¹ Umpatn Paulus, hamba Allah ge rasul Kristus Yesus , da gatn ngutus demi iman sook da Allah milih ge pegetahuan dak kebenaran da mimpin ka kesalehan. ² Supaya ayo'ak kaat pengharapan da kekal, da nik janji waktu tinga pamule zaman oleh Allah da ti suah laceh. ³ Pada waktu'ak , Inik nganyata firman'a umpatn kabar da nik mecaya ka iko sesuai nige perintah Allah, Juruselamat ite. ⁴ Ka Titus, anak'a da sah sadatn iman ite samaan. Anugerah ge damai sejahtera umpatn Allah' Bapa , ge Yesus Kristus, Juruslamat ite. Tugas-tugas Titus untuk mamilih panatua ka Kreta. Karna alasan diahlah iko ngagatmu'k ka Kreta , supaya kupm kaat nyelesai jai da masih perlu gaat ngator ge ngangkat panatua-panatua ka satiap kota, samu da iko pusutn ka imu'k. ⁶ Ini'k harus'a sok da kati bacela, banun umpatn nyungan saut, umpu anak-anak da pecaya, ge kati gat nuduh karna idup da kati sanunuh ato ngelawan. ⁷ Sbab, sook da ngawas jemaat arus'a sook da kati bacela sebage pelayan Allah, kati'k sumbong, kati capat baji, nya pemabuk, kati suka badaru, ge kati srakah nige najo untung. ⁸ Sebalik'a , suka mangkatn tumpangan , suka jai da bait, bijaksana, adil, saleh, ge kaatn nguasa adup'a. ⁹ Ini bajinte teguh ka saratn da abak da mecaya, sasuai nige da laka da ngajar, sehingga ini'k kaatn mangkatn nasehat menurut pengajaran da sehat ge nagor ayoa'k da membantah'a. ¹⁰ Sbab, ani karah sok da malawan, suka ngumong kusong, ge panipu, khusus'a ayo sook da barasal umpatn kalompok sok da baturih. ¹¹ Ayoa'k pantas gatn nutup baba'a karna ayoak manyusah samaan kluarga nige ngajar da kati seharus'a ayoa'k ngajar. ¹² Nyungan umpatn ayoa'k , koh lah nabi adup ayoa, nyansana,"Dasar ayo sok Kreta laceh, ulah binatang buas da jahe'k, ge palahap da malas. ¹³ Kesaksian diah taman. Karna lakoh, nagorlah ayoak nige karas supaya ayoak jadi sehat sadatn iman. ¹⁴ Iyak mile dongeng-dogeng sok Yahudi ge perintah ayo sok da nolak da taman ¹⁵ Bagi da murni, samaan murni. Namun, bagi ayoak da najis ge kati pecaya, kati ani nyeteng pun da murni karna bait pikiran atopun ate nurani ayoak najis. ¹⁶ Ayoa'k ngaku ngenal Allah, tapi nige parbuatan'a ayoa'k nyangkal Allah. ayoa'k menjijikkan, kati taat, ge kati sanggup umas jaipun da bait.