¹ Sa', iko' laka ngadu'a angkat'n adupko' sandiri kalo iko' kati aok utukng agi ka imu' ka sadat'n da sedih. ² Kalo iko' umas imu' basedih, asilah da aok umasko' auhat'n, kacuali ini' da ngalaka ko'umas basedih dakoh? ³ Iko' nulis, langkina dsa iko' umas, supaya sa' iko' utukng, iko' kati aok kaat'n kasedihan umpat'n ayo'a da saharus'a umasko' auhat'n. Barang, iko marasa yakin ka ayo kup'm samaan kalo sukacitako' aok jadi sukacita ayo kup'm samaan. ⁴ Umpat'n karah'a panderitaan ge' kapedihanate, iko' nulis ka imu' nige karah kamarunyo pait'n matu, inya ya' umasmu' basedih, malait'n'a agar imu' kaat'n pane kasih da iko' umpu, khusus'a taradap imu'. Mangampuni Sasama da Basara ⁵ Sa', kalo ani da manyabab'a sedih, ini' kati manyabab'a sedih ya'ko', tapi ka batas da gat'n nentu, supaya iko' kati marabeh ya' ayo-kup'm samaan. ⁶ Barang sok ulah dakoh, tagoran sa' sabagian aihyo umpat'n imu' cukup angkat'n'a. ⁷ Karna dakoh, imu' sabalik'a, labih bait mangampunige manghibur'a supaya sok da bulah dakoh kati tanggulup'm sa' kasedihan da marabeh. ⁸ Sa', iko' nyurong imu' ya' manegas'a kasihmu' ka ini'. ⁹ Barang, ya' diahlah iko' nulis ka imu', lakohta supaya iko' kaat'n pane bukti'a, diu'ta imu' taat sadat'n sagala sasuatu. ¹⁰ sook da imu' ngampun, iko' ngampun'a uga. Barang, jai da ngalaka iko' ngampun, sa' ani da harus iko' ngampun, iko' bulah demi imu' ka tura Kristus. ¹¹ Nige ladakoh, Iblis kati ani gat'n nguntong umpat'n ite karna ite pane jai maksud-maksud'a. galisah ge' lega Paulus ¹² Sa' iko' utukng ka Troas ya' mambrita Injil Kristus ge' sa' pintu tabuka ya'ko' ka sadat'n Tuhan. ¹³ ti'nga ani lega angkat'n rohko' karna kati amput Titus, ageko'. Jadi, iko' pamit ka ayo'a ge' anu ka Makedonia. ¹⁴ Sa', syukur ka Jabata, da slalu mimpin kai' ka kamenangan ka sadat'n Kristus ge' nyata kaharuman pangetahuan aok Ini' gat'n satiap tampat, malalui kai'. ¹⁵ Barang, kai' diu'ta bau harum Kristus angkat'n Jabata ka antara ayo'a da gat'n nyalamat ge' ka antara ayo'a da sadakng binasa. ¹⁶ Angkat'n da nyiteng, kai' diu'ta bau kabis ya' kabis, ge' angkat'n da lait'n, bau da idup ya' da idup. Sa', asi da sanggup ya' hal-hal diah? ¹⁷ Barang, kai' kati ulah karah sok lait'n, da nyual Firman Jabata. Sabalik'a, ka sadat'n Kristus kai' nyansana ka tura Jabata nige da tulus, langkina utusan-utusan Jabata.