¹ Paulus, nyungan rasul Kristus Yesus oleh kahendak Jabata ge' Timotius, age ite', ka jemaat Jabata da ani ka Korintus basamu samaan sok kudus da ani ka saluruh Akhaya. ² Anugerah dimu' ge' damai sajahtera umpat'n Jabata Sama' ite' ge' Tuhan Yesus Kristus. Ngucap Syukur samo panghibur Jabata ³ Gatn mambarkati Jabata ge Sama' Tuhan ite', Yesus Kristus, Sama' da panhu pamase' ge' Jabata samaan pangiburan, ⁴ da ngibur kai sadatn samaan panderitaan kai singga kai uga bisa ngibur ayo'a' da ani sadatn bamacam panderitaan nige' pangiburan, da kai uga laka Jabata ngibur. ⁵ Sabab, samu ladakoh panderitaan-panderitaan Kristus marabeh sadatn kai, ladakoh uga panghibur kai marabeh nabo' Kristus. ⁶ Sak kai manderita, hal dakoh ya' panghibur ge' kasalamatanmu'. Ato, sak kai gatn nghibur, hal dakoh anilah ya' panghiburmu', da bakaraje sadat'n katabahan samo panderitaan-panderitaan da samu, da uga kai ngalami. ⁷ Pangharapan kai samo imu' dakoh taguh karna kai pane bahwa langkina imu' naap bagian sadat'n panderitaan-panderitaan kai, ladakoh uga kai naap bagian sadatn panghiburan kai. ⁸ Age-age, kai kati' ngate imu' kati' panane tentang panderitaan da kai misa' ka Asia. Kai rasa gatn ngabeban marabeh kakuatan kai singga kai putus asa ya' tatap idup. ⁹ Sampei, kai ngani hukuman kabis sadatn adup kai sadi', supaya kai kati' yakin ka adup kai sadi' , ngalait ka Jabata da ngabangkit sok da kabis. ¹⁰ Ini' nga nampasat'n kai umpat'n pangkabis da ladakoh tao' ge da ao' nampasat'n kai agi'. Ka-Ini' kai baharap bahwa Ini' ao' nyalamat kai agi'. ¹¹ Imu' uga turut nulong kai lewat doa-doamu' singga karah da ao' basukur samo gaat'n kai karna kasih karunia da gat'n mangkat ka kai lewat doa-doa sok karah. Parubahan Rencana Paulus ¹² Diahta kabanggaan kai, kohlah kasaksian ate nurani kai bahwa kai idup ka dunia diah, tarutama tradap akup'm , nige' katulusan ge' kamurnian umpat'n Jabata, inya sadat'n hikmat dunia, ngalain sadat anugerah Jabata. ¹³ Sabab, kai kati' nganulis hal-hal da lait'n kaimu' salain da kaat'n kup'm maca ge' ngarati. Iko baharap kupm ao'ngarati sapanhu'a', ¹⁴ samu nige' kupm laka mamahami nyabagi tentang kai, kohlah bahwa kai anilah kabanggaanmu', samu nige' akupm uga anilah kabanggaan kai, pas ano Tuhan Yesus. ¹⁵ Sadat'n kayakinan diah, iko' bamaksud ys' lebih uru utuk'ng ka tampatmu' supaya akupm buleh kaat'n anugerah ya' kadua kali'a'. ¹⁶ Iko ngate ngunjung akupm sadat'n pajalatnko' ka Makedonia, lalu ure' agi' kakupm sak laka umpat'n Makedonia supaya akupm aba' nulongko' sadat'n pajalatnko' ka Yudea. ¹⁷ Sak ladakoh, jailah nige' kabimbangan iko' ngarancana hal diah? Ato, jailah da iko' ngarancana, iko ngarancana diah nige' cara duniawi singga bagiko' sacara samahu ani "ai', ai' " ge' "kati'-kati'"? ¹⁸ Samu nige' Jabata anilah setia, sarat'n kai kaimu' inyalah "ai' " ge' "inya'". ¹⁹ Sabab, Anak Jabata, Yesus Kristus, da gatn ngabar ka antara kupm oleh kai, kohta iko. Silas, ge' Timotius, Inya ta "ai'" ge' "kati'"malainkan 'ai' ka sadat'n Ini'. ²⁰ Sabab, samaan janji Jabata anilah "ai'" ka sadat'n Kristus. Dakohlah sabab'a', lewat Ini', kai ngucap "Amin" kai ya' kemuliaan Jabata, ²¹ Ge', Jabata ao' maneguh kai basamu-samu nige' Kristus. ge' da laka mangkabinyak ite', ²² da uga laka ngamaterai ite' ge' mangkat'n Roh-A sadat'n ate ite' sebage jaminan. ²³ Sak, iko' maba' Jabata sebage saksi ka jiwako' bahwa ya' nganahan adup samo imu' iko' tinga utuk'ng agi ka Korintus. ²⁴ Inya karna kai mamarintah samo imanmu', tatapi kai anilah da bakaraje samahu imu' ya' sukacita karna sadat'n imanmu', akupm agut'n tagap.