¹ Nyanuutlah ayo'a sak ni tunduk ka pemerintah ge panguasa, taat ge siap ngelaku setiap perbuatan da bait, ² kati'k memfitnah asi pun, kati badaru, ramah, ge taman-taman bersikap rangut terhadap samaan sok. ³ Sbab, ite idu uga baga, kati taat, sasat, gat ngabudak oleh bamacam nafsu ge kesenangan , idup sadatn da jahat ge iri ate, gatn rusi ge saling ngerusi. ⁴ Akan tetapi, sak kemurahan ge kasih Allah, Juru Slamat ite, gatn nyata. ⁵ Ini nyelamat ite, nya karna barbuat da taman da ite ngelaku, melainkan karna belas kasih'a lewat pembasuhan lahir malik ge pembaruan Roh Kudus. ⁶ da Ini nyura atas ite nige marabeh lewat Kristus Yesus, Juru Slamat ite. ⁷ Jadi, laka dibenarkan nige anugra'a , ite jadi ahli waris sasuai nige pengharapan idup da kekal. ⁸ Saratn diah sungguh taman. Tentang hal diah iko ngate akupm taman-taman yakin supaya ayo'a da nga laka pecaya ka Allah kaat tekun ngelaku perbuatan da bait. Hal-hal diah bait ge bagune bagi samaan sok. ⁹ Akan tetapi, ngajauhlah badebat-debat, batitis-batitis, perselisihan, ge badaru da baga tentang Hukum Taurat karna dakoh kati ani gune'a ge sia-sia. ¹⁰ Untuk sok da nyebab perpecahan , mangkatnlah ini'k peringatan asa ato dua kali, laka dakoh ngajauhlah ini'k . ¹¹ Sbab, kupm pane sok da samu dakoh laka dinyasat ge panhu duse, inik mendatangkan hukuman atas adup'a. Patunjuk da Trakhir ge Salam. ¹² Sak laka iko ngutus Artemas ato Tikhikus ka kupm, barusahalah untuk utuk ka iko ka Nikopolis karna iko nga laka mutus untuk madi'k ka tetn salama musim panut jana'k. ¹³ Nige sakuat tanagamu'k , bantulah Zenas. si ahli hukum dakoh, ge Apolos da ani ka sadatn perjalanan supaya ayoa kati'k kakurangan nyiteng jai pun. ¹⁴ Haruslah ayo sok ite belajar batekun dalam melaku pekerjaan da bait supaya ayoa kaatn menuh kabutuhan idup bilang kano ge kati idup nige kati babuah. ¹⁵ Samaan sok da ani gek iko nyampe salam untuk imu'k. Nyampe salam'ko ka ayoa'k da mengasihi kai sadatn iman. Anugrah menyerta ayo kupm samaan.