¹ bajara pa merawi, aüaüjai dajjita ayi jumetayo kae jawata pe jina wonopaiwi. ² Dajjita Israel tomara pijiwi bará kuikuijai Moie Aaron yajawa. Dajjita bajara pamonae jumaitsi:" Pajjanü baja kajena pa jitsipajü pata tüpai jawa Egipto irata, Itsa jume pa tusatota je! ³ ¿Tsipaji DIOSO pane kapona pa iraberena je pata tüpai nejja meta epadata? pataja wajiwi pataja tsikiri jiwijji a ta beyajebianatsi. apo pa neto jjaneanai pata nawiabi nejja Egipto jawabelia?" ⁴ Bajara pamonae na jumaitsi tsaponai itsamonai: "Pa neto kopare pata jaitsi nejja Itsa pata ne ewetsinü, pane kopabare nua pata nawiabi nejja Egipto jawabelia." ⁵ Nejjata Moise Aaron beje irataya bokanejereka beje dajjita pitabü nejewa pe nübenaiwi Israel tomara pijiwi ⁶ Josué pejjünato Nun yajawa Calef pejjünato Jefone, bajara ponü beje pitoro binütsi beje pe enebi nejja ira, titina beje pena jjatatsi jawa. ⁷ kuikuijai beje dajjita Israel tomara pijiwi jawabelia. Jumaitsi beje: "Pa ira paya enebaponaliajü bajara pa ira pejjani kuene kajena bitso. ⁸ Itsa DIOSO naka ka jitsipa wajjaetsi, Nejjata bajara ponü naka barü ponaina bajara pa ira belia waja naka rajutsi nejja. Pa ira ta pitsapa pe mí upira yajawa jabüra." ⁹ Pütsa Jane DIOSO pa bara anaipame, pütsa pa kujunawame bajara pa ira pijiwi. Wajjaetsi werebiabianatsi bajara pamoe yapü jjanepanaya kuenia. Pena ya karanatsi jawa apo jjainai tsane bajara pamonae. DIOSO naka yajawa. Pütsa pa kujunawame." ¹⁰ Baitsi Jane dajjita tomara pijiwi tsi notatsi ibo pe beya jjüabinejjatsi beje. Nejjata pe niweniwe nai kotia DIOSO tsita naitajüta dajjita israel tomara pijiwi pena kaituatsi boota ¹¹ DIOSO nejjata jumaitsi oise jawabelia: "¿Depaepato jebi abajüma pa tomara pijiwi nitoya tsane je?¿Depaepato jebi abajü apo kapanepai jjanü jawaberena tane jume kojütsi nejja jjanü, tsita itajü biabi atanü a saü tsitajüta biabajü dajjita pitabünewa bajara pa monae? ¹² Nejjata kajena jjanü tsita itorobianajü piniji kuene bajara pamonae pe tüpainejja, itsinü tsane nijamonae piniji bitsüto pe jamatabü kuene saüwi bajara pamonae." ¹³ Moise jumaitsi DIOSO jawabelia: "Itsa jjamü itsimü tsane bajarajjüa, nejjata Egipciopijiwi jumetaena bajarajjüa, tsipaji jjamü junatame Bajara pamonae ne saüta. ¹⁴ Bajara pamonae tsipaebiana bajara pa ir ata pe jinawana paiwi jawabelia. bajara pamonae ka jumetane jjamü DIOSOMÜ, yajawamü bajara pamonae jjamü, tsipaji naitajüta biabame. Nija pajubo rukabiaba tomara matatsünüyo. JJamü bajara pamonae pe wajünaya najetyarükame pajubota matakabita nerawi baja pijinia be isotokotia pajubota." ¹⁵ Itsa beyajjüabianame ma pa tomara be pebi kuenia, Nejjata dajjita nakua pijiwi peka jume liwaisi tai yabara kabara kuikuijai tsane jumaitsi tsane: ¹⁶ "Detsa jjüa jitsia DIOSO apo kaponai bajara pa tomara pijiwi pa irabelia to najume kopata pe rajutsi nejja, saya beyejeba petüsatota." ¹⁷ Bajara jjüata, ka wajutatsi ayi kuenia, ne saü kana kuene bare. tipaji jjamü bajara jjüa jumaitsimü: ¹⁸ "DIOSO be pijiyo apo pe Anai panainü bitso pe jamatabü kuene jjane panainü. Apo pe siwa jatabü tysite kainü pabisia kuene. Baitsi Jane, apo itajjüto tsonia tai pepo kuene pena nekonitsi jiwiyo itsa kaponapona pabisia kuene piaja monae pijiwimi pe kuene pejji jawabelia nejja.' ¹⁹ Itsiata panitajjuto tsonia taima, ka wajutsi, bajara pa tomara pebisia jawape itsi kuene yabara, ne pejjania jamatabü yabara, pakuenia itajjuto tsonia tai biabame pa tomara bajara jebi kujinae itsa abajjü jina wanapa Egipto jawata. ²⁰ DIOSO jumaitsi: "jjanü paka itajjüto tanetsi pa dajjitamü, jjüa pane wajüka biabame, tsipaji jjanü ta saunü Pepo kuene, ²¹ pakuenia dajjita ira wünükaina taja pejjania kuene, ²² Dajjita pa jiwi petiwi ta saü ta tsitajübi jawa egito tusato jawata, bajara pamonae abajü ne aiba pa deiz juabieje apo ne jume tai ata. ²³ Bajara jjüata, jjanü jumaitsinü apo pa taimü bajara pa ira, jjüa to najume copatajü panija amo jiwimi. Itsa jiwiyo ata pamonae nitoya apo tai tsane, ²⁴ Itsiata baitsi Jane taja jiwitonü Calet taina, tsipaji jjaina itsa epíritu. bajara ponü ne jume kajünüta dajjita jamatabü kueneta; jjanü kanawiatsinajü pa ira berena ya eneba. Nejjata dajjita piaja wiria na jjainaya biana. ²⁵ (Baitsi Jane amalecitawi yajawa cananeowi jinawanapa bajara pa totsoto jawata.) Merawia nawiatsianame taiame bajara pa tusato jawabelia, manua mene nautualia." ²⁶ DIOSO barü kuikuijai Moisés yajawa Aaron. ²⁷ Bajara ponü jumaitsi: " apo ya pütainü abajjü pa matakabi jeje ta itajjüto tsonia tai jawa pa tomara pabisia liwaisi jua ne juamitsi tsabiabi? jjanü jumetaibiabajü Israel tomara pijiwi jüa negara nebara netsipaiba biaba." ²⁸ jumitsimüre pakuenia Janü' DIOSONÜ' pakuenia netsi müjjü kuikuijay abiabi, bajara jjüa paka to itsi tsanetsi pajjamü nejja: ²⁹ Pe perabü tüpai Jay jawa bajara pa tusato jawata, pamonae dajjita ne aiba biaba, pajjamü pane wünü rubenaiwi taja bajütota. paka matajütatsi jjania waetsia pa dajjitamü pejjainaiwi 20 pa wai jeje pejjainai wijianü. ³⁰ Pajjamü apo pa jonemü tsane tsane pa ira pakato najume kopatatsi pane jinawana Pai nejja, itsiata baitsi Caleb, pajjunato Jefone yajawa Josué pejjunato Nun. ³¹ Baitsi Jane nija tsiquiri wijijji, pamonae pe jumaitsiwi pe kafetsiwi Janü barü ponainajü bajara pa ira belia. ¡Bajara pamonae yaputaina pa ir pa atsi jjaibimü! ³² pajjamü pijinia, pane perabütonü petüpai jawanü othopaina petüsatota. ³³ Panejji jiwi patorewi tsane bajara patüsato jawata kuarenta pa wai jeje kanajutsiaya. bajara pamonae ne kuenemi matamotsiana juanü ne itsi jawanümi ata dajjita petü pai jawabelia bajara pa petusato jawata. ³⁴ Pakuenia pa matakabi ya eneba bajara pa ira, kuarenta pa matabi jeje, pajjamü namata jupaya paka ponainame bajara pa nekoni kuarenta pa wai jeje, kai wai kana kujitsia, kai matabi kanakujitsia, be payapütaneme jüa itsinü tsabaibi waja kueyawi. ³⁵ Jjanü DOSONÜ paka jumaitsi tsabiabi. JJanü, jjaniawaetsia kuenia, jjüa itsinuu tsane bajara patomara pijiwi pabitsia jamatabü kuenewi jjüa nesiwa najamatabü yanaba. bajara pamonae kajena kaukubianajü dajjita jamatabü kueneta nejjata tüpaina. ³⁶ Nejjata baja, Dajjita pa pebijiwi pamonae Moisés itoroba peya enebi nejja ira, dajjita tupa piayai domiata, DIOSO pitabünewa. ³⁷ bajara pamonae penawiabiwi kanawiaba pabisia jume bajara pa ira pijiwi. bajara jjüa itsi dajjita tomara pijiwi yanijoba Moiséta. ³⁸ bajara pamonae yabara pamonae ya eneba biaba iranü, kainü Josué , pejjünato Nun yajawa Caleb, pejjünato Jefone bajara pa jiwi beje asü beje. ³⁹ baitsi Jane Moisés jumaitsi bajara pa liwaisi dajjita Israel tomara pijiwita, nejjata auauka ayi kueneta. ⁴⁰ Namata koba bajaya kanüa nejjata pona petsuto jawabetsia nejjata jumaitsi: "Taima, jota pa nubenajü, pajjanü pa ponainajü bajara pa tajjünai jawabelia DIOSO pane to najume kopata, tsipaji pabisia kuene pa itsinü." ⁴¹ Baitsi Jane Moisés jumaitsi: "¿Dejjüajitsia apo pa jume kojünütsimü DIOSO pena jume kopatsi jume? bajara pakuenia pajjamü apo pakapanepaimü t tsane. ⁴² Putsa pa poname tsipaji apo paka yajawa DIOSO pa peka yawenonai nejja panekueyawi wekua. ⁴³ tsipaji bajara jota jinawanapa amalecitawi yajawa cananeowi, nejjata tüpaina epadanüta tsipaji ji wekua napünü yoroba DIOS. nejjata bajara jjüata bajara ponü apo paka j ⁴⁴ Baitsi Jane bajara pamonae a jamatabüsaü pe junainejja petsuto; itsiata, Moisés ata DIOSO ata pe najume kopatsi bajjüto ata apo nakopatsi bajara pa tajjünae jawata. ⁴⁵ Bajara jjüa kujinae amalecitawi, cananeowi, pe jina wonopaewi bajara pa tsuto jawata. tsimajü nawajabitsaütatsi iraelitawi nejjata amoneyaba dajjita namutua Horman jawabelia nejja.