¹ WAMINALJI yako inuo noikaulje Ljikaite, ² Atsia yenipe ,pikaite nañji JERUSALENrsikope ljinako ljiañji kadofialjiekadalji, ³ pikaitena,' ljiañji WAMINALJI DIOS ,Ikaite JERUSALEN nako,ikatsa pinitakakawa pjiaka ,nite pimutokarrunwa, añji jipai CANAAN, ljiañji pinirri Amorreo pjia,nite rsuañji pidua Hetea pjia, ⁴ ljiada pimutokawa, rsañji pidua kurrin rsuyuaka piyuki jipadan, kurrin nakotsoka pjia Onisho kurrintsaka piwanai shoka,kurrin nañanpamiketsa pjia, ⁵ Kurripa apada ititi ikamiketsa pjinaa,nanaitakarro pitso matsia,kena nakapaka pirso, ljiada pimutokawa, ikamitsa napekoka pjiawa namatsikasho pantinomaljie nadenikaljie jaljiamikawa,´' ⁶ mitsa noyapawa tsomitsa pioya,nokapa kaupitaka pjia pirrana sho, Nini nokaite pjirrana ljikokatua pjia, ¡kawiotsa pjia! Nini nokaite pirrana ljikokatua pjia,'!kawiotsa pjia! ⁷ Nite noatsa ikada pitauñawa kaiñji paniati sho nadeñjika, pimaimatakawa nite opii makani pjia , nite matsiadarru pjia narso nañji matsiadarrupe, nañji pinii makanipetsakana, nite nañji pitsikolje natauñatsakawa. nintsa matsayanda rsukatsa pjia nite madanee darsotsa, ⁸ nite nopjieta noyapakawa tsomitsa pioya, nite nokapa pjia, ikatsa ljinanaka inuo pirso pipeyokawa, nite nokada nokapi pinako nudanatakrso ljiañji matsayanka pjia,nite nokaite ajadalji nite nokaitepa ajadaljirriko pjinai,ikatsa ljikaiteka ljiañji WAMINALJI DIOS, Nini ikatsa nuyadaka pjia, ⁹ Nini nokotso pjia Onisho nite nokotsoka pirrana pjiuya,nite noarsoka pjinako aceite, ¹⁰ Nueta pjitsayaniwa nadananda matsia yaljapi, nueta pjisandalianiwa pjipanako,nokaljapi pjia tsayape finodalji sho, nite nodanata pjia tsayapekakanaljeda ljisho´ {seda} ¹¹ Nitena noetaka pinaniwa kakuadaperri,nite nokada pjinapa ipapiwa{brazaletes}nite apakaa pipatjipiniwa piwedaljiko, ¹² ,Nite nueta pjitakonako kakoadaperri nite pientadawa pjieninako,nite apapoko ljiarropoko namatsietanda matsiadalji pjiwidanako. ¹³ Ninipjia pjia narsoetandanako Owirro nite paljata, nite pjiatsaka netaa pitsayaniwa finodalji kakanaljiedalji {seda} pinani nadanjanipe. pjiña matsidalji natodañji ipepe, {harina} mapaa nite mateka, nite pjiyapetakawa ljiañji matsiada rsokapjia nite piokawanañji nataljikana karso pjia, ¹⁴ Pjiakona yukawa apada jipainakolje pimatsiada rsokanako, mamatsikaka darsotsa taljikanatipe, ljiañji nokadalji pjia pirso, ljiako ljiañji WAMINALJI DIOS. ¹⁵ Mikatsa piwaupiakapua ljinako ljiañji pimatsiaka, pjinaitakawa kaiñji kawiljeda rsonsho ljima ljiañji piakona. opii piarso nanako ljiañji piwilje nanako piomi nañji jiyapakapewa, kaishopa ljiañji pimatsiaka piyadakani. ¹⁶ Kaishopa pipaka ljiañji pitsayani nite ljisho pinaitaka apada yenundalji piyadawa tekoljiepenadalji idana yuyawaka, Nini pinaitakawa kaiñji kawiljieda rsonsho, kurrintapa ljiyapakawa kaiñji, kurritsakantapa kaikani, ¹⁷ pjipaa tsaka nañji pinani kakuadape matsiaperri Uwirro nite paljata, nañji nuanipepia pishoo, nite pjinaita Atsia jinapjianmi, nite pjinaita kankatsa kanñji aapama kawiljedarson sho, ¹⁸ nite pjipaa tsaka ljiañji pitsayani tekoljiepenadalji Idana yoyawaka,nite pidanatani, nañji nomatekani nite nupomenianjeirre pjikadakani rsorsu, ¹⁹ Nuiñaope tsaka,noañji pjia pirso,kaanape iiwi tsaka, {harina} nomatekani, nite numapaalje, pjikadakarso ljitan yanarso kaiñji pomeninaisho, ikatsa kayupjiakani, Ljiako ljiañji WAMINALJI DIOS, ²⁰ kaishopa ljiañji, pjiaa nañji pirrii nite pitunaipe pimutoetañji ikapa jaljedauka Nursowaljeu pjia, opiipiana ljinapianmi irso nawayaketaka rsunaiñana kiañji Iñaudatisho? Tsotikitsa ljiañji pinaitalji kaiñji kawiljeda rsonsho? ²¹ pikadañina pjiañina nañji nuenipe, nite pikadana tiyersiko, ²² Piomi ljiañji kadufialjeka dalji pjinaitali piwiljiapite, kapaa piwupiatsa ljiwalji pimatsiaka piyenpetika, matsayankaulji pjia Madanjekaulji ljia kerrandapjia katua pjia, ²³ nite ljipodamite ljiañji, pimatsikana ¡Aya!´¡Aya!, Kenapaka pjia Ljiako ljiañji WAMINALJI DIOS, ²⁴ Pjinaitenina apada nakawau matsiadalji taimidalji nakuamitsa jaljiamikawape, ²⁵ ljinaitenina piowakarrudawa yenundalji naniputee iwidakonmi pimatsiketenina ljiakañji pimatsuadarso kapjia, pjikaitiakaketsa nrso piomi nañji jiyapakapewa pjinatakarro aima matsi pidadasho, ²⁶ ,Pjinaitatsaka matsi pidadasho napiya nañji EGPCIOnjai, tsomipetsa pjioya, pipeyuetañikana makanipeka puana, pjinaita napiya matsi pidadasho, pikersoatakatsa nuoa, ²⁷ Noñawatsa pjia Nokapisho, nite notawatsa pioya piñaupe, nuawatsa pjia narso nañji pipjondanai, Naituniape irso nañji FLISTEOSnjai jipakape pipaimana ljima ljiañji pinaitalji ²⁸ Pjinaitatsaka matsi pidadasho napiya nañji ASIRIOSnai, pjinatakapawa kawiljedarson sho kurrimintua metamika pjianñjiakakau ²⁹ Pimaitapja ljiañji piwilje añji napaitenako nañji iwendekape CALDEAperri kurripaa metamika pjia ljisho, ³⁰ ¿kuapa matsinaka ljiañji pikakulje, ljiako ljiañji WAMINALJI DOIS, pjinaitakarru piomi kaiñji rsokaisho rsoanñji kawiljedarson mapaimadarsoetsa ikawa? ³¹ pjinaitenina piowakarsodawa yenundalji napowa jiwidakuami, nite pjinaitatsaka taimidalji nakuana nañji jaljamipekawa, mitsa kurritsa kaika pjiañji kawiljedarson sho pjipakanta ljikuada, ³² pjia Inarso jinaitakada pidadasho matsi, njenaka pieapja nañji tekuiteperri, ljikadananta ljia piinirri, ³³ Piomi nañji Iniaki nakauña rsoañji kawiljedarson, mitsa pjia pikauñenakana nañji pipeyuñji nite pjianarso nanukarso pikaulje kaitekatsañji nanaitakarru matsi nadadasho piapiya, ³⁴ Nini tekuljedarso katsapjia nauya nañji paana naitepje, ima kurritsa kaiterridaka yayuma ljia pimakarso Nainai,pjienaka ikauñana, kutsakocan ikauña pjia, ³⁵ Niniwatsa, pjia kawiliedarson,, Pimii ljiako ljiañji WAMINALJI, ³⁶ WAMINALJI ikaite.. pimatsikakapuena ljiañji pidada ljisho ljiañji pipeyunda piwiljeapansho pjiomi nañji piatsiate pjiomitsaka nañji pitatañji inai¡ IDOLOS! kadofialjeka perri nersana ima nañji pienipe piañji Narso, ³⁷ Ikatsautsa,Nuwaketaka piomi nañji piatsiatenai pjiañinpepia Inai,piomi nañji pipeyunpepia nite nañji pimenatañjimi, nuwaketawatsa padanirsi nañji piwaljia, Nokaitewatsa narso kuañjidarsoka pjia nakaparso matsayandarso katsa pjia O mananidarson, ³⁸ Nuatsautsa jirsapiteta pjia piwiljie ima,nite ljiañji irsanati yarsokawa, Nodawatsa pikaulje irsanati yarsokawa Nuirsoasho nite Nukersiakesho, ³⁹ Nuawatsa pjia narso nakapirriko,Naduitakarso piowakawa taimiperri newakarsotsakawa nañji yenunperri nite narsawawatsa pitsayani nite nepawatsa pjiomi nañji pinani kakuadaperri, nakadawatsa pjia marsayañjin nite madanjemi, ⁴⁰ Niniwatsa ,nodeka pikaulje Aimdan Nainukarsotsa pjia jipadasho, Nayuawatsa pjia namatsetansho, ⁴¹ Namaitawatsa pipanaa, Nersapitewatsa pjia Nakapaowatsa nañji aymadan Naitepje, pjinaitawatsa matsi pidakisho, mikatsa kurriwatsa Nakauñaka pjia nañji piatsiatenai, ⁴² Niniwatsa, Nuoa nomawadakakena pjioya,' Nuirsoa shenawa pioya, Ima metamikenautsa Nuoa, nite kurritsautsa kerruaka Nuoa, ⁴³ ¡kurrikapua piwaupiamitsa ljiada piyentika pjia, nite pimaa Notetekawa Nuirsoasho padenirri Imaa,Nuoawatsa Idieta pjiwidanakolje ljiañji pinaitanda, Ikatsa ljikaiterrika ljiañji WAMINALJI DIOS, ¿ljisho ljiañji kurrimintua pimakakena ljiañji piwilje pinaitanda pjia kadufialjekadalji? ⁴⁴ piomiutsa nañji kako peperri Nakaitepeutsa pinako, kuanka rsuañji rsodua, kaitsa kuatsa rsuañji rsuituo. ⁴⁵ ikatsa rsuituoka pjia rsuañji pjiduoa, Imakuadatakaita pjia rsuiniirri nite nañji rsuenipe, Ikatsa rsoweduaka pjia rsuañji rsuwedua Imakuadatakape pjia Iinirri nite nañji Nenipe, rsuañji piduoa HITITApjia, nite ljiañji pjiinirri AMORREOpjia, ⁴⁶ pipjerru ikatsa sroanñji samria yufaljiwa añji Inarsoemete pisho, nite rsoanñji piweduoa rsofafa añji inarsoemete pishoo, rsoatsa sodomaka nite rsoituo yapiya, ⁴⁷ kurrin pianikawa pjinaita kaiñji rsoanñikañiu nite kaiñji rsonaitakañji,mikatsa Ninipenaka piomi ljiañji piañjikawa Matsinapenaka rsoya, ⁴⁸ kawirritsa nuoa, ljiako ljiañji WAMINALJI DIOS, kaitsa piweduoa sodomasho,kurrin naniataka kañji pinaitakañji, nite kañji pituo shotsaka, ⁴⁹ ikatsa rrumatsikanaka, pecado} rsoañji piweduoa sodoma, padaljiete kano yumakada itsoka piomi, nite imawadakakada piomi ljiuya ljiañji kuandalji katsa, kurrin rsokitsindataka nañji kenaperrin nite nañji kanaikaiperri irso kuandaljikatsa, ⁵⁰ nite rsomatsikakau rsopadaljekakanako rsonaita piomi kadufialjekadalji Nuekoete, Nokapakadanakono kayo Noenitakatsano. ⁵¹ ¡ljia samaria kurri pamuyoamiketsa ljinaitaka kaiñji pimatsikanasho, mikatsa pjia, matsinapatuao pinaitaka kadufialjekadalji rsoya, ljisho ljiañji kadufiljiekadalji pinaitalji pikañatashopa matsipaka rsoañji piweduoa! ⁵² Pjiapaa ,ikañata ljia pipaimana,, ljima ljiañji kadufiljiekalji pipecadoni pinaitaljipa rsoya, matsaipatuana piuya, kapaimanpatsa pjia, ikatsa kurri daukaka piañji, kaishopa pikañataka matsiapaka rsoañji piweduoa piuya, ⁵³ Nuoatsautsa ,Idieta nañji pinani,ljinanitsaka ljiañji sodoma nite ljituo naipe iyape, ljinanitsa ljiañji samaria ljituo naipee yapiya, mikatsa ljiañji Nanani Nainaiwaka daljiotsa, ⁵⁴ ljimautsa ljiañji pinaitalji kapaimanawatsa pjia,ikamitsautsa imetamita ljikano, ⁵⁵ Niniwatsa,, rsoaa piweduoa sodoma rsoituo naipe yapiya Nitena samaria rsoituo naipe yapiya, Nadiawatsawa Nainitawa ljepia naufakau, kaitsa kautsa pjia, pitunaipe idatsakautsau nainitakawa piaanmi, ⁵⁶ Rsoa , piweduo, sodoma kurripaa pinumatami ketsano ljiwalji pjia padaljie kualji pjia, ⁵⁷ Ljipeyatua naka nañji ljiañji pimatsika,mitsa panaya nakapa natisho piomi matsi pjia nañji EDON ituonaipe piomitsaka nañji FILISTEO ituonaipe Natsaka nañji inainki nawaIdaperri, ⁵⁸ ¡Pjia pjirrapitena kapaimanakalji kadufialjekadalji ima ljialji pinaitalji,!¡ ljiako ljiañji WAMINALJI! , ⁵⁹ Ikatsa kayo ljiako ljiañji ,WAMINALJI DOIS,, Nunaitawatsa pjia kaiñji pjinaitakapisho,pimenatakapua ljiañji pikaitendena pjinaitaka, ⁶⁰ Mitsa Nuotsautsa iwaupia ljiañji Nukadanpjia pisho ljiawaljipia piyenpetikatua,nite Nukadawatsa kaidaljiwetsani pirson, ⁶¹ Niniwatsa piwaupiaka ljiañji piañikarsonwa pipawatsa piamanawa newarsikuatsa pikauljie nañji pipersonaipe nite piweduanaipe Nuoanipe pitunaipewa ,mitsa kurrika ljima ljiañji pikadanda, ⁶² Nuoatsautsa imatsieta ljiañji nukadanda pisho,pjiañjika rsoatsa Nuoakatsa ljiañji PIMINALJI, ⁶³ Piwaupiaka rsotsautsani nite kapaimanka rsotsa pjia,kurrika rsetsa pimeko pinoma pimaiman ima ,Nuperdona kadanakue nautsa piomi ljiañji pinaitalji,Ljikaiteka ljiañji WAMINALI DIOS