¹ Perhatikanlah batapa aihyo mase da Bapa karunia'a ka ite sahingga ite gan't muji' anak-anak Allah, memang ite anilah dunia da kati'k mangenal-A ² Ayo age da gatn ko'kasihi, damati' ite anilah anak-anak Allah, tapi samu jai ka'adaan ite jana kati'klah tile. Namun, ite pane bahwa katika Ini'k utukng, ite aok jadi samu Ini'k ao'k ite mile Inik ka sadatn ka'adaan-A da sabanar'a. ³ Satiap sok da umpu pengharapan diah ka sadatn Kristus, Ini'k menyucikan adup'a samu nige Kristus anilah suci. ⁴ Satiap sok da umas duse uga malanggar hukum karna duse dakoh malangar hukum. ⁵ Imu'k pane bahwa Kristus da tile ngapus duse, da ka sadatn Ini'k kati'k ani duse. ⁶ Satiap sok da madi'k ka sadatn-A kati'k umas duse; ti'k ani nyunganpun da baduse laka mile ato da nganal-A. ⁷ Anak-anak ko'k, usah mambiar nyunganpun ayo sok da nyasatmu'k. Sok da umas data man anilah sok da taman, Samu nige Kristus anilah taman. ⁸ Sok da umas duse brasal umpatn setan karna setan Tampa danga ba'duse umpatn idu'k. Anak Allah utukng untuk tujuan diah: ngancur perbuatan setan. ⁹ Kati'k nyunganpun da lahir umpatn Allah da umas duse karna bani'k Allah madi'k ka sadatn adup'a; ge ini,k kati'k kaatn umas duse karna ini'k ngalaka gatn ngalahir umpatn Allah. ¹⁰ Nige lakadakoh, asi anak-anak Allah ge asi anak-anak Iblis jadi jelas. Sok da kati'k umas dataman kati'k brasal umpatn Allah, lakadakoh uga sok da kati'k nganyayang ayo-age'a. Saling ngenyayang ¹¹ Sabab, diahta brita da ngalaka imu'k dangah umpatn idu, lakadakoh ite harus saling ngayayang. ¹² Usah ngate jadi Kain, da brasal umpatn da jahe ge da ngamis sade'a. Ge, nyai Kain ngamis sade'a? Sabab, parbuatan Kain jahe ge parbuatan sade'a taman. ¹³ Ayo-age ko'k, iyak takajut kalo dunia diah ngarusimu'k. ¹⁴ Ite pun pane kalo ite ngalaka kaluar umpatn kematian nuju ka'idupan karna ite ngayayang ayo-age. Sok da kati'k ngayayang age'a madi'k ka'sadatn kematian. ¹⁵ Satiap sok da ngarusi'k age'a anilah ayo'sok da pangamis, ge imu'k pane kalo kati'k ani pangamis da mampunyai idup kekal ka sadatn adup'a. ¹⁶ Ladiahlah ite ngenal kasih: Yesus Kristus ngalaka nyarah idup'A untuk ite. ¹⁷ Namun, apabila sok umpu harta duniawi, ge mile age'a ngate butuh, tapi nutup ate'a tradap age'a dakoh, langkina mungkin kasih Allah ani ka sadatn ate'a? ¹⁸ Anak-anakko'k, kaehlah ite ngayayang inya nige saratn-saratn ato rata'a, malainkan nige parbuatan ge kebenaran. ¹⁹ Nige diah, ite ao'k pane kalo ite brasal umpatn kebenaran ge ite ao'k neguh ate ite ka hadapan Allah. ²⁰ Sabab, apabila ate ite mansara ite, ge Ini'k pane samaan sesuatu. ²¹ Ayo-ageko'k da ko'knyayang, kalo ate ite kati'k mansara ite, ite umpu kayakinan adup ka hadapan Allah. ²² Jaipun da ite mahi, ite narima'a umpatn Allah karna ite nurut parintah-parintah-A ge umas jai da ba'kenan ka-Ini'k. ²³ Diahta parintah Allah, lakadakoh supaya ite pacaya sadatn gatn Anak-A, Yesus Kristus, ge ite saling ngayayang samu da ngalaka Ini'k marintah ka ite. ²⁴ Sok da taat ka'parintah-parintah Allah madi'k ka sadatn ini'k. Nige diahlah ite pane kalo Allah madi'k ka sadatn adup te'e, oleh Roh da Allah mangkant ka ite.