¹ Pia Ezequiel, picanta nashu inucajli naji cacunaperri Israel isuperri. ² ¿Cuca pia upi shuaji pisua? Caidarrupiaje yavishu, rrufapia wa napecujlicu naji yawi yenepi, rutauñaca naji nenipe. ³ Nini rutauñani jliucacarrua yawi caidanishu, jlianicarru cawinican jliumacarru jliujau jlipe jliwacatsa, nite jliapudan jliañaca inaiqui iipe. ⁴ Nite, jliapudan nemicadanacuena jlinacu naji yacajleta. Nini nauquetan irrirriapirricu, napapini nadecan egiptujle. ⁵ Nini sruaji yawina, jledauca jiyapacau rruicau rrupaca curriquetsa nadietacarrunu, nini rutauñacatsenca apana, yawi jliufatsencau caiji rutauñandanpiashu. ⁶ Nini jliaji warini rutuañaca caidanica jlianiacacau, jlicabucuniu napucujlicu naji pana yawi. Nini jliani jlipianitaca naji jlicuema, jlinitatsaca jliñaca inaiqui. ⁷ Nini, jliaji yavi jliushuapia nainai naji naduiyuanaipen nite jliquenatatsaca nayacajle. Nini naji yufacape nini nainita nafiucau jliyacadanacu naicaujle. ⁸ Jnaji yakale jnakuematakan jnatsaka kalaimi jnaji yakalefe idanatakapen; jnapeku jnakakule jlinaku. jnapakaniaji jnadanatakawani. ⁹ jnetakani jliarudariku jnite jnapapika jlikau jnite jnadekani jlikaule jliaji jliminali jliaji Babilonia. jnadekani jliuwakaru aaji awakadariku kurikaruetsa pamika jliaku jlima aaji awakadariku Israelyada. ¹⁰ Shaupia shuaji pidua caidarrupiaji jaicu cainacudajlishu papananda uni yarapi. Ninipia naji jliqui catimanaperricana. ¹¹ Nini naji jliqui natauñacau yenupenwa jliufacarrua nashuwajle naji cacunaperri, nini naji jliqui neñapaca naji tsamidajli. ¹² Nini jliaji napananda nerracani caidajlicu nite namacacac jliushua jipairricu, Nini caujli caidadajli jlimetataca naji jlinaca , nite tsaca anji jliqui nainita jiwirricana, jliapudan tique iwayaquetacana. ¹³ Nini panaya napanacan meyucawa, jipairricu tarracawa nite metacawa. ¹⁴ Nite tiye imutucau jliqui macaniperricuite, nite jliwayaquetaca naji jlinaca. Curritsa pacapa jliqui catimanaperri nini, nashuware naji cacunaperri. Catsa inucajlica nacantaupe nashu naji cacunaperri.