¹ Reo Paulus 'ino, Rasul Yesus Kristus re 'a Jou Madutu 'ai mau. Re ngowa'-ngowa'a kudusu toma Efesus, ngowa-ngowa'a ngo ngaku re Yesus Kristus madara. ² Bubula'a re 'o la-la 'o sanangi toma ngini reo Jou Madutu, nanga Baba, re Jou Yesus Kristus. (Cocatu-cocatu Rohani re Kristus Madara) ³ Ngene wo puji re silamo'o Ma Jou Madutu, Unang gena-ge nanga Jou Yesus Kristus 'ai Baba. Unang "o Pula'a dua cocatu re ngene re Kristus ma dara re 'a cocatu rohani toma sorga ma ngi'i. ⁴ Sababu, Unang 'o pili ngene re Kristus ma dara, nyang re 'o dunia 'i dadi la ngene dadi ofi re wa sala ua 'Ai biono i'a. Toma mura ma dara, ⁵ Unang nanga tantukan dua re ngene ma mulaingi moju duga 'o tede dadi "ai ngowa-ngowa'a mete'e Kristus Yesus ma'u tero re 'ai nya suka re 'ai mau. ⁶ Unang 'o 'a'a gena-ge duga joinge re mulia re 'ai bubulua'a, re 'o pula'a togumu dua duga sosomoara re ngene mete'e 'ai Ngowa'a ma dara yang Unang dadalara. ⁷ Re Unang ma dara, ngene wo ma'e tu'usu mete'e 'ai same'e dadi 'o si ampun nanga sala 'i mau mete'e re 'ai bubulua'a yang 'i lamo'o. ⁸ Ma Jou Madutu 'o pula'a ngene 'o sagala hikmat re 'o waro. ⁹ Unang 'o siajele re ngene 'ai gogono 'i longa moi re Unang 'ai maksudu ra yang Unang 'o si mete'e re Kristus ma dara i'a, ¹⁰ balasu re si sadia re si totomo orasa duga sirimoi re Kristus ma dara i'a di'i, sae'e sagala orou rana, mada'a toma sorga gena-ge di'i toma dunia. ¹¹ Re Kristus madara, ngene di'i wo ma'e bilangu re 'a warisi togumu dua du siajele da'a ma mulaingi moju 'i mete'e re Unang 'ai maksudu, 'o 'a'a benyetoro mo-moini duga 'i dadi re Unang 'ai sinyingara madara 'ino. ¹² Sababu gena-ge sida-sida dua ya si gae nanga singonganono re Kristus, 'i dadi joinge re si mulaingi 'ai lomanga. ¹³ Re Unang madara, ngene di'i, wo 'isene 'Ai habari 'i tero gena-ge Habari Roanga 'ai salamata, re ngaku duga ra Unang re si dodoma re Ngomas Ofi-ofi yang si jaji dua. ¹⁴ Ngomas Ofi-ofi 'i dadi jaminan re nanga warisi, singadol ma orasa asi bebasa re anang yang 'i dadi Jou Madutu 'ai longa moi. Duga joinge re si mulaingi re simulia Unang. (Paulus manyiata) ¹⁵ Sababu gena-ge, mamulai Ngoi to 'isene 'ani ngaku re Jou Yesus madara i'a re 'ani mura toma ngowa-ngowa'a kudusu mo-moini ¹⁶ Ngoi togumu ua to singadol syukur re ngini ma orasa ngoi ti sinyingara ngini re ari nyinyiata madara. ¹⁷ Ngoi manyiata re Jou Madutu nanga Jou Kristus Yesus, Baba 'i mulia pula'a ngini Roh wo waro re siajele duga Unang. ¹⁸ Ngoi ta manyiata la ngini na sinyingara ma la'o 'i bitanga singadol ngini ngaunu na sahe singonganono 'i maene re Unang 'i gagaro'o madara i'a, harta yang 'i maena toma warisi madara 'i mulia re ngowa-ngowa'a malara, ¹⁹ 'ai guata 'i lamo'o re ngene ngowa-ngowa'a ngaku wa sitaraji le'a-le'a so'olou 'a sijum 'ai lalamo'o re 'ai guata. ²⁰ 'Ai lalamo'o re 'ai guguata ngane 'a sijum ma orasa Unang 'u si momi'i Kristus toma ngowa'ngowa'a sengene ma golona i'a re 'o sidirin Unang toma ngi'i sorga ge toma guwida ua. ²¹ 'i kudutu lebe 'i lamo'o re atorang mo-moini, 'o kuasa, 'o guata, pamarinta re lebe 'i lamo'o re lomanga mo-moini yang 'i maena dua duga da'a ma orasa nange nane ua gena-ge di'i toma orasa ngadol ino. ²² Unang 'o si 'eta'a orou mo-moini retai rou ma adu i'a re 'o pula'a 'ai lese 'i dadi sae'e re orou bato toma jama'ata, ²³ Jama'ata gena-ge 'a Kristus 'ai lese, re ngi'i le'a bato gena-ge ya si romanga mo-moini re orou rana bato.