¹ DIOSO jumaitsi Aaron jawabelia: "Jjamü, yajawa ne jji, yajawa nijamonae ne wajünai pijiwimi bajara pamonae baja piaja nekoni netsi taina jjua itsi santuario yabara. Baitsi Jane kainümü jjamü yajawa nejji pa natsi tainame itsa pabisia kuene pa itsimü sacerdotewi kuene jawa. ² Pijinia baja peka jamatabü jupaiwi, pejina wanapaiwi Levi wiriawi, newajünay pijiwiriawi be nakaituatame jjamü jawaberena bajara pamonae peka yawenonai nejja itsa pa kujinae jjamü yajawa nejji pana kuenebame pa bota jjaina yaiyataya pena jume kopatsi jawa ³ Beka yawenona jjamü yajawa dajjita pe jjainai bo jawata. Baitsi Jane, apo imojjoyotsi pe yeiyatai tajjünai altar jwaa, itsa jume bajara pamonae jjamü ata, pa tüpainame. ⁴ Be panakaituatame pane najua ewetsinejja pena kaituatsi bota, dajjita penakuebi nejja bajara jota pena kaituatsi jawata. Itsa wirianü apo be paka imoyotsi pajjamü. ⁵ JJamü baja eweta ponaponainame bajara pa altar tajjünai, nejjata ta Anai apo petsi patsinejjatsi israel tomara ikatsia ⁶ Taima, jjanü kato itapetatsi peka jamatabü jüpaiwi, Livita wiriawi Israel nakua pijiwi. Bajara pamonae rebaja pejjania kuenia Ka rajutsi jjamü nejja, peka yawenonai nejja jjüa nakueneba biabame penakaitutsi bo jawata. ⁷ Baitsi Jane kainümü jjamü yajawa nejji pa Ka kuene kaüjüpa pane nakuenebi nejja sacerdocio jawa, altar jawata kortina. Pa kaa asaümüre bajara jjüa. Paka rajitsianatsi sacerdocio pajjamü nejja. Itsa ira pijiwinü na imoyota be tüpa." ⁸ JJua kujinae Dioso jumaitsi Aarota: " Taima, jjanü raja karajutatsi neka ponai nejja ofrenda athübüyo jjanü jawaberena, yajawa dajjita pejjania ofrenda jawa jjua israel tomara ijiwi ne reajuta Jjanü. Jjanü bajara jjüa ka rajutsi jjamü nejja yajawa nejji ata namata jüpaya dajjita matakabi nejja. ⁹ Ma jjuaje bitso Pepo santa jawaje, kaponatsi isotuabelia: dajjita ofrenda bajara pamonae piajawa, dajjita ofrenda pejju jawa yajawa penekoni ofrenda jawa, bajara jjüa bitso Pepo santo jawa jjamü nejja yajawa nejji. ¹⁰ Bajara pa ofrenda bitso santo jwa, dajjita pebijiwibe jjane, tsipaji santa jawa bajara jjüa jjamünejja. ¹¹ Ma pa ofrendanü je nija jawa jjamü nejja: peka rajutsi jawa, dajjita ofrenda ka rajüta Israel tomara. Jjanü bajarajjüa karajutatsi. nejjünatonü ata nejjünatoyonü ata, namatajüpaya dajjita matakabi nejja. Dajjita nijamonae pamonae anekoniijibi be jjane ma pa ofrenda. ¹² Dajjita bitso pejjania Aceitera, dajjita pejjania wino peejana jawa yajawa pejjü, pena matajjainai kui kopiya tomara jjanü pijiwi wü jjanü tane rajutsinejja- dajjita bajara jjüa karajutatsi jjamü. ¹³ Kopiya pe tsobiajawa dajjita nija irata, tane kaponaijawa jjanü nejja. jjamü nejja tsane. Dajjita amonae anekonijibi nija monae jawata buena jjane bajara jjuanü. ¹⁴ Dajjita jjuaje israelitawi itsi tsabiabi, bajara jjüa niajawa tsane. ¹⁵ Dajjita jjuanü ünü pana biaba, dajjita mata pijiwi, jjüa rajutabiaba Dioso, pakuenia pebijiwi yajawa dajubi, bajara jjüa nija jawa. Baitsi jane, tomara ü pematamatsinejja peejana kuenia dajjita matapijinüjjita, ikatsia be matamoba peejana kuenia pena mata jjainai pebitonü dajubiwi. ¹⁶ Pamonae meta matamabianatsi peejana kuenia tomara pijiwi bajara pakuenia peejana kuenia e beretsi kujinae kai juameto kujinae. Jjüa kujinae bajara amonae matamobiana peejana kuenia ikatsia, pe matama cinco siclonüta, pe arebe jjanepanai kuenia siclo santuario nejja, pe kuene kaüjüpa 20 pa geras beje kuenia. ¹⁷ Baitsi jane matapiji baka, matapiji oveja, matapiji cabra-bajara pa dajubita apo be matamabi peejana kuenia; paneto tsare JJanü nejja. pa subianame pejanata altar jua kujinae penas itsi patajuire ofrenda kuenia, pejjania tujju Dioso nejja. ¹⁸ Pewi meta baja jjamünejja tsane. Pemipa awüyotsi jawa yajawa pekuaja thaüto, pewi meta baja jjamü nejja tsane. ¹⁹ Dajjita pejjania ofrenda jjüa Israel tomarawi nerajüta Dioso, bajara jjüa janü karajutsi, nejji pebijiwi petiriawi ata a dajjitamü, namata jupaya dajjita matakabi jawabelia nejja. pena jume kopatsi jawa dajjita matakabi jawabelia yajotojawa, penajume kopatsi jawa ena kaitüatsi nejja dajjita matakabi jawabelia, Dioso pitabünejewa pakuenia jjamü yajawa nija wiria jjamü yajawa." ²⁰ Dioso jumaitsi Aaronta: "JJamü apo jjainamü tsane tomara irata, itsa kuene kobekowü ata apo jjainamü israel tomara tutujüta." ²¹ Pamonae Levi wiriwi,, bajara pamonae jjanü rajutajjü palata Israel jawatalia be pe kanakopabi kuenia pe nakuenebi keuenia pena kaituatabi boota. ²² Jjü kujinae Israel tomara pijiwi apo be imojjoyotsi pena kaitüatsi boo, itsa jume baja netsi taina ma pa nekoni yabaraje nejjata tüpaina. ²³ Levitawi baja be nakueneba pena kaitüatsi o jawata. Bajara pamonae tsijuma othopainatsi dajjita pana nekonitsi bajara jjüa yabara. Bajara jjua pitorobi jume dajjita matakabi jawabelia nija peejana tomara yabara. ²⁴ Israel tomara tutujuta apo paka kanakopatsimü tsane. Israel tomara piaja palata yabara, taneto kaitüatsi jawa jjanü nejja- jjüa ta rajutsi jawa levitawi pe kana kopatsi nejja. bajara jjua yabara paka jumaitsitsi: 'Apo paka kana kopasimü tsane Israel tomara tutujuta.' ²⁵ DIOSO kuikuijai Moisés jawabelia nejjata jumaitsitsi: ²⁶ "jjamü jumaitsimü tsane Levitawi jawabelia pakueniaje. Itsa pitame israel tomara pijiwi piaja palata jjüa ka rajutatsi nekobe kowü nejja, be itajütame tsikiri jawayo ata Dioso jawabelia, bajara jjüa yajawünü jawa. ²⁷ Ne kaituatsi jawa jjamü jjamü nejjabe tsikiri jjütoyo jjüa ba itsi vino.'' ²⁸ Nejjta, jjamü ata be rajutame Dioso dajjita jjua pitabiabame palata wiria jawa Israel tomara jawata. Bajara pamonae pijinia pe kaitüatsi jawa rajutsiana Aaron, Sacerdotenü. ²⁹ Dajjita peka rajutsi jawa, be rajutame waja Dioso. bajara jjua be itsimüpejjania kuene dajjita jawanü bitso pejjania jawanü kajuta.' ³⁰ Bajara jjua ata, jumaitsimü tsane bajara pamonae jawabelia: 'pakujinae itsa itajütame bitso pejjania jawa, bajara jjüa leitwi be pekobe kowü, be perüju wiria vinora. ³¹ JJamü be jjaneme tajjunai jawata peyajawünü nakopatsi jawa, jjamü yajawa nijamonae, tsipaji jjamü nija matamo ne nakuenebi jjae pena kaitüatsi bo jawata. ³² JJamü apo be na nekotsimü nejjai kobejjai niapai yabara, itsa biji baja tsitajütame Dioso jawabelia bitso pejjania jawanü peka rajutsi jawanü. Itsiata baitsi Jane apo beya imojjoyo tajarabimü santa ofrenda jawanü Israel tomara pijiwi, tsipaji be tüpa."'