¹ Jemata pakuijinae rey Ezequias nayá liwaitsi jumetane, navé juma titina jjuaba piaja camisa, najuma jjatareka petsobia nojjo jaijawa, nejjata baja ra pakuenia póna Dioso piaja boyábelia. ² Eliaquim, itorobalia, caranata pitorobinü, Sebna yajawa peyakina pona biabinü, sacerdoate monae piaja ancianovi, dajjita ü penajjata biwi saco jawanü, tajitsiatsi Isaías profetanü Amoz pejjünato. ³ Nejjata baja rá ponü jjumaitsi baja rá ponü jawabelia Ezequías bá jumaitsi: ma pamakabi ü waja najamatabü jjaiinae mata kabianü, naka kentsia taya itsi baja apo naka asiwanua,tsipaji baja pejji penai tajütsi mata kabi pata, jane baitsi baja rá pomonae asaü jibi penai tajütsi nejja. ⁴ Belia kajume taejitsipa Diosonü nija Dioso dajjita pajumé beje kuai kuijai waja bitsaü pena matai torobinü, Asiria piaja rey mata kaitoroba piatiabi nejja Dioso pitawanü, apo júme kanawiatsi tsane Diosunü nija Dioso jjua júmetane. wekae barrü kuai kui jamüre pabitsaüto yabara jota penube naebi. ⁵ Baja rá jiwi pakuenia Ezequías piaja piani páta Isaías jawaberena, ⁶ taema Isaías jumaitsi müre nija tujjanenü: " Diosonü ra jumaitsi: "Pútsa najuna wiakame pejumeta jjuata niatiaba peya wenonaewi jjanü bitsó nekentsia jumaitsi Asiria piaja reinü. ⁷ Taema, jjanü baja raponü espíritu tsijamataabü etsianajü, nejjjata jume taena naya jume taena nejjata baja rá pakuenia ponaena piaja irabelia. ⁸ Bejjüa pepo wajabitsaü pitorobinü naita wenta kajji tájaraba Asiria piaja rey barü nátsekona Libna, tsipaji baja rá ponü júmetane rey pepitsa páejawa Laquis werena. ⁹ Baja rá jjuá kuijinae Senaquerib jumetane pijinenia Tirhaca, reinü Etiopia jawata, Egipto pijiwi yajawa tsimajjü nakae tuatatsi petsekonae nejjatsi, baja rá pakuenia ikatsia itoroba petsi páebiwi nejja Ezequías tó najune itorobatsi. ¹⁰ Jumaitsi müre Ezequías reinü Judá javata: Putsa nija Dioso Karanta peka yawenona biabinü kayá müjjü itójo roba jaitsi: Jerusalén ápo to kanaviatsi tsanetsi rey Asiria pekobeta." ¹¹ Taema jjamü rabaja ná jume táneme rey Asiria pijinü jjuabeje itsi dajjita iranü jawa jjuaya najetaruka tojjobabé najetaruka dajjita kuene ¿Jjamü meta kaná yaweno naejitsipa? ¹² ¿Piaja diosonüjji kobe kowü jjaneba piaja nakuanü, panakua beje tajjami tojjobaba: Gozán, Harán, Reset pijinenia Edén tomara Telasar, jawata? ¹³ Dejota ponapona rey Hamatpijinü, rey pijinenia rey Arfad, rey tomaranü pejjai naenü Sefarvaim javata, Hena Iva pijinü yajawá? ¹⁴ Ezequías pita petó najume yakinae bájjuto wekobe pita petokapo naevitsi nejjata leba. Baja ra jjua kuijinae pona Dioso piaja bó yabetsia pewajünaé to yereta buata. ¹⁵ Dejjjüta cuijinae Ezequías barü kuai kuijai vajüta Diosonü, jumaitsi: "Dioso jjamü waja bitsaü nejjai naenü, Israelevi piaja Dioso nümü, jjamü nitorobé kaenü gurubin, kaenümü bája Dioso nümü dajjita irra nakuaya. Jjamü nejumeta ejjaname itabojjo ira yajawa. ¹⁶ Mena mujjunáe evere, Dioso, nejume taema, Dioso asaiyata naükore taema, jume taema jjua jumaitsi Senaquerib, pitorrobiwi kentsia kápokapo nájetsia Dioso pitawanü. ¹⁷ Jjaniawaetsia jjanü kajumaitsitsi, Diosonü, Asiria piaja rey yanakua abejeya ejjana piaja irranü yajawa. ¹⁸ Baja rá pamonae tó tajuita piaja dioso nüjji, tsipaji apo dioso saya baja rá pamonae nakuenebeba piaja dioso nejja, naejawanü, ibotonü. Baja rá jjuajijtsia asirionü sarrababa tojobaba. ¹⁹ Abajjü, Dioso pataja Diosonü, páne kapanepare, apo pane itajjane panae atamü, patane weretsi yeniwa, dajjita jawa jota ira kopiá ruka, yapütájitsia kaenümü kuene Diosonümü. ²⁰ Baja rajané jjua kuijinae Isaias pejjünato Amos najume itorroba petsi paebiwitsi nejja Ezequías tsipaeba: má junaitsi Diosoje, Israelewi piaja Dioso, tsipaji jju newajütame jjanü jawaberrena Senaquerib reinü yabara Asiria pijinü kajúme tanetsi. ²¹ Ma ra pajumé Dioso kuai kuijai baja rá pamonae yabara: Péjanawa Sión pijiwá apo kaita jjanepanae tsane ká kapokapona apo pekajitsipae yabara. Pejjünatoyó Jerusalén namata nenoba nepü welia. ²² ¿De pajiwi natsi atiabame o natsi biaja tanemé? ¿Dé jjuájitsia natsi jamatabü? ¡tóntame káe jiwiyó áta apo pekapane paenütsi Santonü Israeewi jawata! ²³ Nenatsi itoroba biabijjae peka jume kapomaewita natsi atiabame Diosonü. Jumaitsimü: Taja carro monaeta patajü petsuto matabú yabetsia, peo waja kujunawi matatú nasaünae yabetsia patsiajü Líbano pejjainae tsuto. Jjanü ukúbabe naju piapia cedro naenü itapetsia najü ciprés naemü baja rá jotatsia jonenajü únu tutujuyá bélia jotalia bitsó únu najjaniaba. ²⁴ Jjanü irra takuenü mütü pijira tapaenü itsa nakuaya.Jjanü tatsewia ejjanaenü dajjita Egipto menianü tatajjuta. ²⁵ ¿Apo nájume taemü kaejena tató rutsijawa bajayaatámi, tasiwa najamatabü jjainae jawa bajaya tami? Jjanü rá baja nakuijiru itajütajü jjamü rá baja jota pónaponame peyei tae tomaaranü ajibia ejjanae jitsiamü ü petoferratonü kakobejjae enaena. ²⁶ Piajiwi, apo pená kapane paewi, bitsó natsi nuábitsó aurra. Baja ra pomonae saya bepeubi naejjitsi bé reünae wayafo. Bé pona bó mata tsünü wetsika o bé wayafota, tsakena nejjata ayeijawa nejewa. ²⁷ Jané jjanü kayapütanetsi nenajamatabü jjaina eekaejawa, pitsaparremena jonemeya, nía taejitsi bimü. ²⁸ Bitsó saya nia taejitsi bimü: nia beje kuene nemüjjü atania ejjaname, jjanü kapumu jorronae natsi taja kulupabota, kapumü kütsianatsi, ká kanawia tsia ejjanae liatsi panamua renamü. ²⁹ Marrajjuaje kató rutsia natsi yapüta jitsiamü ma pawaitaje jjae póna poname jjüa katsita jjanepana eneonjjae werena pawai jjaename jjua yajiwinü jjaneme jjua yajivinü jjaneme akueyabi waita ubianame kaetua tsianamenua.newajüsi ubianame pakuijinae nawerta nakobekowü jjaename. ³⁰ Peyajiwinü werretsivitsi pajivi yobeje nakopata Judá jawata ikatsia jinavana paena ayei bitsaüto tsane. ³¹ tsiaji itsa bitsaütoyo Jerusalén jawata rena pitsapaena, Sión unu werrena penakopatsi nüjji patenaena. Wajanaka asiwajjae Dioso majjua naka itsáneje. ³² Baja rá paepatoyo Dioso jumaitsi Asiria piaja rey yabara: "Mata wüjüa rabaja apo patsitsane, patomara berenaje apo namajjü wanitojopae tsane, penaka rantsi jawa apobé pekaponaenü tsane apobé penavajünae jjaneba biabinü baja tsane pakuijinae tsimajjü ponabiaba. ³³ Panamutuá rena tsane baja rá pamutuá navia tsialia; patomará berrena rabajamaje bajará ponü apo joné tsaneje. Kapane paya baja Dioso jumaitsi. ³⁴ Tsipaji jjanü pakayá matamo tsianatsi mapatoraje paka kapane paenatsi pataka aswajjae tásiwajja faja pianinü David. ³⁵ Baja rá pameravi Dioso pitaroba biabinü pitsapalia Asiriomonae piaja waja bitsaü jotalia nubena werebaba beyajjuaba ciento ochenta y cinco mil (185.000) pawaja bitsaü nü beje. Pakuijina baja rá pamonae nonobapúa bajaya kanua oenakopatsi nüyobeje itsabitsaüto ü petüpaevi pananiana. ³⁶ Baja rá pakuenia Senaquerib Asiria piaja reinü yabará jjuaba Israelewi naita wenelia piaja bóyabelia póna pona Nínive jawata. ³⁷ Pepua bejjüa, pakuijinae ná navajü kanuka boyalia Nisroc piaja diosonüyo jawabelia, nejjata pejjünato beje Adramelec Sarezer beje beyajjuabatsi. Baja rá jjüa kuijinae wemajjü najeta bijirawa beje Ararat irrrabelia Esar Hadón pajja pekowüta rey tsanukae.