¹ Israelita monae apo ejjanae jjania wetsia jjuanü yabarra tsana pe were werekae ejjanae nejja. Acán, Carmi pejjunato, zera pejjunato, Judá pija wiria, nota jjuanü tsatejeba pe werre werre kae ejjanae nejja, Diosonü nejjata barra anaepata Israel tomarra jawabelia. ² Josué itorroba pebi jiwi Jericó Jawetsia Hai jawabetsia, jjua eka imojjoyo Bet Avén jawa pemutua jawata Betel. Ajarra ponü jumaitsi: "pa ponaima pa taename irra". Nejjata pebi jiwi ponaya taena Hai. ³ Pe nawiabiwirena Josué jawa berrena, jumaitsitsi: "putsa dajjita tomarra itorobame Hai jawabelia". Itorobare saya anija mile beje, akuayabi pa mile ponübeje pe ponae nejjalia pe beyejebi nejja Haitsi piajiwi. Akuenebi, nenakueretsia ejjanae jawatsia dajjita tomara ajarra pamonae soya kae jiwiyobeje. ⁴ Nejjata saya akueyebi pa mile beje wajabitsaü nüanü ponaya monae baitsi jané juna warüpeka Hai piajiwi jawabelia. ⁵ Hai pija jiwi baitsi beyejeba treinta y seis (36) ponübeje wayabitsaü nüanü pe barrajinae jawatatsi tomara baupa jabetsika, tajü wetsika cantera jawabetsika beyeje batsi pakujinae runa najetarubena petsutajuma yawatsika. Ajara pa tomarra pija jiwi junawa pianaeponae kuene ajibi. ⁶ Nejjata Josué najuma ese titita ukuta. Ajaraponü perujüanü yajawa Israel pija jiwi pepürü natsi mata kyakabia jjuaba, ajarra jjua kujinae nainelinabana Dioso pija arka jawabelia, nubena ajarra jota kaniwiyo jawabelia. ⁷ Ajarra jjua kujinae Josué jumaitsi: "¡Ah, jjamü Diosonumü! ¿de jjuitsia kopatame pe nikabi jawa Jordán? ¿pa tane jjuabi nejjamü Amorreowi pekobeta pa tane were biabi nejja? ¡Nejata kajena patana kobubi jawa Jordán itsapana werena! ⁸ ¡Dios! ¿De jumaitsinü tsipae, Israel pakujinae rüküpeka pe beyejibi yenewatsi pija wajabitsai? ⁹ Acojjae Cnaneowi dajjita pejina wanapaewi pa irrataje jumetaena jjuaje pa ne matatoyorrota jjuabiana dajjita irra pija jiwi apo naja matabü pitsi tsane pa jjanü patawünü. Nejjata, ¿De itsi tsane jjamü newunü yabarra? ¹⁰ Dios jumaitsi Josué jawabelia, nonotapunare ¿De jjuitsia nomtajjuaba irabalia na itabrra jjuaba nukame? ¹¹ Israel pebisia kuene ejjana ajarra pamonae apo ne jume konünatsi jjua itorrobajü ajara pamonae jawabelia nakabetojjota itsakuene jawartü jjuanu sajanoya najua jeba. ¹² Ajarrapa monae nakobe tojjota matayaba pebisia kuene pe itsi jabanü, pe nakobetojjotsi jawanü pijajawanü jota najua jeba. Ajarra jjuitsia, Israelitawi akuenebi bitsaü apo nakanabi apaneba. We kua ruküpeka pija wajabitsaü yabarra, ajarrapa monae pijkuata jai ejjana pe werre beyebine jatsi. Paka yajawa tsanetsi pakujinae pa werre biabianame jjuanü werreba be nejja pa mata ya bejebame. ¹³ ¡Nonota punarre! jamatabü kuene jjani waere tomara puwi jjanú nejja, jumaitsimure: pa majamatabü kuene waniwaere, pütsa pe bisia kuene pa itsimü merawia nejja. Tsipaji ajaraponü, Israel pija Diosonü jumaitsi: "Itsa kuene wajanü tsatejeba pe ajibia ejjanae nejja abajju payajawa bitsai, itsa apo pawekua tijjitsimü jjuanü tsatejeba pe ajibia ejjanea nejja. ¹⁴ Merrabia, pane imojjoyotsianame dajjita jiwi pija wirria kanajuitsia. Pa wirria Dioso itapetsiana panaerena na pijamonae kanakujitsia. Pa napija monaewi Dioso itapetsana ü pepijiwi imojjoyo tsiana kana kujitsia. ¹⁵ Baitsi pajiwiyo tsijuma jopaenatsi jjai neje biana penakobe tojjotsi jawanü; natajuitsiana, ajarraponü, dajjita pijabo dajjita pejjai naejawa yajawa, Dioso baitsi apo jume kawünütsi pebisia kuene ejjana wanapa Israel. ¹⁶ Itsa matakabi jawabelia bajaikunua Josué nonota puna, imojjoyotsia ejjana Israeliwi pija wirria kana kujitsia tsijuma jopatsi Judá monae. ¹⁷ Josué imojjoyo ejjana Judá, Zera pija monae kae jiwiya kana kujitsia zabdi itapetatsi. ¹⁸ Ajarraponü karrena Zabdi pija monae, kae jiwi kanakujitsia, Acán, Carmi pejjünato, Zabdi pejjünato, Zera pejjünato, itapetatsi Judá pija wirrianu. ¹⁹ Nejjata Josué jumatsi Acán jawabelia: Tojjünto nejumaitsi mürre Dioso pita ünejewa, Israel pija Diosonü, jumaitsi mürre ajara ponü jawabelia, jjania waetsia, ne jumaitsi müre ¿De jjua itsi mü? itsa kuene jawa ata pütsa ne kua matayatame. ²⁰ Acán jumaitsi: jjania jamü kajenae, itsinü pebisia kuene Dioso jawabelia, Israel pija Diosonü jawabelia. Ajarra jjua rabaja itsinü. ²¹ Pakujinae taniji dajjita kuene tutujuta pejjania Babilonia pepanoa, doscientas (200) pa monedabeje palatanüanü oro nanito jjainto pearewe jawa epatua kilo. Ne tsita kuene yapü jjane panataba nejjata pitajü. Na matayatabuaba irata bo bürto tutujuata palata nüanü büjü pana. ²² Josué itorobalia peto kaponabiabiwitsi liwaisi, kujinajinalia bo bürtuabelia ajarra jotalia bobena dajjita jawanü. Pakujinae tane, pe matayabejebi jawanü bobürüto jowata pe büjjüpanareka palata nüanü. ²³ Ajarra pamonae pita bo bürto tutujuata jjuanü bobena kaponarena Josué dajjita tomara Israeliwi jawaberena. Ajarapa monae jeba otjopa Dioso pe tae nejja. ²⁴ Nejjata Josué dajjita Israeliwi, waetaba Acán jawabelia pejjünato Zera, palata, manto pana, oro nanito, pejjünatonü, pejjunatoyonü, pija bueyebü, pija mulanü, pija obejajji, pija bo bürto dajjita pejjainae jawanü, kapo nalia dajjita balle Acor jawabelia. ²⁵ Nejjata Josué jumaitsi: ¿De jjuitsia pe bisiakuene pa ne nekone ejjaname? Dioso kanaje tarrukaena ne nekone yabarra ajena. Dajjita Israeliwi tjibajara bo tajuitaba ajarra jua kujinae. ²⁶ Ajjarrapa monae, junoya ejjaneta ajorra ponü juma jerreka ibo tsuto jjaneto ajarra jota nakopateka ajena jawabelia. Nejjata pe barrá anae panae kuene ajibia ejjana Dioso. Ajarra jjua yabarra, pewunü ajena pamata kabi jawabelia: Akor pija jumatsutoreka.