¹ Jlinuka jliaku jliaji Numinali jnuikjale," ² Aatsia iiri , Pikaite padaa yakuti jnanjishupa njite pikaiteka kuanshupaka likauyanape nashu jnaji Israel ipaneta. ³ "Ikaiteka kainji: papa jawa makapali linapje makaitepe njite lidaki kajlaimi makanika pakjan liyusju aimadali idaana , likawa libanosre njite jlipa jliwidana jliaji jaiku cedro. ⁴ litukjua nakii lidekaru Canaansre; liapanani nafakawa nini njaji iwendekape. ⁵ Jlipatsakja padapena likje liapanana jiipai matsiakawa, likadakani aimakawa uuni. ⁶ litauñakawa kainji linanashu jliaji jaiku matsiadali litauña matsia jiipai riku. jnaji liki nayayakau jlikajulre , lipali lituañau liapjite. lipadamau jaiku matsiadali jure liki jnite lipudulre. ⁷ Nintsakja papa jawa linapje maikaitepe jnite jure liyu. jliaji vid likawukueta jliaji lipali likjaulre jliaji jawa, liraka linapje likaujre jliaji jawa napanakawan piani naruwa uuni pia linaku. ⁸ napanapiani matsiaweriku jiipai jurekawa uuni kakikaruni jnite kainakakarun, litauñakaru matsiadali jaikushu ⁹ Pia pikaite nashu jnaji yakaleta kai jliaku jliaji Iminaliti: jlimatsietakautsau? kurinfarakaliuya lipali mayankaru linaka jnite merika litauñakau? kuripaumaka inapati kjaidadali kurintsakja jure naiki pjarakarun. ¹⁰ jnite napanaka shapudani, ¿Litauñakautsau? ¿ Kuriutsa merikani lipjiakadanuku jliaji kauli ipjiakada jeeri imutukafetje, merikautsani napanakawani." ¹¹ Jlinu liaku jliaji Numinali, likaiteka: " ¹² Kaku pjia lishu jliaji panti mjepakadali: ¿ Kurin yanji kuanshupa jnaji? ¡Ikapa! linuka jliaji liminali jliaji Babilonia linuka Jerusalenrikule lidekalianji liminali jnite linakulredape lidekana Babiloniasre. ¹³ Jnite liniwanaka aape nanakjuite jnaji kakunape yenipe lijnaitaka walidali yakuti liapiya.lideka jnaji inaiki kakunaperi yufakape jiipai naku, ¹⁴ kapaiman karu jliaji imenakakada jnite kuritsa lienkuka. Jlinaita kada jliaji likaiteli kafikautsan. ¹⁵ Jnite jliaji liminali Jliaji Jerusalen jlienkukau likuemawa limenakaka jnaji linaiperi Egiptosre natatjakaru caballos jnite tsuludaunai. ¿ Kapja matsiatsa liakau? ¿lipitua jliaji jinaitakada kainji? ¿Lipitu kautsa kurikada jlinaita kainji likaitekapishu? ¹⁶ ¡kafidali kajnua! Kai liteka jliaji Iminaliti Dios, mayankautsani jlipaite naku jliaji Iminaliti ikadalipia Iminalitikan, kuridali piatsa shepaka liaku jnite jliaji liaku liwayaketakan. mayanwatsani lipamuyuaka jliaji Babilonia. ¹⁷ Limaimaka jliaji litsuludaute jliaji Faraon ,jnite liwaketaka jure aatsianai nakaru nainuakau, kurinwatsa nadanatakani nainuakakadanaku, jnaretakadanaku nakuraratakashupajnaji tsuludaunia Babiloniarikuperi nawayaketakaru jure naiki. ¹⁸ Jliaji Iminaliti lipekuka jliaji yakuti kurikadanaku jliepa. jlipaa nakapi jlrinaitakaru walidali yakuti , lijnaitaka kajlaimi jnaji kursiutsa lipitukau. ¹⁹ Jnite likaiteka jliaji waminali Dios likaite kainji: kafidali kajnua, ¿Njuaku jliaji kurili liumaka jliepaka jnite liwayaketaka jliaji yakuti fanaitanda? Jliaji limatsika ²⁰ nukada kautsa jliwa jliwidanaku ! nupekuetsa!. Nupeku nukakulri linaku, jnite lirukautsa nukakulrinaku .Jnite nudekautsani babiloniasre jnite nukada kautsa likapa lrima lriaji llrinaitanda ima nushu. ²¹ Kalraimi jliaji lidanatanipe jnewakautsa limatsetanaku jnite jnaji yufakape namenakakautsa kjerekatsa nawa. Jnite yajnikatsa jnua katsa Iminaliti, Nukaitepia kaikautsa Jneyapakau" ²² Jlikaite jliaji Waminali Dios: Jnuatsautsa ideka jliyenunka jliaji cedro, Jnuapana watsana teku nauya jnaji tsunipe liki. jnuatsautsa jirakani, jnite nuapanakani yenuni awakada. ²³ Jnuapana watsani Israel iwakadate kajnapje karuni jnite kainakarun, lipadamakatsa cedro makani, kajlaimi watsa jnaji wipjiaru naufakautsa liapjite. jnanaita watsa napanawa likinaku. ²⁴ Kajlaimi jnaji jaiku yemakape jalamiweriku jnaji jnuakatsa Iminaliti. Jnukadaka jnewau jnaji jaiku makanipe jnite jnuretaka nemau jnaji jaiku tsunipe. numetataka jaiku narunda uunishu jnite nukadaka jipule jliaji metaki jaiku. jnuatsa Iminaliti, Jnukaitepia jliyapakautsa kaiwa jnite jnunaitrakan.