¹ Pebi barü majita Eva pieja wa. Bajara powa nakojjita nejjata itajuta Caín. Bajara powa jumeitsi: "Itajutajü pebi neyawenona PETUJJANENU Dioso." ² Bajara jjua kuijinae powa itajuta Abel pe juyapijinu. Nejjata Abel pastornu kuenia pitsapa, beitsi jjane Caín ira nakuenebinü. ³ Nejjata bajayajebi kuijinae Caín kanajetaruka nae kuey ira pijijawa ofrenda kuenia PETUJJANENU jawarena. ⁴ Juya jane, Abel kanajetaruka itsa dajubijji kopiaya pe naejjanaewi pieja rebaño jawata yajawa pe najjaniebiwi. PETUJJANENU pejjania kueneta tane Abel yajawa pekobe kowü, ⁵ beitsi jane Caín yajawa pekobe kowü, bajara ponü apo wekua pitsi. Bajara jjuota Caín bitso anaepanareka, naitabara itajuta. ⁶ PETUJJANENU jumeitsi Caín: "¿Dejjuajitsia anaepaname yajawa naitabara itajutame? Itsa jjanewaitsia itsimu ¿Apo kawekua pitsitsipaetsi? ⁷ Itsa jjanewaitsia apo itsimu, pebisia kuene boupa jawata nuka ka kuijiru eweta saya, beitsi jane itsieta jjanu torotsipame." ⁸ Caín jumeitsi pejuyapijinu jawalia. pakuenia itsi bajara pajiwibeje petusato nakuota nukabeje, Caín pejuyapuijinu Abel itya nejjata beyajjuoba. ⁹ Bajara jjuota PETUJJANENU yanijoba Caín: "¿Dejota nuka nejuyapijinu Abel? Bajara ponü jumeitsi: "Apo yaputaenu. ¿Tsipaji jjanü tajuyapinü ta ewetsinü? ¹⁰ PETUJJANENU jumeitsi: "¿Dejjua itsimu? nejuyapijinu pejana nejunata ira wetsina. ¹¹ Ira wetsina pebisia kuene saya katsijopae, tsipaji nakuibo sata pe apae nejja nekobe werena nejuyapijinu pejana. ¹² Jjanü itsa ubiename ira, akonojjae kajena apo ka nasou rejutsitsane. Nenamatayabinümu tsane yajawa jinarutsiename ira jawata." ¹³ Caín jumeitsi PETUJJANENU jawalia: "Ayei kueneta pebisia jume neto kueikueijeijamu tsipaji apo kapanepanu taka ponaejawa. ¹⁴ Jjaniejamu, jjamü ne kapitsapane pa ira welia pa matakabi, jjanü namatayabienajü neitabara wekua. jjanü tanamatayabinü tsane yajawa tajinarutsinu pa irata, itsa jiwiyo nenamata ujjunaena ne beyajjuobiena." ¹⁵ PETUJJANENU jumeitsi: "Itsa jiwiyo itsa beyajjuobiena Caín, pe matamo paka tsi jopaena kae kobe matatsunua najua pakobesito beje kuenia (7 veces)." Nejjata PETUJJANENU tsiwujunae ruta Caín, itsa namatajjunatsi itsa jiwiyo ata, apo pe benejjatsi." ¹⁶ Nejjata Caín wekua pona PETUJJANENU peitabara welia yajawa Nod irata ponapona, Edén mujjunene welia. ¹⁷ Caín piejawa barü majita nejjata bajara powa to nakojjita. Bajara powa ejjana Enoc. Caín nakueneba tomara yajawa wunü ruta be pejjünato wunü Enoc. ¹⁸ Enoc to naitajutatsi Irad. Irad to pajja Mehujael. Mehujael to pajja Metusael. Metusael to pajja Lamec. ¹⁹ Lamec pita najuawa beje piejawa ejjanabeje: kopiejawa Ada pewunü, juyawa Zila pewunü. ²⁰ Ada itajuta Jabal. Bajara ponü pajja tsanajetarukae pamonae boo burto jawajjita pejinonopaewi yajawa baka jjeinaewi. ²¹ Pejuyapijinu pewunü Jubal. Bajara ponu pajja tsanajetarukae pamonae arpa pe jjeinaewi yajawa pe obiwi flauta . ²² Zila pijinia, powa itajuta Tubal Caín, pe nakuenebinü broncejawa yajawa kopeibo dajjita pe jukaenu,. Tubal Caín pe juya pijiwa pijinia Naama. ²³ Lamec jumeitsi piejawabeje nejja: "Ada yajawa Zila, pane jumetaimabeje taja jume; pajjamubeje, Lamec piejawabeje, pane jumetaema pataka jumeitsijawabeje. Tsipaji jjanü beyajjuabajü jiwitonu tane kajjiutajarabijjae, pewujuoto pebi tane bejjae. ²⁴ Itsa Caín yamatamotatsi kae kobe yajawa najua kobesito kuenia (7 veces) nejjata Lamec yamatamotsienatsi setenta yajawa siete pa epatobeje kuenia." ²⁵ Adán barü majita piejawa ikatsia, nejjata bajara powa itajuta itsa nü. Bajara powa wunü ruta Seth yajawa jumeitsi, "Dioso ne rajuta itsa nakueto Abel kowuta, tsipaji Caín beyajjuoba." ²⁶ Kae nakueto to naejjanatsi Seth yajawa ponü wonü ruta Enós, Bajara pa matakabi, jiwi PETUJJANENU pewunü tajju jjuoba pe junatsijawa.