¹ Dioso jumaitsi Moiséta pakuenia jumaitsi: ² "Itorobare Israelitawi pakueniaje, 'itsa pa jonename Canaan ira belia, pa nija ira belia, Canaan ira pe na tsatsi jawata, ³ Nijja tamo tusato bitso ayaijawa tsane Zin tusato kujinae api tsane ata Edom tusato jawata. Ayai kuenia pijinia tsane itsa wetsina pitsapa matakabi piji juameto ata pe natsatsi jawata petamo jawa bereka ya Mau rukaena yajo mene jawabereka. ⁴ Kopia na jjorotsaiana nija ira a ta Acrabim ibo tsuto Apia tsane Zin tusato jawa. Bajara jota kujinae, kopia najetarukana Cades Barnea yajawa abajjü najetarukaena Hasaradar jawa bbeliayo abajjü tsane ata Asmon jawabeia. ⁵ Bajara jota kujinae, pe ira natsatsi jawata najetarukaena Asmon piaja puka jawa Egipto abajjü kopia najetarukaena ata Pepo meniabelia. ⁶ Natsatsiana itsa betsia matakabi juameto joneyabiaba baja betsia yajawa namata rapotsiana piniji mene jawabelia. Bajara pakuenia kato kopia rukaena. ⁷ kato kopia najetarukaena pijinia tajü piniji manua mene najetarukaena ata Hor ünü jawa, ⁸ Nejjata Hor unu kujinae ata Lebo Hamat jawa,bajara jota kujinae ata Zedad jawabelia. ⁹ Nejjata ikatsia kopia tajjüjjübiana Zifron kujinae kopia rukaena Hazard Enan jawabelia. Bajara jjua nija ira kopia rukaena itsa vetsina matakabi piji juameto pitsapa. ¹⁰ Nejjata itane ruta najetaru kaename itsa jjoyo kato kopia kotapata najetaruka oriente yenepana nenia Hazard Enan kujinae ata Sefam tamo jawabelia. ¹¹ Nejjata bajara pa tamo Sefam ata Ribla jawabelia, itsa yanapana Ain jawabelia. kopia naejetaruakaena apiaya Pepo mene Cineret yenepana. ¹² Nejjata kopia najetarukaena itsapana nenia apiaya Jordan mene nenia ata yajo manua meniabelia abajjü kopia najetarukaena. Bajara jjua pakuenia nija ira, kopia najetarukaena namata enetsia mata toyorotsia." ¹³ Nejjata Moise itoroba Israel tomara pijiwi pakuenia je: "Pa ira je pa pitsianame pejjania kuenia, tsipaji Dioso itoroba pe rajutsinejja nueve 9 pa wiria beje yajawa bewejia bitsautoyo yajawa. ¹⁴ Ruben piaja wiria, najetarukaena pa rajutsinejja piaja kobe kowü pamo jiwi, Gad pijinia piaja wiria, rajuta najetarubena, pekobe kowü pamo jiwi, Manase pijinia piaja tsikiri bitsaütoyo na rajutatsi iaja ira. ¹⁵ Piniji wiria tsikiri wiriajji bajara pakuenia na rajutatsi iaja iranü be bebeliayo jordan Yana pananenia Jerico jawabelia, itsa wetsina pitsa matakabi piji juameto. ¹⁶ Dioso jumaitsi Moiséta ikatsia pakueniaje: ¹⁷ "Ma pa wünüanüje pebijiwi ponüanü yatu übiana iranü pane Kobe kowünüanü nejja: Eleazar sacerdotenü yajawa Josué pejjünato Nun. ¹⁸ Pa itaptsianame pena mata kaitorobunü nejja pe tsanainü ira kai pena mata kaitorbijiwi piaja boota. ¹⁹ Jjüa pijinia pe wünüanüje pa pebijiwi: Juda piaja wiria, Caleb pe jjünato Jefone. ²⁰ Piaja wiria peejana wi Simeon, Samuel beje Amiud pejjunato beje. ²¹ Piaja wiria pijinia Benjamin, Elidad pejjünato Quislon. ²² Piaja wiria peejanawi Dan jefenü, Buqui pejjünato Jogli. ²³ Peejana wiria pijinia José, piaja wiria peejanawi wiria Manase jefenü, Haniel pejjünato Efod. ²⁴ Piaja wiria Efrain peejana wiria kai jefe, Kemuel pejjünato Siftan. ²⁵ Piaja wiria Zabulon peejana wiriawi, kai jefe Elizafan pejjünato Parnac. ²⁶ Piaja wiria Isacar peejanawi, kai jefe Paltiel pejjünato Azan. ²⁷ Piaja wiria Aser peejanawi, Ahid pejjunato Selomi. ²⁸ Piaja wiria Neftalí peejanawi jefenü, Pedael pejjünato Amiud. ²⁹ Dioso itoroba bajara pa pebijiwi pe tsanai nejja bajara pa Canaan iranü pe rajutsinejja kai wiria kana kujitsia israelitawi piaja Kobe kowüjjinejja.