Pasal 1
(Poi Paulus Pere Timotius)
1
Paulus pere Timotius, kembari detero Yesus Kristus, emukuna detero mero mero Kristus Yesus yeine neke mari di Filipi neperena Yesus kena kembari detero :
2
May Allah wenawaribu dekabu, yatum mere, Tuhan Yesus Kristus we beino sema tenekumuru! (Paulus Mendo Mekoyo We May Saneyonu Nena Yenining di Filipi Yone Nekayena)
3
De mondete mekare dena may Allah sena nare ya yunu yunu wetena mendote meka mare.
4
Dena mendo mekari wete muku tena, De nemenamote mendote mekare kari je kare
5
ena kembari poi nembey mekoyande akurung asna semo ya beinyare meyowe desereyete.
6
Detere pere mendote mekare neye da kembari poite kiapeko enanerore, neye teme pugo poy mekonde ende ya Yesus Kristus.
7
Nepeterepere de tuanare We mukuna dena kenayeina. Terepere de ongko miene tona yaru de lati ate eri yaru akurung wari semo, we muku ye denbere may Alah a kerene.
8
Allah ne dete doute teyotung, nepere dena kene we muku Yesus Kristus bise yeine nekembe.
9
Da dena mendo mekarena : Netenate wena bise wemena mote neberate-berate, dete nikimen;
10
Neperena we mukuye erimare mena yang poi; neperena wei Eu moro-morote neki ambai Kristus menena Ya;
11
Netenate ke mepego ona poi meyowe Kristus Yesus nena nou mero-mero dimisemo akurung Allah kapemanere. (Waiperokaro Paulus Bokoute Asna Semeto Kurapetoye)
12
Yauyauna po, kembari nepete mekoyau asena semokepey urapete tapiyau,
13
Meterena detero muko semate nekay berengkaway miene tepaye deteri nimiyang ne ongko miyeng tepewe Kristus tante.
14
Meterena detero tereperetere eyei manwari netenate ongko menetepe, detero endiki dekopai awari sunumung.
15
Tereperete, detero Kristus kena a wari sanuyome peko detero, detero si poyte eraye.
16
Detero si poyte mekaye kembari kena terere mekaye danone asasemo terepere erai peko.
17
Detero si mendopekote tepay, ne kembari yeko pekote kiraye, mendo zikina mekoipai nenei kenate pekote mekaye, terepe ongko mene tepere.
18
Nemenakaye karo beyamane nekewe? Netenate e beyamane meko mare, Aupepure tenepere karo, Kristus Asena, netena de kenakari dopere danenere, Terepere, de kari komare.
19
De nime yanare mendore-mendore Wena kena bisa Roh Kristus Yesus, beasa yang kiapeko dena eune.
20
De karikare netena paitabure tuwaipay. Suru berusekuna wakete dukare Kristus, menayato meyowe dina diapote, wetw kapemaweri dena euburune, netena tetepoi waripoy.
21
Nemane, Wari Krsitus yeine tete poy.
22
Nemenekaye, dena wari da eubrune, de ni miyepai, nemena de kembarite eute oriapi. Nepe, netenate oritepone, de ninimeipai.
23
De pero-pero dupukare a karo da beseney nikiyena mena sature. Dena kena nekewena mena sature. Dena kena nekewena yeko pekote baite ana sama sini dena wari nembey Kristus, netenate baite wande poi.
24
Nemekaye, wetwna, nemena poi de wena cakiana neketere.
25
Da terepere karo, de nepenimen yembekare de embre-embre nembey mare soukari komare ena euburune.
26
Yabeiska de burutisini wekote metere, neperena kena karite kombe Yesus Kristus burune de embere. (Beinedumbone Nembeye Demanere)
27
Netenate, yerui karo temene kemere akurung Kristus de poy meterena embere tupeyemare, de mipaina, de betotere we mukuye Roh beite nekembe, mendo beite mekombe, nembey de manere enaterepere asena semone meropeko.
28
Netenate karotena ipauna peko detero wete endiki wapenaimere.
29
Terepere Kristus ete warite yatumung nembey mote kapemanerena ambai, e peko piyang tuamambone nete nate beyte.
30
Nemanlati we mukunamane peko piyang tuanembe we nepe tiyaunung de tua yanare, we nepe betayau me yowe desereyte nemetuanare.