¹ Kujunae, wajamonae peitorobinü salinaivimi wajamonae Galaad java, Mawuir pejjünato (ikeni pejjunato Manasés nü), pikeni berena pe salinaivimi monae José, jtarüka berena kuikui yajaba Moisés peitabarata yajaba peitabarata peitorobinünü pekopiaya pija monae java salinaivimi Israel tomara. ² Jumeitsije: "ka itoroba petujjanenü, vaja tujjanenü, pe rajutsianatsi tsatsi irayo kae ira Israel tomara nejja. Petujjanenü ka irapeta pe rajutsi nejja kae irayo Zalofehad java, waja pejuyapijinü, pija pejunato wayo java. ³ Beitsi jane pija pejunato vajji nakojieva itsa pebijivi wiria Israel monae vekua, nejjata pi ira, to vekua pitsienatsi pija ira waja silinaivimi java. to rajutsiena po viria jota berena. ⁴ Yabara jua, to vekua pitsienatsi pija ira vaja na karajutsi java. Yobara jua, kujinae jubileo pa way tomara Israel na rena, nejjata pija ira to rajutsienatsi pa viria penakaetuabi java. Bajara pakujirata, pija ira vekua pitsienatsi pa viriabi vaja salinaivimi java. ⁵ Bajara pakuenia, Moisés itoroba Israel monae, petujjanenü pejume java. Ponü jumeitsi.Pa viriavi pe salinaivimi José nü jumeitisi pejjania jai jume. ⁶ Bajara jüaje petujjanenü itoroba, pe matatsünüa Zelofehad pejjünato wayo java. Ponü jumeitsi: "Pa kopare pe nakajiebi pejamatabükuene pejjania kuene pe jitsipae, beitsi jane bü penakojiobi pajja pija viria vekuá. ⁷ Apa jitsiviyo Israel tomara ira apo kuene jjaneta itsa jiviyo perajutsi nejja jjaneta itsa wiria perjutsi nejja itsa jiviyo ata. Kae jiviyo Israel tomara katsiteka pona rovia viriabi pija salinaibmi. ⁸ Kae petiriba Israel pija tomara, pa viria powa jjaina ira java na kojiebatsane pajiviyo pamonae pa wiria berena pija pajja. Bajara juaje pa dajjita Israel tomara taema pejjainanü pija jjainaenü pija salinaimibivi. ⁹ Itsijiviyo ata apo kuene kajüpaetsi pejuta ponae nejja itsa viria java beria ata. Dajjita Israel pijiviria be kanubena pija herencia." ¹⁰ Nejjata pakuenia Zelofehad pejjunato vajji itsi pakuenia petujjanenü kuene itorobatsi Moisés javaberia. ¹¹ Zelofehad pejji pewünüanü Maala, Tirsa }, Hogla, Milca, Noa yajaba, Manasés pija viria ata na nota. ¹² MAnasés pija viria monaeta na nota, José pejjünato. Bajara pakuenia, pija herencia ka na kapata bajara pa viria ata pajja pija monae berena peya maü rukae java. ¹³ Bajara juajen petujjanenü peitorobi liveise Moisés javaberia Israel tomarata Moab pija waya vayapjota, Jordán imojjoyota, Jericó javata.