¹ Njarrata ABram pona Egipto jawabelia pona Nehuev jawabelia, bajarra ponü, piajawa beje yajawa dajjita jjua jjaina. Lot ata na pona bajarra pamonaita. ² Nejjata Abram rikonü bitso jjaina pekobedajubi, bajarra pakuenia ata jjaina oro bajarra pakuenia jjaina plata jawaü. ³ Bajarra ponü Neguev kujinai pona Betel jawabelia, pa tajjunai jawatalia ba itsi paiaja bobürruto, imojjoyo jawata Betel Hai beje jawata. ⁴ Bajarra ponü pona pa tajjunai jawabelia itsa jotalia nuka Altar jjua bajarra ponü nakueneba kopiayami. Bajarra jota nejjata nawajü PETUUJANENÜ jawabelia. ⁵ Nejjata baja Lot, pena ponainü Abram pepüta, bajarra pakuenia ata jjaunai piaja dajubi bitsaüto, jaina piaja bobürruto. ⁶ Nejjata irra apoto yakaüpatitsi beje najua jiwi beje pena jua ponaponai nejja beje, tsipaji pekobekowü bitso ayai jawa beje, bajarra jjuata apo be najua ponaponai beje. ⁷ Nejjata bajarra pakuenia ata namata enetsia nabiajatai pastorewi pamonai ewetabiaba Abram paiaja dajubi bajarra pakuenia ata to ewetabiaba Lot piaja dajubi. bajarra pakujinai ata jinawonopa bajarra pa irrata cananeowi ferezeowi najua. ⁸ Nejjata Abram jumaitsi Lot jawabelia: ''apo naitoyatsanetsi najamatabü jüpainatsi beje wajjaitsi beje, bajarra pakuenia ata, waja pastorewi waja nakato ewetsiwi waja dajubi jjamü jjanü ata; wajjaitsi beje raja napijamonainütsi beje. ⁹ ¿ma pa irra jjanetoje sajina ne nakuenbinejja jjamü? newekua natsarre jumatejema nakuenebianame. itsa jjamü ponainame waja tsawenonenai jjanü ponanajü waja tsawenonenia. itsa baja nejjata jjamü ponainame jawa kuja nenia jjanü baja nejjata ponainajü waja tsawenonia.'' ¹⁰ Nejjata Lot naükota matatoyorrotsiana, tane dajjita woyofo Jordán pejjania raü jai jawa kopia ruka Zoar, jawaberreka, be piajapabi PETUJJANENÜ, be Egito irra. Bajarra jjua raja pe werrebiabi wajünaya Sodoma Gomorra beje. ¹¹ Nejjata baja Lot natijjita Jordán woyofo tusato mujjunenia belia nejjata baja bajarra belia pona, nejjata baja nawekua natijjita beje napijamonainü beje. ¹² Abram nejjata ponapona Canaán irrata, pijinia Lot ponapona imojjoyo woyofo tomarra jawata. Bajarraponü itsi pija bobürruto bitso tajü be Sodoma jawabelia. ¹³ Nejjata baitsi jane Sodoma pijiwi pabisia kuene pe itsiwi apo pe jitsipai jawa PETUJJANENÜ. ¹⁴ PETUJJANENÜ jumaitsi Abran jawabelia pe wekua natsatsi kujinaitsi Lot: taima pa tajjuanai jawata kujinai nukame petamo yaberreka, pekujanenia petsawenonenia, bajarra pakuenia ata waüyabetsia. ¹⁵ Dajjita irra jjuantaneme, jjamü karrajutsianatsi bajarra pakuenia ata nija wirria dajita matakabi jawabelia nejja.'' ¹⁶ Nejjata JJANÜ ayai bitsaüto ejjanianatsi pakuenia irra pe pajü, pakuenia baja pebi namajütSI kapanepaina irra pajü, nejjata bajarra pakue ata namatajütsianatsi. ¹⁷ Namatakorre, ponarre dajjita irra apia jawa bajarra pakuenia ata dajjitayenepana jawa, tsipai jjanü karrutsianatsi bajarra pa irra.'' ¹⁸ Nejjata bajarra jjuata Abram namatakota piajabo jawata, nejjata pona imojjoyo Mamrre jawaberrena, im0ojjoyo jawaberrena Hebrón, bajarra jitarrena matakota Altar PETUJJANENÜ nejja.