ Itamar ahuäruhuä 'cotö'inä ka̧cui̧nä̧tö̧ ruhuotö jö̧nä̧ huotömä. Eleazar ahuäruhuä 'cotömä 'que'ecuächinätö̧ diesciseisnö jo̧mȩnä̧. Jahuätömä jȩpi̧nä̧tö̧ ttahuäruhuäcu pö̧nä̧ ruhuotö ttö̧jö̧nä̧. Jua'a jö̧ ta̧'a̧nö̧ Itamar ahuäruhuä 'cotöttömä 'qu'ecuächinätö̧ ochonö jo̧mȩnä̧. ruhuotö ttö̧jö̧nä̧. ⁵ Jahuätömä 'que'ecuinä̧tö̧ yoräteunätä surojö juiyönä hueö ttö̧ja̧ pä'ö Diosttö hueö ku̧nä̧huo̧tö̧ ja̧'a̧ttö̧, Eleazar ahuäruhuä 'cotöttö'inä ja̧hua̧ta̧'a̧nö̧ Itamar ahuäruhuättö'inä yoreteunä. ⁶ Huȩyu̧cu̧cuä̧ i̧sa̧ Natanael i̧tti̧ Semaiasmä Levis isotö huȩyu̧ti̧nö̧. Hueähuä ru̧hua̧ ä'ca jo̧mȩtttö̧ jitötä ttajuäruhuättö ruhuotö tti̧mi̧nä̧. Sadocmä sacerdote ttahuäruhuättö ruhuotö ka̧cui̧nä̧tö̧ sacerdote hua̧ ja̧'a̧ttö̧, Abiatar i̧tti̧ ahimelec ahuäruhuä'inä ruhuotö ka̧cui̧nä̧tö̧ sacerdote jacuämä jahuätö'inä, Levis ahuäruhuä ja̧'a̧ttö̧. Äcuomenä ruhuotö ttö̧ja̧cuo̧tö̧rö̧ ji̧yȩtȩ ttu̧huo̧hua̧ pä'ö ttticuomenä pätecuächina'a Eleazar ahuäruhuä 'cotörö ja̧u̧nu̧ o'comenä Itamar ahuäruhuä 'cotörö. ⁷ Jahuätömä pitö ji̧na̧'a̧: Joiarib'inä, Jedeias'inä, ⁸ Harim'inä, Seorim'inä, ⁹ Malquias'inä, Mijamin'inä, ¹⁰ Cos'inä, Abias'inä, ¹¹ Jesua'inä, Secanias'inä, ¹² Eliasbínä, Jaqui'inä, ¹³ Huäa'inä, Jesebea'inä, ¹⁴ Bilga'inä, Imer'inä, ¹⁵ Herzir'inä, Afises'inä, ¹⁶ Petaias'inä, Hezequiel'inä, ¹⁷ Jaquin'inä, Gamul'inä, ¹⁸ Delaia'inä, Maazias'inä, ¹⁹ Pitömä cuäpinätö̧ tti̧mi̧ huȩyu̧cuä̧chä̧ji̧ ta̧'a̧nö̧ Ttu̧ru̧hua̧ ojusode jäcuä ttadita pä'ö. ttu̧ru̧hua̧mä̧ ttä̧do̧ Aarónrö̧ iyinö ta'anö iyinä̧u̧. Israel ttö̧ja̧mä̧ ttu̧ru̧hua̧ Dios Aaronrö̧ jiähuinö ta̧'a̧nö̧ jȩpi̧nä̧tö̧. ²⁰ Levis ahuäruhuättö kä̧cui̧pä̧jä̧tö̧rö̧'i̧nä̧ ȩmi̧nä̧tö̧ ppättädära pä'ö. Amram i̧tti̧mö̧ttö̧mä̧ Subaelrö: Ja̧u̧ i̧tti̧mö̧ttö̧mä̧ Jehediarö. ²¹ Rehabias i̧tti̧mö̧rö̧'i̧nä̧, Rahabias i̧tti̧mö̧ttö̧ juȩpä̧rö̧ huo̧jua̧ Isiasrö. ²² Izharita i̧tti̧mö̧ttö̧mä̧ Selomot'rö, Selomot i̧tti̧mö̧ttö̧mä̧ Jahat'rö. ²³ Pitö ji̧na̧'a̧ Hebron i̧tti̧mö̧mä̧: Jeriamä ttö̧ja̧rö̧ adiunä juȩpä̧rö̧ huo̧jua̧ ji̧na̧'a̧. Ka̧ra̧mä̧ Amaria'inä, Jahaziel'inä, ja̧hua̧ta̧'a̧nö̧ ka̧ra̧mä̧ Jocamán. ²⁴ Uziel ahuäruhuä 'cotöttömä ppä'ächi'inö Micaia. Micaia ahuäruhuättömä Sumir ji̧na̧'a̧. ²⁵ Micaia ö̧ja̧huä̧ Isias ji̧na̧'a̧. Isias i̧tti̧mö̧ttö̧mä̧ Zacarias ji̧na̧'a̧. ²⁶ Merari i̧tti̧mö̧ttö̧mä̧ Mahali'inä Musi'inä ji̧na̧'a̧. Jaazia i̧tti̧mö̧ttö̧mä̧ beno'inä ji̧na̧'a̧. ²⁷ Merari i̧tti̧mö̧mä̧: Jaasias'inä, Beno'inä, Soham'inä, ja̧hua̧ta̧'a̧nö̧ Ibri'inä ji̧na̧'a̧. ²⁸ Mahli i̧tti̧mö̧ttö̧mä̧ Eleazartä ja̧u̧mä̧ i̧tti̧mö̧ toinö. ²⁹ Cis i̧tti̧mö̧ttö̧mä̧ Jerameeltä. ³⁰ Musi i̧tti̧mö̧mä̧: Mahli'inä, Edar'inä, ja̧hua̧ta̧'a̧nö̧ Jerimot'inä ji̧na̧'a̧. Pitötä ji̧na̧'a̧ ttahuäruhuä pönä ttti̧mi̧ huȩyu̧cui̧nä̧u̧mä̧. ³¹ Pitö ö̧mä̧tö̧mä̧ 'chinätö̧ odehuiyänä tta̧'a̧rö̧ ttadita pä'ö. ttahuäruhuö möäyotö jitötä isotucu pönä. Ru̧hua̧ David'inä, Sa̧do̧c'i̧nä̧ ja̧hua̧ta̧'a̧nö̧ Ahilec'inä, ttä'ca jo̧mȩ ji̧na̧'a̧ yo̧mȩtȩ 'chi̧nä̧tö̧ sacerdote huotöttömä ttahuäruhuäcu pönä. Jahuätömä tticuomenä pätecuächäjätötä, Aaron ahuäruhuärö jȩi̧nö̧ ta̧'a̧nö̧ jȩpi̧nö̧tö̧.