¹ Dajjita Reyewi pe jina wanapaewi Jordán imojjoyo jowata, unü jawanü jawa wayafua, imojjoyo manuemene Mediterráneo itapajawa, Líbano jawabelia, Hititawi, Amorreowi, kananeowi, Ferezeowi, Hebeowi, Jebuseowi yajawa. ² Na kaetuata kae wajabitsaü nejja pe barra nabe nejja Josué Israelwi. ³ Pakujinae Gabaón monae jume tane jjua Josué itsi Jericówi Haiwi jawabelia, ajarrapamonae najumetane jjua jaijitsia. Be liwaisi pekapo naewi kuenia najetarru bena. ⁴ Ajarrapa monae nejjata perruju esetonü perruju dorronü nota tsijuma jeba burronü jawata, perruju büanüta pija vino jawanü jia, esesebia, tojjojjobia jorrokaruba. ⁵ Perujujawanü pekatsa tsawi jawanü natajju jjutaba peruju esetonü petabü werepaejabanü najjataba. Dajjita pemaruejawa panjawanü tsewanübena pulumbanubena. ⁶ Ajara pamonae Josué pija tajjunaebo Gilgal jawabelia ponalia jumaitsi ajarra ponü jawabelia yajawa Israel pia jiwi tonüanü pajjanü tojjü nakua werena paena ponajü, pajitsi pajü waja njume taejawa. ⁷ Pebi jiwi Israelwi, Hititawi jawabelia jumaitsi: pajjanü nakua werena paena ponajü, pajitsi pajü waja najume taejawa. ⁸ Ajarra pamonae jumaitsi: pajjonü pata kayá wenonaewi nejja. Josué yani joba: ¿De pamonae mü? ¿De werena pa najetarubename? ⁹ Ajarra pa monae jumaitsilia: pa kena yawenonaewi nejja ena pona tajü irawerena berena pe patsi nejjaje. Ajarra belia Dioso pa wünü taniji pa nija Diosonü. Pa jume taniji dajjita jjuanü itsi ajarraponü Egipto jotalia; ¹⁰ dajjita jjua jitsi anija rey amorreo nübeje Jordán itsa pana werena, Sehón jawabelia Herbón pija reinonü, yajowa Og Basán pija reinonü, Astarot jota pe ponaponaenü. ¹² Perruju jiwi dajjita pa taja nakua piajiwi pa ne jumaitsi pane kobeta paka ponare pane marue pena ponae nejjalia pa jumaitsi tsane waja najume tae nejja. ¹¹ Jjua ra maje pataja panüje atoju abajjü pa kujinae pa notajü pa taja bonü jota pa matakabi pa itsa parenojü berenaje. Aekonojjae pa taema, niona pulumbaatsi. ¹³ Pa vino büanuje pejanabü pikani pakujinae pa wünü bajü, pa taema, anakojjae baja tojjojjo bia. Pa tana jjatabi jawa patana tajju jjatatsi jawa baja itafákena tajü werrena pa neja tarru banaejawa. ¹⁴ Israelitawi nota itsa kuene jawanü pe marrue jawa, jume yanijobi nejewa Dioso jjua itorroba. ¹⁵ Josué barü kuikuijai pejjania kuene pe najua jinawapaeneja ajarra pa monae jawabelia, pe na jinawanapae nejja. Pe matakajina wanapaewi tomarra pijinia najumetane ajarapamonaeta. ¹⁶ Akuayabi matakabi Israelitawi penajume kujinae ajarra pamonae jawabelia, jume tae junua ¹⁷ ajara pamonae imojjoyo pe jinawana paewi kuene. Nejjata akueyabi matakabi jawabelia. Pija tomarronü Gabaón, Kafira, Beerot Kiriat Jearim. ¹⁸ Israelitawi apo atakabi, potorrobiwi baitsi Dioso itabü nejewa to juraba, Isrel pija Diosonü. Dajjita israelitawi na mujjü pajjata pitorrobiwi ajarra pa kuene pe jaijjae. ¹⁹ Dajjita pitorrobiwi jumaitsi dajjita jiwi jawabelia: pajjonü raja pa to jurabajü Dioso pewunta, Israelwi pija Diosos nü, akuenebi pa ta jayatsijawa itsa kuene nejja ata. ²⁰ Jjua ra maje pa janü tsane ajara pamonae jawabelia: itsa kuene jawa ata apo pajanü tsne pa tane barrá anae pa nae yenewa, pa ta to jura bijjae, jemabaja jinawana paena. ²¹ Pe itorrobiwi jumaitsi pia jiwi jawabelia: jina wana paena jena. Ajarra juitsia kabaonitawi to jaita iso merrnü to jota dajjita israelitawi jawabelia. Pa kuenia jumaitsi pitorrobiwi ajarra pamonae jawabelia. ²² Josué junta jumaitsi ajarra pa monae jawabelia: ¿De jjuitsia pa ne itorrobame saya pa kujinae pa ne jumaitsimi: pa tajü pi jiwinü raja jota we kuaje, tsajota tsana saya pa jinawana pame we kua imojjoyo bitso? ²³ Ankojjaeta kujinae, ajarra jjua pa peka najjubia ejjanaejawa tsane: pajjamü paya wüjümü pa ne to jaya biwi tsane, pa monae iso jaita merra pe jotsiwi taja Dioso pija bo yabelia. ²⁴ Ajarra pamonae jumaitsi Josué jawabelia: pa peka to jayabiwi raja jumaitsi tsi, pa nija Dioso nü, itorroba Moisés jawabelia pe rajutsi nejjatsi dajjita irranü pe werreba be nejja dajjita jiwi pa irranüta jinawanapawije, pa juna wajü pata tupae yenewa ne jamatabü kuene jawalia. Ajarra jjuitsia pa itsinü jjuaje. ²⁵ Aekojjaeta, pa taema, pa ne jama tabü kuene jawalia pa nube najü itajjü tejema jawa ata jjua paka tsita jjane pana pa tane itsimü nejja, panutsimürre. ²⁶ Jjua maje Josué itsi ajara pamonae yabara: wekua tijjita Israelwi jawarena, nejjata israelitawi apo peyejebi. ²⁷ Ajarra pa matakabi Josué kabaonitawi jawabelia to ruta iso pe jaitsiwi nejja merra peto kaponaewi nejja dajjita komunida pijiwi Dioso pija altar nejja, ankojjaeta pa matakabi jawabelia, tsajota Dioso ita petanüta.