²⁰ Nejjata DIOSO barü kuikui jai Moise Aaron beje ta: ²¹ "Pana tsare pajjamü beje pamonae je wekua pe werebia jjüabinejjatsi kaikunia." ²² Moise Aaron beje boka nejerüka beje ira taitsia nejjata jumaitsi beje: "Disomü, Dioso dajjita epíritu nakua, kai peebi kanakujitsia itsa pabisia kuene itsa itsi, ¿jjamü meta kajena baja bara anaipaname dajjita ma pamonae je?" ²³ DIOSO jume pitatsi Moise. jumaitsitsi: ²⁴ "Barü kuikui jamüre nija monae. Jumaitsimüre: 'Pana tijjibianame pamonae piaja karpa bo wekuaje Core, Datan Abrirán ata."' ²⁵ Nejjata Moisés nonotapuna pona Datan Abiram jawabelia ata; piaja ancianowi Israel püna ponatsi. ²⁶ Bajara ponü barü kuikuijai piaja monae jawabelia jumaitsi: "Pa wekua natijjibianame pa piajamatabü beje nüananü pütsa pa jayatame itsa kuene jawa bajara pamonae pekobe kowü, Ita jume ü pajjamü paka tsi othopai jitsi piaja nekonimi." ²⁷ Nejjata jiwi dajjita mujjunenia wekua natsana Core, Datan Abiram ata piaja karpa bonü wekua. Datan Abiram beje piaja karpa bo itapa jawata nuka jopa beje, piaja wa, yajawa pejji. ²⁸ Moise nejjata jumaitsi : "Ma pakueniaje payapütainame pajjamü DIOSO tane itorobi jawa dajjita jjüa je ta to nakuenebi jawa, jjanü tajamabü kueneta apo itsinü. ²⁹ Itsa pa pebi jiwi yajawünü tüpa pakuenia bá tüpatsi dajjita, nejjata baja DIOSO apo ne itorobi. ³⁰ Baitsi Jane DIOSO itsi müthü irata be piniji kuibojoto kuenia pa jjaenejja, yajawa dajjita piaja monae, itsa baja runareka ya asaüya bajara jhoyoreka, nejjata baja pajjamü be pa yapütaneme ma pa bebijiwi apo jume kowütsi Dioso." ³¹ Moise baja najume weretaba bajara pa jume, ira nawokona bajara pa pebi jiwi jawata. ³² Ira nakuibo yereta kijobatsi bajara pamonaimi, yajawa piaja monae tajjita jiwi peyajawa jinawopaiwi Core, yajawa dajjita pe Kobe kowüanü ³³ Bajara pamonae, yajawa dajjita piaja monae, ya asuya runareka pe tüpaiwi piaja nakua jawabereka. Ya ira namata jjatata bajara pamonae, bajara pakuenia pükaewa jiwi itabünejewa. ³⁴ Dajjita israel pijiwi namata toyorotsia rüküpeka wawa jaiya. Bajara pamonae ayai kuenia wawajai: Ira baja kajena benaka kijoba wajjaitsi ata!" ³⁵ Nejjata pe kotia pitsapa Dioso weriapa 250 pa pebi beje petajuitsiwi incienso wünü jawa. ³⁶ Ikatsia baja Dioso jumaitsi Moiséta pakueniaje: ³⁷ Jumaitsimüre Eleazar, Aaron acerdotenü pejjünato, pitsi ejjanare pa wajjianüta tajuitabiaba, tsipaji bajara pa wajjianü wü jjanü nejja neto itsi. nejjta, kayajabi ejjanare petajue iretonü tajayo wajuto. ³⁸ Pire pawajjianü kana kuene a biaba pe tüpaiwimi piaja nekoni yabara. Kopara bajara pa wajjianü pe tsakitsi nejja be pepananü pe bobenei nejja altar juma bereka. Bajara pa pebi jiwi neto cafheta ta itabarata, bajara jjüata nawekua natsana jjanü wekua. bajara jjüa itsa taiya biabiana iraelitawi yaputaina tayajawa ponaponaijawa ³⁹ Eleazar sacerdotenü pita bajara pa wajjianü boronce jawa jjuanü kanakueneba biaba pa pebijiwimi peta juitsiwitsi, nejjata tsakita pepananü altar nejja, ⁴⁰ Pena jamatabü notsi nejja irael tomara pijiwi, itsa wiria jiwi apo kuene kajüaitsi Aaron itsa apo pijimonae jiwi pena tajuatsi nejja incienso pita bü nejewa Dioso, apo beponai be Core piji bütsaüto-- pakuenia baja Dioso itoroba moiseta. ⁴¹ Itsamatakabi bayakanua dajjita israel tomara pijiwi Anaya barü kuikui jai Moiséta yajawa Aaron. Bajara pamonae jumaitsi: "Pajjamü kajena pa biame DIOSO piaja jiwimi.'' ⁴² Nejjata jjua itsi je, pakujinae tomara pijiwi tsimajjü nakai tuata Moisés Aaron ata, naukota beje ena kaituatsi bo jawabelia nejjata, bajara pae jawata, pajubo ya eweta. Bajara jota Dioso piaja kotia naitajüta, ⁴³ Nejjata Moisés Aaron beje itajjütua pona beje pena kaituatsi bo jawabelia. ⁴⁴ Nejjata Dioso barü kuikui jaiti Moise. Pakueniaje: ⁴⁵ "Natijjire bajara pa tomara wekua jjanü jumatejma baja berebiabia jitianü Kai kuenia." ⁴⁶ Nejjata Moisés Aaron boka nejerüka beje ira taitsia. Moise jumaitsi Aaron jawabelia: "pire pawajjita tajuita biaba, tajuire altar piji isotota, yajawa itanajare incienso bajara jota, be pijiyo kaponare tomara belia, ya pijiwi kayajere bajara pa pürü pamonae wekua, tsipaji Dioso pe inai najetarüka. Pabisia kuene baja kopia pita najetarüka. ⁴⁷ Bajara pakuenia Aaron itsi pakuenia Moisés itoroba. kujinae pona tomara tutuajuabelia. bajara pa pabisia kuene baja dajjita jiwi jawa ya kajüpa, nejjata bajara ponü incienso pürütta yapijiwi kayajata dajjita tomarata. ⁴⁸ Aaron nuka jopa pe tüpaewi jawata yajawa piasaüwi jawata; bajara pakuenia nejjata pabisia kuene ajibi tsajopai. ⁴⁹ Pamonae baja tüpa bajara pa pabisia domaita kajena 14,700 pajiwimi, apo namatajutsi nejewa pamonae kopiaya pe tüaiwi pakujinae Core yabara jawa. ⁵⁰ Aaron nawiata Moise jawaberena pena kaituatsi bo itapa jawaberena, bajara pakuenia ajibi pabisia domai