¹ Anak-anakko'k, iko'k nulis hal-hal diah ka ayo imu'k supaya imu'k iya'k bulah duse. namun, kalo ani da bulah duse, ite ani pambela ka hadapan Bapa, yaitu Kristus Yesus, da taman dakoh. ² Ini'kta kurban pandamai bagi duse-duse ite. ge, inya yak duse-duse ite sadi, malain't ak uga yak duse-duse samaan dunia. ³ Lakohtalah ite pane kalo ite mangenal Allah, yaitu kalo iko'k nganti parintah-parintah-A. ⁴ Sok da nyansana, "Iko'k nganal Allah," kati nganti parintah-parintah-A, ini'k koh sook panipu ge da taman kati ani ka sadan't ini'k. ⁵ Aok tapi, asi da nganti Firman-A pamase Jabata laka batol-batol sampurna ka sadan't adup'a. Lakoh talah ite pane kalo ite ka sadan't Ini'k. ⁶ Sok da nyansana kalo ini'k madi kasadan't Jabata, ini'k arus idup samu nige Ysesu idup. Ngayayang Ayo Age ge Ngalaku da Jabata ngate ⁷ Ayo-age da ko'k ngayayang, iko'k kati nulis parintah bahu ka ayomu'k malain't'a parintah tuhi da laka imnu'k umpu dari idu'k, parintah tuhi dakoh anilah Firman da ngalaka imu'k dangah sajak awal. ⁸ Namun' iko'k uga agi nulis parintah bahu umpan't mu'k, da anilah taman ka sadan't ini'k ge ka sadan't imu'k karna ka patang'k sadang'k balaku ge tohos, da taman mati basinar. ⁹ Sok da nyansana kalo ini'k ani ka sadan't tohos, tapi ngarusi age'a, kalo ini'k masih ani ka sadan't ka patang'k sampe mati. ¹⁰ Sok da ngayayang age'a madi'k ka sadan't tohos ge kati ani nyitengpun da ngabulah'a jadi tasingkak. ¹¹ Aok tapi, ini'k da ngarusi age'a ani ka sadan't da patang'k ge bajalan't ka sadan't da patang'k ini'k kati pane ka ume ini'k anu karna ka patang'k laka umas matu'a. ¹² Iko'k nulis ka imu'k, hei anak-anak, sabab duse-dusemu'k laka gan't ngampun demi gaan't'-A. Iko'k nulis ka imu'k hei Sama'a-sama'a, karna ayo kup laka nganal Ini'k sajak umpan't awal. ¹³ Iko'k nulis ka imu'k hei ayo sok da angot, karna imu'k laka ngalah da jahe. Iko'k nulis ka ayo kup, hei anak-anak, karna imu'k laka nganal Bapa. ¹⁴ Iko'k nulis ka ayo kup, hei sama'a-sama'a karna imu'k laka nganal ini'k sajak idu'u ma'an. Iko'k nulis ka ayo kup, hei ayo age-adi karna imu'k ngalaka nganal sa jahe. ¹⁵ usahlah ngayayang dunia diah ato hal-hal da ani ka sadan't dunia. Kalo sook ngayayang dunia, pamase Bapa kati ani ka sadan't ini'k. ¹⁶ Sabab, samaan da ani ka sadan't dunia, yaitu kainginan dagin, kainginan matu, ge kasumbongan idu'u kati brasal umpan't Bapa ngalain't'a umpan't dunia. ¹⁷ dunia diah sadang'k lanyap samu kainginan'a, tapi sok da ngalaku kahandak Allah aok idup sampe aok-aok'a. Usah Nganang Anti-Kristus ¹⁸ Anak-anak'ko'k jana diah aok ani jaman akhir; ge samu da laka imu'k da ngah kalo anti-Kristus aok utung'k, bahkan mati'k pun karah anti-anti-Kristus laka utung'k. Lakohtalah ite pane kalo mati'k ani zaman akhir. ¹⁹ Ayo'a utung'k umpan't antara ite, tapi ayo'a inya bagian umpan't ite. Sabab, kalo ayo'a bagian umpan't ite, ayo'a aok tatap nige ayo ite. Namun, ayo'a ngagan't ite sahingga nyata kalo ayo'a inya bagian umpan't ite. ²⁰ . Aok tatapi, IMU' laka umpu pengurapan umpan't da kudus, ge imu' ngapane samaan'a. ²¹ . iko' nulis ka ago mu' inya karna imu' ti'nga pane dataman, malain't karna imu' nga'pane'a ge karna kati' ani parayum'p ge barasal umpan't da taman. ²² . Asi da laceh dakoh kalo inya ini' parayum'p kalo Yesus talah Sang Kristus ? Dakohlah anti-Kristus, Sok da ngayum Bapa atopun Anak. ²³ . Asipun da ngayum Anak kati' umpu Bapa. Aok tapi, satiap sok da ngako Anak, ini' uga umpu Bapa. ²⁴ Kate'alah jai da ngalaka imu' dangah waktu idu'maan tatap madi ka sadan'tmu. Sa' jai da ngalaka imu' dangah umpan't idu' tatap madi ka sadan'tmu, imu' uga aok tatap madi ka sadan't Anak ge Bapa. ²⁵ Ge', diahlah janji da Ini' mangkan't ka ite,dakohta idup da kekal. ²⁶ Samaan hal da ngalaka ko'nulis ka'imu' diah, bakaitan nige ayo'a da barusaha nyasatmu'. ²⁷ Sa' urapan da ngalaka imu' narima umpan't Ini' tatap madi ka sadan'tmu', ge' imu' kati palalu sok lain't ya' ngajarmu'. Aok tapi karna pangurapan-A dakoh ngajar imu' tantang sagala sasuatu ge hal dakoh diu'ta taman, inya dusta sabagaiume Ini' ngalaka ngajar imu' tataplah madi ka sadan't Ini'. ²⁸ Mati' anak-anakko' madilah ka sadan't Ini' supaya sa' Ini nyua' adup'a, ite umpu kayakinan adup'tee ge' kati mangun ka tura Ini' sa' saat pajutukng-A. ²⁹ Sa' imu' pane kalo Ini' diu'ta taman, imu' uga pane kalo satiap sok umas da taman, lahir umpan't Ini'.