¹ Nejjata waja TUJJANENÜ jumatsi Abram jawabelia: ''pitsaparre nija nakua makua wekua, nija monai wekua, bajarra pakuenia ajja piaja monai wekua, pa irrabelia katsitajütsianatsi. ² JJanü Bajarra jotalia ka pinijiyo ejjanainatsi, pejjania kuenia kantainatsi, kapiniji wünü ejjanainatsi, nejjata baja jjamü pejjania kuenia ponaponainame. ³ Pejjania kuenia tainajü pamonai pejjani kato ejjana, pamonai pijinia pabiasia kuenia kato ejjana pabiasia kuene jjanü pabisia kuenia naükotsianajü, jjamü yabarra, pijinia dajjita irra jawata napijimonai pejjania kuenia jinawonopaina.'' ⁴ Nejjata baja A bram pitsapa, pakuenia waja TUJJANENÜ jumaitsitsi. Lot baja napona bajarra ponü pepüta. Abram bajarra pakujinai setenta y cinco (75) pa wai beje pakujinai wekua pitsapa Harán wekua. ⁵ Abram barru pona Sari, yajawa Lot pijawa, pemata pijinü pejjunato, dajjita yajawa jjua jjaina bajarra jota pe kaituatsi jawa, pamonai yajawa kaituata Harán jawatalia. Bajarra pamonai barru pona Canaán irrabelia ata pe patsi jawabelia Canaán irabelia. ⁶ Abram najetarruka Siquem irra jawa, Moré matatsunua ata. Bajarra pa matakabi jinawonopa Cananeowi bajarra pa irrata. ⁷ PETUJJANENÜ tsita naitajütatsi Abram, pe jumaitsi nejjatsi: ''Nijamonai rajutsianajü ma pa irraje.'' Nejjata bajarra jota Abram to nakueneba Atar waja TUJJANENÜ nejja, ponü baja tsita naitajütatsi. ⁸ Bajarra jota kujinai natijjita Betel tsutonü jawabelia pe kuja yenepanabelia, itsa jotalia nakobebo nuta, pijinia Betel pe tsawenonenia bajarra jota ata bajarra pakuenia. Bajarra jota nakueneba kai Altar PETUJJANENÜ pewünüta nawajuta waja TUJJANENÜ. ⁹ nejjata Abram tajjujjuaba piaja namuto Neguev jawabelia. ¹⁰ Janibo dajjita irra jawa, bajarra jjuata Abram Egipto jawabelia pe ponaponai nejja bajarra jotalia, tsipaji baja bitso janibo ayai irrata. ¹¹ Pakujinai imojjoyota Egipto jawabelia ü pejone nejja, jumaitsi pijawa jawabelia Sarai: ''Taima, yapütanijü pejjania petirriwa jawamü. ¹² Nejjata pakujinai Egipciowi kataina jumaitsi tsane: 'Nijawa tsa maje, nejjata baja ne bellajjuabiana, baitsi jane jjamü apo kabeyajjuabitsane. ¹³ Pijiya pijawanü, raja jamütsane, bajarra pakueneta pejjania na ponaponai jitsianü jjamü nejamatabü kueneta, itsiata baja apo ne beyajjuabitsane jjamü nejamatabü yabarra.'' ¹⁴ Bajarra itsi pakujinai Abram pata Egipto jawabelia, tsipaji egipciowi tane Sarai pejjaniawa jawa. ¹⁵ Nejjata isa tanetsi Fraón piaja proncipewi, siwa barruyatsi Farón pitabü nejew, nejjata bajarra powa barru ponatsi Farón piajabo jawabelia. ¹⁶ Nejjata faraón pejjania kueneta eweta Abram bajarra powa yabarrata, nejjata rajutatsi oveja, baka, burro, piaja pianiwi petirriawi, bajarra pakuenia piaja pianiwi pebijiwi, kamellonü ata. ¹⁷ Nejjata waja TUJJANENÜ bijiobi ejjana ayai kuenia Sarai pejamatabü kueneta, Abram piajawa. ¹⁸ Nejjata Faraón junata Abram, nejjata jumaitsi bajarra ponü jawabelia: ''¿detsa jjua tajanitsimü? ¿Dejjuajitsia apo netsipaibimü bajarra powa yabarra nijawa jawa? ¹⁹ ¿Dejjujitsia saya jumaitsimü: 'bajarra powa raja tajuyapijiwa; tapitsinejja bajarra powa ta ukuen nejja? Nejjata baja nijawa pirre, ponarre itsa belia barru ponaijitsiamü.'' ²⁰ Nejjata Faraón itorroba pebijiwi peyanabi nejja pamonai pe jitsipaiwitsi bajarra ponü, nejjata bajarra pamonai barru pona woyofuabelia, pijawa yajawa bajarra pakuenia yajawa dajjita pekobekowü.