¹ Dioso barü naliwaisita Moises Aron beje, junaitsitsi beje pakueniaje : ² Dajjita pebijiwi coat piaja biria pana wünü rubi ejjanare levitawi , piaja monae dajjita piaja peruju monae wimi. ³ Dajjita penaweretsi pebijiwi treinta ata cincuenta pawai beje pe jjainaiwi. Pana matajure dajjita . Bajara pamonae pa kaetuare bara ponüanü pe ewetsineja pena kaituatsi bo. ⁴ Coat pijimonae ewetsiana bitso pe yaiytai jawanü pejjania kuenia jjanü nejja bara penakaituatsi bo jawata. ⁵ Itsa jjaniwaeta tajjunae robia pe ponai nejja, Aaron pejji barú mata jonota bara pa bo, jjua yamata akata pe yeiyataijawa pemata akatsinejja peyaiyataibo. ⁶ Bajara pa bo pe mata jjatatsinejja tejon boko tonüta. yeretarü tsiana pe saüm jai pananü bajara pakanakujitsita. Nubiana naejawajji pekakatsunaejji nejja. ⁷ Pe saüm jai panata mesa juma akata buata itsa jota pan pita petsi bü buata biaba. Bara pamatatsünüa wereka pa jebianame wajjijji, caliapa tsoropanü nejjata bajara jota pe epakai nejja. ⁸ Ikatsi pejana kuenia pa juma akare pe tsaü jai panata tejon bokoto jawata. rubiana ikatsia naejawajji bajara pa mesa pe kaponae nejja. ⁹ Pamata aka tsianame pe saüm jai panata kandelero jawa, dajjita lamparanü, petai kai jawanü, peyaütsi jawanü, dajjita peya pemata fhobinae jawanü pejanejai ranü lampara nejja. ¹⁰ Dajjita pa jebianame peyajawa najetarü kaejawanü lampara cortina panata tejon bokotonü jawata, pa rubianame petabü topa jawa kanakutsia jawata. ¹¹ Parutsianame pe saüm jai pana oro altar jawata. pamata akatsianame ikatsia tejon bokotonü jawata, Ikatsia bajara pakuenia pa rubianame naejawajji peka ponai nejja. ¹² Pa notsianame dajjita jjunü ba kanakuenebatsi pe yaiya tajjunae jjawata pa mata akatsianame pe saúm jai panata. ¹³ Ikatsia bajara pajuenia pa mata akatsianame tejon bokota pa rubianame naetabü topa jawata. Dajjita pita ire pakajuetsianame altar wekua bara jjüa kuinae pa rutsianame pe pabanae pana. ¹⁴ Nejjata pa rubianame petabü topa jawata dajjita pakanakuenebi jawanü altar nejja. Bajara jjuanü pewünüanüje, tonebürü, pekanü yorobi jawa, pa la, wajjijjanetonü yajawa, itsia cuene jawanü pekanakuenebanü altar. baran pakuenia pa mata akatsianame tejon bokotonüta bajara jjua kujinae naejawajji pa rubianame pe kaponae nejja jumatejema ¹⁵ Itsa baja Aaron pejji barümata akata dajjita peyaiyatai tajjúnae yajawa dajjita kiuene pekana kuenebi jawa, nejjata baja ikatsia dajjita bajara pa tajjunae, nejjata Coat piji wiria bajarajjua tsimajjü patabiaba petijjitsinejja bajara patajúnae.itsa baitsi natsi jayabiana bara pa pe yeiyatai cobekowú, nejjata thupaina, Bara pamonae raja Coat piji wiria penakaetutsi bo pekajinawana paiwi bo. ¹⁶ Eleazar pejjunato Aaron sacerdotenü bajara ponü ewetsiana pejane jaira penaitayotsinejja , pejjaikai incenso jawa, bara pakuenia ofrenda pe jane jaira pe unjibi ra, bara pakuenia ewetsiana penakaituatsi bo yajawa dajjita, pe yaiyataijanü. ¹⁷ Dioso jumaitsi Moisess Aaron beje jawabelia. pa kuenia itorobaje: '' ¹⁸ Putsa nawekua natsata beje coat piaja monae levitawi wekua. ¹⁹ Jjaniawaetsia ya ewere beje, bara pamonae pe jinawapainejja pe tüpai yaniwa, pitsi jawata jjuaje, itsa natsi imojjoyota peyaiyatai jawa. ²⁰ Pepo kuene kajena apo jone tsane kae epatoyo ata pe yeiyatai tajjunae jawablia tsipaji kajena tüpaijitsipa. Aaron pejji yajawa kaenü kuene kaüpatsi pe jone nejja, nejjatabaja jjua kujinae tsikobe tsana kai coatitawi kana kujitsia jjua nakuenebijitsi, ²¹ Pejana kuenia ikatsia Dioso jumaitsi Moises jababelia. Pakueniaje: ²² ''Wünü kaituare Gerson piji wiria dajjita piaja monae cowü yajawa, piaja monae yabara. ²³ Namatajüre pamonae jjaina treinta pawaibeje pe jjainaiwi yajawa pejjainaiwi cincuenta. dajjita panamatajüre pamonae najua jinawanapaina kai penakaitutsi bo jawata ²⁴ Jjua pena kuenebinejja gersonitawi piaja monae, itsa to kapona. ²⁵ Kaponaina tabernaculo piaja kortinapana, pena kaituatsibo, pe matatu, bara pa matatu juma jjatata tejon botonüta kortina pe rukaejawa pewupa jawata penakaitutsi botajawata. ²⁶ kaponaina yajawa panabo piaja kortinapana, baja pa kortina pe rukai jawa panabo kopia wüpata, imojjoyo tabernaculo pe rukae jjae penakaituatsi bo imojjoyo altar kanakujitsiat, dajjitakuene jawanü bara jjuanü pekanakuenebijja, nejjata bara jjuata bajara pa monae itsi. ²⁷ Aaron pejji yajawa itoro biana gersonitawi, dajjita jjua kapona biaba, pakuenia yajawa nakueneba biaba najetarubena. ²⁸ Jjamü itoroba baianame pakuenia itsi jitsia. Bajara jjua pena kuenebi nejja gersonitawi piaja monae pena kaetüatsi bo, Itamar , Aaron sacerdotenü pejjunato itojorobiana barajjua. ²⁹ Jjamü namatajjütsianame Merari wiriawi dajjita piajamonae yajawa, tsata najetarukare kae jiwi kanakujitsia piaja monae yajawa, ³⁰ treinta pa wai beje pe jjainaewi yajawa cincuenta. Namatajüre dajjita bajara pamonae pena kuenebiwi nejja pe na kaituatsi bo jawata. ³¹ Jjamü rabaja jjaniawaetsia kuenia bajara jjua nakueneba ponaponainame penakaitutsi bo jawata. Ewetsianame pena kaitutsibo piaja naisiturutonü, piji naejawanü, yajawa ³² piaja poste nainü, piaja base ata, kae jawata ponainü pena kaituatsi bo pe pünüya nubena poste nainü,piji base, piji estaka, dajjita pe maü, piaja pe kobe kowü pe wüba ruba ponai jawa dajjita kobe kowü jjua kapoana biawa. ³³ Jjua rajaje penakuenebi nejja pejji Merari, pitsinejja pena kaituatsi bo, Itamar pitorobi kuenia bara pakuenia nakueneba Aaron sacerdotenü pejjünato.'' ³⁴ Moises Aaron beje yajawa pena matakaitorowi kaituta coatitawi piaja monae yajünü, ³⁵ Namatajütatsi treinta pawai beje pejjainaiwi yajawa cincuenta pawai beje pejjainaiwi. ³⁶ Namatajütatsi dajjita pamonae nakaitua naijitsia pe nakuenebi nejja kaejawata dajjita pena kaituatsi bo jawata. Natajütatsi 2,750 pa pebi beje. kae wiria kana kujitsia. ³⁷ Moises beje Aaron beje namatajüta dajjita pebijiwi coatitawi pamonae nakuenebitsia pena kaitutsi bojawata. nejjata jjua pitsi jjae, jume kowünüta Dioso jjua na jume itoroba moiseta. ³⁸ Gerson dajjita piji monae namajütatsi, copiaya pe jinawanapaiwimi cojjuya, ³⁹ Trenita pawai beje pejjainawi cincuenta pawai beje yajawa, dajjita pamonae na kaetuata kae jawata penakuenebi nejja pena kaituatsi bota. ⁴⁰ Dajjita pabijiwi, piaja monae yajawa peruju jinawana paiwi yajawa dajjita ta 2,630 ⁴¹ Moises beje Aaron beje namatajüta Gerson piaja monae pamonae nakueneijitsi pena kaitutsi bo jawata. Jjua pitsi jjae je, jume kowünüta jjua Dioso najume kopata moiseta. ⁴² Bara pijinia pakuenia Merari piji monae bajara pakuenia matajutatsi, ⁴³ Treinta pa wai beje pejjainaiwi yajawa cincunta pa wai beje pe jjainaiwi, bajara pakuenija dajjita pamonae penakuenebiwi nejja penakaituatsi bo jawata. ⁴⁴ Dajjita pa pebijiwi pena majütsiwitsi dajjita ta 3, 200 ⁴⁵ Moises beje Aaron namatajuta dajjita pebijiwi Merri wiriawi. Jjuaje pe jume kowünütsi jjae je Dioso jjua najume itoroba moiseta ⁴⁶ Nejjata Moises Aaron beje yajawa pe namata katorobiwi Israelitawi najua namatajuta dajjita levitawi yajawa piaja monae. ⁴⁷ treinta pa wai beje pejjai naewi yajawa cincuenta pa wai beje pejjainaewi. ⁴⁸ Namatajutatsi dajjita penakuenebiwi nejja penakaitutsi bota, peka ponabiabi nejja yajawa pe jjanai waitsinejja dajjita pe kobe kowú jjua jjaina penakaituatsibo. namatajuta 8,580 pa pebi beje. ⁴⁹ Dioso pe itorobi kuenia, Moise namatajuta kai pebi kanakujitsi, to namatajüta najetarüka pe nakuebi jawa jjua pakuenia itorobatsi pitsinejja. Bara ponü namatajuta kai pebi kana kujitsia pakuenia eweta najetarubena jjua kanajetarübena. jjua pitsi jjae je, Dioso jjua itoroba Moiseta.