¹ Pakujinai itsajiwi ata kanajetarruka pe rjutsi nejja ofrenda jawa pejju PETUJJANENÜ nejja, nejjata baja be kanajetarruka pe kakiatsi jetsa beno jawa, bajarra ponü betsi juma epaka aceiterra bajarra jjua yajawa be nuba incienso bajarra jjua jawata. ² Bajarra Ponü be to kapona Aaríon pejji jawabelia, sacerdotewi jawabelia, Nejjata bajarra jota kai sacerdotenü mojotsaina kai kobe japato kuenia pe kakiatsi jatsa beno jawa jjua tsimata epana aceiterra yajawa nuta incienso jawa, Bajarra jjua kujinai sacerdotenü tajuitsaina ofrenda jawa Altar jawata petsitajutsi kuenia. bajarra jjua pejjania jjaikai tujju tsane PETUJJANENÜ nejja; bajarra jjua rajutsiana isota jawata bajarra ponü nejja. ³ jjua baja nakotsiana ofrenda jawa nejjata baja tsi nakopatsianatsi Aaón pejji nejja. Bitso baja kajena to jjanepanatsi bajarra jjua PETUJJSNENÜ nejja jjua baja isotota to itsitsi. ⁴ Pakujinai baja pijinia rajutame ofrenda kuenia pejju itsakuene apo netsi matajjuabi jawa ne anopaijawa, bajarra jjua baja jjaniawaitsia pe tsapatsapai jawa pejjania kuenia pekakiatsi jawa petsi mata eptsi jawa aceiterra, itsajume baja petjijai jai malicika perri, petsimata tsikabi baja aceiterrata. ⁵ Itsa baja nija pejju ofrenda jawa tajuapame jiarru panata, nejjata baja jjaniawaitsia be kakiatame bajarra pa beno, itsa kuene jawa apo tsimata jjuabi nejewamü saya tsimata epaname aceiterra. ⁶ JJamü tsatsianame kai tupa kanakujitsia aceiterrabjawabelia jename.Bajarra jjua raja pejju ofrenda jawa. ⁷ Itsa nija ofrenda nesetsi jawa jerro panata, bajarra jjua baja nejja pekakiatsi beno tsane petsimata epanai bena aceiterrata. ⁸ JJamü beto karrenamü pejju ofrenda jawa kuenia, bajarra jjua nitsi jawa PETUJJANENÜ nejja, bajarra jjua tsitajütsianame sacerdotenü, ponü kaponaina Altar jawabelia. ⁹ Bajarra jjua kujinai, bajarra jjua kujinai sacerdotenü yajawünü pitsiana pejju ofrenda jawa be ofrenda kuenia bajarra jjua pekowüta, nejjata bajarra ponü bajarra jjua tajutsiana Altar jawata. Ofrenda jawa bajarra jjua tsane isotota pe itsi jawa, bajarra jjua baja nejjata pejjania jjaikai tujju tsane PETUJJANENÜ nejja. ¹⁰ JJua baja yajawünü nakopata ofrenda jawa tsinakopatsianatsi Aarón pejji nejja. Bitso bajarra jjua pejjania kuenia PETUJJANENÜ nejja jjua baja isotota itsi. ¹¹ Itsa kuene ofrenda jawa jjua baja pa rajutsi jitsiamü pejju jawa itsakuene jawa apo be patsi matajjuabimü, tsipaji pajjaü apo be pa tajuitsimü kai jawa ata petsimatajjuabi jawa, itsa kuene jabürra ata, be ofrenda kuenia pe tajuitsi jawa isoto jawata ata PETUJJANENÜ nejja. ¹² Pajjamü pa rajutsianame PETUJJANENÜ nejja be ofrenda kuenia jjua kopiaya ba nakuita, baitsi jane apo pejjania jjaikai tujju tsane Altar jawata. Pajjamü baja be patsimata jiame kai ofrenda kanakujitsia pejju jawa yajo. ¹³ Pajjamü kaito ata apo be pa kafetsimü pe ajibi jawa jjua to kopatatsi DIOSO piaja ofrenda nejja pejju jawata. Dajjita ofrenda jawa pajjamü be pa rajutame yajo. ¹⁴ Pakujinae pa rajutame panija pejju kopieya jawa jjua nakuitabajarra jjua PETUJJANENÜ nejja, pa rrajjurre pejanajju, pe anopae jawa isotota bajarra jjua kujinae tsakitsiana pejjae nejja. ¹⁵ Bajarra jjua kujinae, nutsianame inicienso jawa bajarra jjua jawata. Bajarra jjua raja pejju jawa. ¹⁶ Bajarra jjua kuijinae sacerdotenü tajuitsiana bajarra pa ofrenda yajawünü jawa pe tsapatsi jawa aceite jawa incienso jawa ofrenda pekowüta. Ma jjuaje isotota pe itsi jawa PETUJJANENÜ nejja