(Sisalamata Sababu Obubula) ¹ Masida ngini nisenenge renyasala-nyasala renya Dosa-dosa. ² Ma arasa gena ngini ni tagi nimetee ngo-omo dunia, nemetee. Pareta masee toma ngawa-ngawa, ngowas nangane mabanyetoro re ngoa-ngoa dugegisene ua. ³ Rengene raana, ngene moi-moini masidagi o,ahu toma napisah olaeme ngene osinang re apusa nyapisuh olaeme re nanga sinyingara tangene. Ngene nanga sifata rengoa-ngoa majira matero so, ongoaa lelegu. ⁴ Amalaha jo, ong madutu ngoa nga-nganu reai, dadalara reai dadalara lamo, o genage una osilamo,o ngene. ⁵ Masikena ia ma orasa ngene osenenge toma sala-sala madara una isi ahu ngene ma umete-mete,e Kristus. Re ami bubulaa, ngini renya ahu tala. ⁶ Re una osimomi,i ngene re una adu materu, ngane materu ngene ma,umete-metee, re una tomo ngi,i Sorga madara Yesus Kristus. ⁷ Ma oras i, ngadolo una nyengara asijum ai harta re apulaa, atuga-tuga ua ai la rengene ia re ngene Yesus Kristus. ⁸ Sebabu ai bubulaa rengini sisalamata imete re opercaya ngane una ani lese tala tapi obubula Jou madutu tala. ⁹ Ua ni galasau maduanga dadi ngana nasi pepereawa nidiri tala. ¹⁰ Ngene ngane idodadi jo ong madutu nigela. Masowo,o ua matengo ia ua di yasi lamoo manga lese. (O Ma,U Rimoi Rekristus) ¹¹ Dadi genage nasisiningara rengini masida nyang ni lahir matero so,o ngoa,a kafir. Re adu terongo ngoaa adu woduu du sunat dadi ana yaterongo mangadiri Bersunat. O sunat genage ana dudei pakai manusia manga giama. ¹² Ma oras genage ngini ni ahu re Kristus ua. Ana adu masibangaolo re o,Israel. Rengoaa-ngoaa luar adu ma nga sinyi ngara mauri moi dua. ¹³ Nangene wosama Yesus Kristus ngini masida ia moju adu kudutu tapi adu Gasa idadi sebanga re ngaunu Kristus. ¹⁴ Dadi una matetengo genage o Damai Sejahtera, ngene wadei opihak romodi genage idadi romoi re ana yasi wejere obobeno nanga lawan genage adu maupiaolo. ¹⁵ Repi idi re lawana mara toma laememadara. Genage o hukum Taurat yasigae osae-saee yasi dodogumu-dodogumu, renanga lese madara tala una odei dadi rimoi manusia masungi. Sehingga ano mangasingara adi mari moi. ¹⁶ Ana silala romodidi genage majou madutu mausiri moi manga lese tala adu metee o,salip dadi adu wodu,u dua adu ma ungamo. ¹⁷ Ona o,nga dolo osibibita ola reoroang-roanga re ana ia i kudutu olah reoroanga re ana ia readu sebanga. ¹⁸ Sebabu metee una ngene madidi o,mae ngoomo re wosama ngene nanga baba sinyingara omarimoi. ¹⁹ Dadi ngini ngoaa- dagi-dagi ino na, tapi matero so,a ngoaa malara. Re lolomu majou madutu ai wala moi. ²⁰ Reasimomii reasimomii di ada.u tama babangini Yesus. Re ai sosoma,a manabi-nabi re Yesus Kristus masiretene matero madi mareu. ²¹ Kristus madara ia moi-moini wala ia idadi ma u rimoi rema u matee, wasi de oso idadi Bait Suci rejou madara tala. ²² Madara ura ia ngini simomii dua renimarimoi idadi ngii masi degoro Jou madutu ai wala madara tala.