¹ Baja rá po weita veintisiete (27) Jeroboam Israel pipo rey, tajjü jjüaba pe reinabijiwa Azarías pejjünato Amasías,Judá pija rey. ² Azarías itsa abajjü jjeina dieciseis (16) pa weibeje itsa baja rá ponü tu jjüjjuaba pe keinabijiwa baja rá ponü reinaba cincuenta y dos paweibeje Jerusalén jawata, baja rá ponü pena pewinü mi ruju Jecolía, Jerusalén pijiwi. ³ Baja rá ponü itsi pejjania kuenia Dioso pitabü nejawa kuene jipaya pajja pakuenia Amasías itsi tsabiabi. ⁴ Itsitajane, taju ta jjunainü apo wekua penatsi, abajjü tsitekaya sacrificio ejjanabiaba tajuitabiabonua putujjujiwi tajü tojjünaita. ⁵ Dioso najamatabü jjeinaya reynü nejjata baja rá panü lepra kuijipatsi so kaejenu wü petüpae matakabi juwabelia, ponapona seikaya bota. Jotam, pejjunato reynüj ewetu baja rá po papalaccio gobernaba baja rá tomara irapijiwi. ⁶ ¿Mu pijinia itsa kuene yabara Azarías jjüuitsi baja rá panü, apo yakinarubi bajarupa librota jjüanu peitsi jawanü Judá pija reyewi. ⁷ Nejjata, Azarías tüpa pajja jiwita; baja rá pa monae mütjü tatsi pija salineimüta, David pija nakuata Jotam, pejjünato, naejjana reynü pekowüta. ⁸ Baja rá weita treinta y ocho (38) kuijinae Azarías Judá pija renü, Zacaarías, Jeroboam pe jjünato reinaba Israel Samaria jawata seis (6) pa juametabeja. ⁹ Baja rá ponü itsi pebisiakuene Dioso, pita bü nejawa pakuenia pajja jiwi itsi tsabiabai. Baja rá ponü apona wekua na tsijitsi pija pebisia kuene Jeroboam Nabat pejjünato, tsipaji baja rá ponü nanekunitsi ejjanu Israel monae. ¹⁰ Jabes pejjünato Salum, siwa najanetabunatsi paeba pebeya jjuabinejja Zacarías, bary na biajiwi itabunejawa, nejjata beyajjuaba. Baja rá jjua kuijinae baja rá ponü naejjanu reynü pekowata. ¹¹ Ma pijinia Itsu kuene jawanü yabara Zacarías, yakinaruba bajarapa librota jjuanü itsitsabiubi Israel pija rey emonae. ¹² Ma raje Dioso pejumeliwaisi, baja rá ponü to kuekuejei Jehú nejja, jumaitsi: "Nija monae enaena Israel pija tronata cuarta (4) generación" tsane, baja rá itsi . ¹³ Salum pejünato jabes tajjü jjuaba pe toberna bijiwa bajarapa weita treinta y nueve (39 Azarías Judá pija reinü, baja rá ponü reiinaba kae juameto Samaria jawata. ¹⁴ Manahem pejjünato Gadi tsia Tirsa jawetsia Samaria jawabetsia. Bajara jota ajara ponü barü nabia Salum jawabelia pejjünato Jabes Samaria jota. Bajara ponü beyajjuaba pekowüta reinü naejjana. ¹⁵ Ma pijinia itsa kuene jawanü Salum yabara pejamataabü natsipaiba kuene, jjua bajara ponü tajjü jjuaba itané rubema baja ra librota, tajjita pakuene itsinIsrael pija reyewi. ¹⁶ baja rá jjüu kuijinae Manahem bary nabia Tifsa dajjita penu benaiwe baja rá jota, pija yenepana Tirsa matatoyorotsia, tsipaji baja rá pamonae apo baupatsi baja rá pa tomara baja rá ponü nejja. Nejjata baja ra ponü bary nabia, Koto katitika petiriawi pona kojjitsiwi. Baja rá pa tomarajjita. ¹⁷ Baja rá pa weita treinta y nueve (39) pawei Azarías Judá pija reinü to jjü jjuaba pe reinabijiwa Manahem tadi pejjünato Israel wekua; baja rá pona reinaba diez (10) pa weibeje Samaria jawata. ¹⁸ Baja rá ponü itsi pebisia kuene Dioso pitabunejewu. Dajjita matakabinejja, baja ra ponü apokapatsi Jeroboam pija nekoni, pejjünato Nabata, baja rá ponü nanekotsi ejjana Israel monai. ¹⁹ Baja rá jjüa kuijinae Pul, Asiria piji rey rena ira yabara Manahem rajuata Pul nejja mil (1.000) palento plata yajawa Pul pe yawenonae ne jjatsi yajawa jitsitsi baja rá ponüta, ajamatabu seijitsia Israel pija reino pekobeta. ²⁰ Manahem najjeinayaba baja po palata Israel pijaja wami wajüta aseiyu kae pebi kana kuijitsia palata pejjeinai nüanü, matamotsiena cincuenta (50) ciclos pa palata baja rá ponü perajutsinejja Asiria pija reynü, nejjata rey Asiria pijinü napünü yorota, apo ponaponae baja rá irata. ²¹ Ma pijinia itsa jawanü peitsi jawanü Manahem dajjita jjua itsi ¿apo itane rubenae baja ra librota peitsi jawanü Israel pija reyawi? ²² Nejjata manahem tüpa pija solineimita, Peekaía pe jjünato Manahem tajjujjüaba pe reinabijawa Israel yabara Samaria jawata, baja ra ponü reinaba anija weibeje. ²³ Cincuenta (50) pa waita beje pe itorobanü kae kujinae Azarias Juda piaja reinü, Pekaia pejjünato Manahem tajjujjuaba pe itorobi jawa Israel piajiwi reinü kuenia Samaria jota; itoroba reinü kuenia anija (2) pa wai beje. Bajara ponü pebisia kuene itsi Diosonü itajjutua. ²⁴ Baja ra ponü apo kuene kopatsi pe itsi tsabiabi jawa Jeroboam, pejjünato Nabat, baja rá jjua yabara Israel pia jiwi nanekonitsia ejjana. ²⁶ Pekaía kae oficial nü jjeinanuta wunünü Peka, pejjünato Remalías, pe siwanajamatabü natsi paebi nütsi. Cincuenta (50) ponü beje galaaditas barü nayanata yajawa Argog y Arie, Peka nejjata kakuata jjuaba Pekaía, Samaria jawata, pija nakuata reinü pija palacio jawata. Peka beya jjuaba, nejjata naejjana reinü peko Wata. ²⁵ Ma pijinia itsa kuene jawanü pe itsi jawa Pekaía dajjita jjua itsi, itané nubena baja ra pa librota peitsi jawanü Israel pija reyewi. ²⁷ Baja ra pa weita cincuenta y dos (52) Azarías Judá pija reinü Peka pejjünato Remalías pe gobernabijawa Israel wekua Samaria jawata; baja rá ponü veinte (20) paweibeje. ²⁸ Baja rá po pebisia kuene ejjana Dioso pitabü nejewa baja ra ponü apokapatsi penakoni Jerob oam pejjünato Nabat, baja ra ponü nane konitsi ejjana Israel monae. ²⁹ Baja rá pamatakabi Peka Israel pija reinü, Tiglat Pileser Asiria pja rey rena, waitaba Ijón wunünü, Abel Bet Maaca, Janoa, Cedes, Hazor, Galaad, Galilea, dajjita neftalí pija ira.Baja ra pona barüpona tomara pijiwi Asiria tomara belia. ³⁰ Nejjata Oseas pejjünato Ela siwa najamatabü natsipaeba Peka yabara pejjünato Remalías. Baja rá ponü kakuota jjuaba, beya jjuaba nua. Baja ra jjüa kuijinae, naejjanu minü pekowata, veinte (20) pa weibeje, Jotam pejjünato Uzías. ³¹ Ma pijinia pe itsa jawanü yabara Peka, dajjita jjüa itsi, itane yakinaruba baja pa librota pe itsijawanü Israel pija reyewi. ³² Anija (2) wai beje pe itorobanü kae kujinae Peka pejjünato Remalias, Israel piaja reinü, tajjujjuaba pe itorobi jawa Jotam pejjünato Azarias, Juda piaja reinü. ³³ Baja rá ponü pe jjainaenüta veinticinco (25) pa wei beje pakujinae tajjujjuaba pe itorobi jawa reinü kuenia; itoroba reinü kuenia dieciseis (16) pa wai beje Jerusalen jota. Pena pewünü Jerusa; bajara powa pejjünatoyo Sadoc. ³⁴ Jotam itsi, pejjaniu kuene Dioso pitabunejawa. Baja rá punü kuene jüpa tajjata jjüa pajja Asiria itsi. ³⁵ Itsiata jane, tajü tsutonü apowekua natsi, baja rá pa tomara pijiwi tsitikaya ejjanebiana sacrificio, tajuita biabanua peujjü jü wijawa tajü tsutonta.Jotam ya jjuneba tutujü baupa Dioso pijobóta. ³⁶ Mobi jinia pe itsi jawanü yabajara Jotam, dajjita jjüa baja rá ponü itsi ¿apoya kina rubi baja ra librota peitsi jawanü Judá pija reyewi? ³⁷ Baja rá pamatakabi Dioso tajjü jjuaba pe itobijawa Judá wekua Rezin Aram pija reinü, peka pejjünato Remalías. ³⁸ Jotam tiupa pija salineimita, nejjata mütjütatsi pija salineimita David, pija nakuata pija salineimita. Baja jjüa kuijinae Acaz, pejjünato, naejjana reinü pekuwuta.