¹ Tsumi kajliaji septimo jamuli, yamema shupa pakapi jaledauka jliatsa kerika, nanuka nauma najni jlinaku jliaji Waminali,jnite naufaka nuekjuete. ² Catsa jliadanacu iacu yucacau nushu. ³ Pia atsia picaite narra cacunape Isarel iape ¿cuadatsacanta nanu natatenau jliacu jliaji waminajli? Niniutsa nua currim watsa neupacana nanucadanacu natatanua, jliacu jliaji wamanajli Dios. ⁴ Nini pia atsia, pinitena pimituetaca nashu namatsicana, nanaitapiajli naji naferrinaipe, jlinacu jliaji curridajli napeyu. ⁵ Piacaite nashu, numenacajli picaite nashu; Jliapia jledaucaca nupacadanacu ⁶ Jliadapia jaledaucaca nurretapia nucapi nucaiteshupa nutacana egipto jipaiterricuite, nudecarruna pafe yacajle matsiacawa jurrecawa iniati nite tsaca mapaa, matsiadajlipa piumi iuya. ⁷ Nini nucaiteshe: ipecuena narra icaujletinshuperri idolo iape, catsa imatsiquetajlicasha. Curritsa patua numa imatsicacamincatua nashu naji icaujletinidoloshupe egipto iape, cai nuaco ishu nua Dios iminajli. ⁸ Nite napadajletacau nuquete, currim nauma nemica sushu. currim nauma napecuca nauyau naji imatsiquetacapena nacashu naji icaujletim matsiperri Egipto iape, nini numacata nufietacana nuirruashu naufacadanacutua Egiptujlicu. ⁹ Cutsa nunaitenca nashu matsicajli. Jlima jliaji nuipitana. Curricarru neni nuacuna naji tsumipe Yacajle nauya. Nucaitempianana nunucautsa naicaute caiji nutacapishupia naji Israel iape Egipto iuya. ¹⁰ Nini nutacana Egipto iuya nite nudecana maminajlinacawajle. ¹¹ Nini nuaca nashu piumi cacunaperricarruna, nepacarrutsa naumacada naufacau jaledaucajlicu. ¹² Nite, nuatsaca nashu jajledauca naufetacarrudau nauyawaca, nacapacarru nuacatsa naminajli, icadajlina cai. ¹³ Nini naji, Israelista namatacada nushu aji maminajlicawapia. Currim nauma nepaca pia nua. Caidajlimintsa currim nauma nepaca jliaji nucadanda jajledauca naufetacarrudau. Nini nuwaupiaque numacata nufietacana nuwayaquetacarruna aji maminajlinacawa. ¹⁴ Nini curintsa nuwayaquetencana jlima jliaji naupitana nashu naji pacua yacajle, nacapenpiena nutaca naji Israel Egipto iuya. ¹⁵ Jnuretatsakja nukapi nukaite aaji jalamikawa kurin lidekana jiipai jlikaiteri nisre, apada jiipai jliekuli nini jliaji lechi jnite mapaa, matsiawerikupja nauya jnaji pana jiipai. ¹⁶ jnunaita kajliaji namenata kapua jliaji nuaku jnite kurin najni kainji nukaitekapishu, namatsiketa jliaji nufetakaruda,nemajnikarun nakaule rikjuite nadiotenai inai. ¹⁷ Mitsa nutjii kjena jlidia jlikapana nin kurin nuinuna jalamikawa. ¹⁸ Nukaite nashu jnaji nenipe aatsianai jnite naitjepe jalamidaliriku: " Mematsau jnanaitanipen jnaji jinirinai, mjanaitsa jnanaitanipian napeyuka nadiotenai. ¹⁹ Jnuatsa Iminali IDIOTE, yemajniwa Nuakuriku, Imatsieta jnaji nuaku jnite shepakani. ²⁰ Imatsieta jnaji nufetakaruda maupitjadali jnakaru jinana aaji ipekuriku jnite yajnikaru jnuakatsa Iminali IDOTE". ²¹ Jnite nenipenai aatsianai jnite naitunaipe nemaka nukjete. kurin nemanji nuakunaku kurintsa jnanaita nukaitekapishu, nini jlitaita jliufaka matsia jliaji apada aatsia jlinaita kainji nukaitekapishu. jnanaita matsidali nufetakadanuku, panaya kerua njua nupekuwatsa nanaku nuirua jalamidaliriku matsia karu nuajniakakau. ²² Mitsa jnutaa nukapi jnunaita matsiadali nuipitana ima, kurinkaru matsinakapa nushu natjishu yakalekuan lima jnuta nutji nauya jnaji Israelitanai. ²³ Jnuretatsakja nukapi jalamidaliriku, nukaitenashu nupeku tekulre nauyawaka nayakale yuya jnite naka nauyawaka jiipaikuan. ²⁴ Jnunaitakan namjepakan ima kurinkapua jnanaita nukaitekapishu ,jnite kurin jnepaka nufetakaruda. njaji natji napeyu nakapaka naidolon jnaji najnirinaipe. ²⁵ Nini jnua nasru yakuti kuriperi matsia, yakuti kurin kafikana kurikaru jnepaka jnaji yakuti. ²⁶ jnunaitakana matsiperi nalipia nenipe nawawarikudali jnite namakarakan tiyeriku. ¡Jnunaita jliaji nafiukaruwa najnikaru jnuakatasa Nadiote. ²⁷ Pjia aatsia iiri kaku pjia jlishu jliaji Israel ipana: "Jliaji Waminali Dios kaku kainji: Linakutsaka jliaji kaku jnaji jnanirinaipe nunakuwaka. ²⁸ Nudekadanakuna jlidesre jliaji jiipai nualitjanashu, kjerekatsa nakapa jipana jalipa jnite jaiku kapjeni, naka matsidali nadioteishu, jnite naumetajni jnua jnanaitali ima, jnite jnamaita itakati pumenidali jnite naruka nairauda nadioteishu. ²⁹ Nini nukaitenaa: ¿ kuankawa jliaji yali matsiakawa?" Jlipitana Bama panashete." ³⁰ Nukaite jlishu jliaji Israel ipana: " Waminali Dios jlikaite kainji:¿ kuada jinaitakau matsi kainji jinirinaipeshu? ¿ kuada ipeyu jinaitaka nakashu jnaji naitjepe jinaitetakape idakishu, yumajnika matsidali?. ³¹ yakadanaku matsiadali jnite ikadaka yenipe tiyenaku jinaitaka matsidali ikadakapuana idioteishuna. ¿Jnite kuada nukada ikuiteta jnua. Israel ipana? kafidali jnua, kainji liaku Waminali Dios, kurin nukada ikuita jnua. ³² jliaji iwaupiali kurintsuwatsa jliyapau. Ikaite kainji: " pikada faa kainji nakashu jnaji pana yakale, kainakashu jnaji pana naiki yufakape paferikule yakale itatjakape nainai jnaji jaikunape jnite jiipada." ³³ Kafidali jnua, Kainji jliaku Waminali Dios, Ajadali jnuanjiwatsa inaku nudejniwatsa yapiya nukapi jawiñadalishu, pema nunapa jnuretaka, jnite nuirua nuarukainakun. ³⁴ nudawatsa ishu paferikjuite yakale jnite nuniwawatsa shaa kjaitekawa namenaka yawa, jnunaitawatsa jlishu jliaji jawiñadalishu nunapa jnite nuaru nuirua inaku. ³⁵ jniteusha nudekautsa shaa jalamikawa nafaka jnaji yakale, jnite nukadawatsa ikapa jinaitanda ima wakapakautsau wekjuetewaka. ³⁶ Kainji jnunaitakapishu nashu jnaji jinirinaipe aaji jalamidali Egipto, jnanaitandan ima kaitsautsa jnunaita ishu Kainji likaiteka Waminali Dios. ³⁷ jnunaitautsa jiyapakaru jliapjite jliaji jnuekule, jnite nukadawatsa shepaka jliaji yakuti matsiaperi numanipe jinaita. ³⁸ nukjushukautsa shaa napekurikjuite jnaji mjepakape jnite jnakan yemanipe nukuema. Numenakautsana teku liuya jliaji jiipai naufalinin kuripetsajnite, kurika jnewakaru Israel Jiipaiteriku. yajnikaru jnuakatsa Iminali. ³⁹ Ishushaa Israel ipana, Waminali Dios ikaite kainji: yakaikuana idiotenai ikjaule. yanasru matsiaperi kurinkada yuma jnua, yaminashaa imatsiketaka nuipitana idioteshu jnite yaka matsiadali ⁴⁰ Aaji awakadali maupjitadali, jlipuliku jliaji awakada Israel, kainji liaku waminali Dios, kalaimi jlipana jliaji Israel nakautsa nushu matsiadali akadanakujnaji jiipai naku. katimautsa jnupaka jnaji nanaipe jliadanaku, jnite jnaji nanani nainitanipe nashuka, napiya pjiumi jnaji nanani matsiaperi. ⁴¹ jnupakautsani kainji itakati matsiadali pumenidali jnutakadanakuna nayakajlete nuniwautsana naufali jnite. nukadakautsau matsiadali nakapakaru jnaji pada yakale. ^{42 44} Nudekadanakuatsa shaa jlipaite nakujle jliaji Israel, jnuretakawa nukapi nukaitekawa njuakanashun jnaji jinirinai, yajnikaru jnuakasha Iminali. ⁴³ Nini nawaupiakautsa jnanaitali napuwa matsikawa, jnite kalaimi jnaji jnanaitali matsi jnanaitali ima, jnite matsi ikapakakawa jinaitali ima. yajnikaru jnuakatsa Iminali jnunaitakautsa ishu jliaji nuipitana ipitananaku, kutsanta yapuwa matsidali imaka kutsakja jinaitanda ima, Israel ipana, kainji jliaku waminali Dios. ⁴⁵ Linu jliaji Waminali yaku: " ⁴⁶ Aatsia iiri, pikawukueta piekua aatsiemjete, kaku pjia likuema jliaji atsiemjete, pikaite linaku jlia awakada Neguev: ⁴⁷ pikaite lishu jliaji awakada Neguev: kainji liaku waminali Dios, kainji liaku jliaji waminali Dios: nukeratautsa tiye ipamuyuaka. nuwayaketawatsa jaiku kanapjeperi jnite jaiku metaperi ipekuriku. jnaji tiye keraperi kurikautsa yajlina; jnaji nakapakana aatsiemjeteperi jnite inaruemjeteperi namakautsau. ⁴⁸ Kalaimi jliaji nanaikika nakapakautsajnua , nukeratakadanaku jliaji tiye jnite kurin yalinkan". ⁴⁹ Jnite nukaite: ¡ Ayaa! Numinali Dios, nakaite: "¿kanpjatsa ikaitepekada yakuti pajnikaruda?".