(Kristus Kena Mendo Mane) ¹ Netena te Kristus yena kari susunne, bise poi kena yau yanbu, kena bise, kena kalri, kenambei. ² Dena kena kalri yumbon Ne-wetenate kenambei, mendombei membeina kena bise, membeinayambu mendo beiyene nipimbei yenei. ³ Peko tena mekoipanya bay kena yelreu, eu tena mendomo, akau sisi panya menenatena mekoipanya netenate kena tepa-tepane mendote mekoye det'lro so kaso pelre wei yelreu ane dusung. ⁴ Sapiyame we mbei-mbei wei yelreu mote tembe, netenate detelro sitena yelreu lrati tembe. ⁵ Tenembobe da mendo wena nelrone nekende, Yesus Kristus tena mane. ⁶ Nena bee Mang Walri mane, nei eu kensipai Mang Walri pelre na neyou mane ambai, danate mesue telre tapeyowe. ⁷ B'lru suku tua yone sa ambainya delro mane, nepelre kembalru detelro mane, detelro yei mane dupuko. ⁸ Detelro yei tena mane, kena te dusun kuko, tepa-tepa yena yowe tetdoko nepere tete te salib onone doku. ⁹ Netante Mang Walri wete yalre telre kensuku, nete lrang te ikenetre, eu do si bulra na cudo te ikenelre. ¹⁰ Nete Yesus kena eudo ne metelrena yengkeng dusnaimlre di manona ye, da yo bulra na ye, nepelre yo anakelre nayo ya. ¹¹ Nepelre peu bembei saunai ye Kristus Tuhan ne Tuhan ilrang Mang Walri nenei, ne memai. (Mang Walri Ena Ye Ne Mekowe) ¹² Netenate mengke dokeka kena bisena, beyamane we bentekei betoi-betoi de wena nelrona mane, mbai de we Nelrona ambainyane, wei walri ppoi te mekombe dekoi-dekoine pei-peine. ¹³ Netenate Mang Walri wena yene mekonde nei kena denuna mekombena nei kalritena. ¹⁴ Metelra ye mekombena susi-susi panya ate kingelri panya. ¹⁵ Netenate wena nelro ne yeko peko nikiapi Mang Walri nei yei nining mane, yeko malre nalre mbai di yau-yauna kena yokipei peko, na mendo yeke-yeke, nepe we sute mane elrem bone nena nelrone sutemane kiyanebone. ¹⁶ Asna walri yelruu te suwe telri tapembe Kristus nei ya Kiyambone. De ne wakene karete sisitelre de teunalrna kasombai ne pelre kembalrui mekalri na kasi ambai. ¹⁷ Meselrei mbei bumane dilrai te, kembeu teu yenama sanasini wei telre pelre yena mane, de kalri te kotelre we metelrena yene, ¹⁸ Nemane we lrati ne wake mone, kalrui ye seplroye dembelre nembei kande. (Paulus Ye Timotius Pelre Epafroditus) ¹⁹ Tuhan Yesus yene mendo te mekanalre Timotius te selraibeite sante bone mende we kote nende a kia te betotepone kena po te tuatenelre. ²⁰ De na detelro ne mena si ambai, mendo sipi yene wei poite mekone. ²¹ Sipe nenei yelrui mbei-mbei kone welrai, Yesus Kristus tena ambai. ²² We memeiyani, Timotius nei eutel; ru pukone poi Injil be te nendena tente de nembelre mekonde yeinining neman kotena mane. ²³ Netenate tuwanalre santebone nende wande nenemeitebone beasa mekonetepone. ²⁴ Nepelre Tuhan te telplre te elrete pone, delrey me ye selraimbeite se kote telre. ²⁵ Mendo dou kalrna Epafroditus santeboone we kote nende ne delrey weke, ne nembei mekone, ne yaura nembei mekone. ²⁶ Ne we metelrna kena te dunu, kena peko te tualronu, betoyawu sa namune tenoyowe. ²⁷ Yasine betoyau sa namu netenoyowe dite tetepowna mane mang walri nete kenabise te kelrimbuko, memotena ambai, demblre lati, kena kalri daiedaie tuatehelre. ²⁸ Netenate tua yanalre, dantebone we kote nende, netenate nete tenembobe kalrite denembe de dekalrena ate kuninsine. ²⁹ Tuhan kena yene Epafroditus me poi dowenembe kalri-kalri plre pei-pei plre nemena detelro tena. ³⁰ Kristus tena kembalri tante dite telepounamane : Dete dikipainya tante nei yalre te ane sasuku.