¹ 'o Habakuk 'o manyiati. moteke 'o gari mabetongo. ² Jou, ngoi to 'isenokau 'o habari mangale Ngona. Ani didiei Jou, ngoi todo modongo, No si 'ahuka ge'ene ngaro kade mataunu ma nosi aiika ge'ene ngaro kade ma taunu ma, Ani bahalaa masigoronaka, tanu ka No ngano-nganono Ani dora. ³ ma Jou 'o boanuo 'o Teman madaeraaka, de 'I Tebi-tebini ma 'i boanou 'o Parang ma gigieaka, Ani pareta 'o dianga ma ya luunguku, de 'o dunia ne'ena 'i 'omanga de 'o susuba Ngonade. ⁴ 'O darangi 'iso ka 'oange 'i siarie de 'o darangi Ani giamoka gee, ge'enanou doka 'o guata 'i supu. ⁵ Ani bionoka yo papanyake 'o luti deo gogama 'i makakaniiki moteke Ani dou ma saaka ⁶ Una 'o ma 'okode ho 'o tonaka ma 'i kagii, Una 'o katutumu 'o sigilolitino ho 'o nya yo maruahe, 'o gigie ge de ma 'enau kao gausirasi ma dua 'i katitingaoka, 'o diko-diko ge kade de ma taunu 'i ratu-ratusou ma do 'ingoka, dua mita 'i masirukuoka, de ge'enau mita mado'ingono Ani ngukomo. ⁷ Ngoi tamakeka 'o Kusang manyaa mangaoa madidingoonie, ma kaidadia 'i ma'ahi, de manga dadarusu ma kasa giika. ⁸ 'O akere ma roe-roesikaa no do'otasa Jo'oungu ma Dutu? 'o akere ma roe-roesikaa Ngona no murukaa? 'o ngootikaa Ngona no dagamamu? Ho marai No parenuku Ani kudaka ge Ni si utu-utumu ge'ena? ⁹ 'Ani toimi ma'esa Naelangieu, de no si tabiokou mangoaka. Ngona 'o tonaka No si kabula ho 'i dadi 'o 'akere ma roe-roese, iso ka ge Ngona No jajiokau. ¹⁰ 'o gigige 'i katirine 'i madutumu Ngonaka, 'o bah ma'akere de maguruusoka, 'o ngooto yamo-amoika maguruusu yo 'isene, de mang giama ya gorakie. ¹¹ 'Oange deo mede ma 'i maogoruku to 'ena mangiioka, sababu 'Ani toimi ma ngoa-ngoaka 'i pidiloka, de Ani kuama ma letongo ma yaki deletongoka. ¹² 'O do'otasa madodaka Ngona 'o dunia Naki lolituku, de murukaa madodaka, Ngona 'o nya-nya Naki dokoku. ¹³ Ngona No tagi Ni bionika la Naki si laha Ani nya, de mita Naki si laha ani nya ge Naki dau-dausokau. Ngona Na torouokau 'o ngukomo ge 'o nya yo tatangeluku mangaoaka, de Na'aiki mahahangi, sigado dau meteto ma dodogumuku. ¹⁴ Ngona Naki topoko manga tentara ge de to'ona masirete manga toimi ma doto, de yo makuata la 'i dukula ngoi de yo morene iso ka ge 'o nya masusa 'i moi 'i sihaga kayo ma 'iu 'iunu. ¹⁵ De Ani kuda-kuda ge'ena Ngona No ma'okode 'o ngootoka, deo akere ma kasa 'aboka mangale 'o dobele maamoko. ¹⁶ Ma 'orasi ngoi togi 'isene ge'ena, ai singina 'igaraki, 'ai 'uru mita 'i garaki togi 'isene 'o guruusu ge'ena, ai kobo-kobongoka tamaoku iso kao ga'ali yo doosangika, ngoi ka to titirine to ma 'okode 'ai ngiioka. Duga ka to ma rii-riidi de to damaa maange 'i sasangsara ge'ena dua yaki doboa 'o nya gee ka de manga duonoka yo boa yo laani ngomino. (Kai Taurika Po Morene ma Jouka) ¹⁷ Ngaro 'o ara ma roese kai surumuau, 'o anggur maroese kai sookuau, 'o zaitun ma roese mahasili ma naga singina kaya daenuau de nanga bairoka ma hasili 'o 'inomo ma koi 'iau, 'o kabingi deo domba 'i koki supu ma dadatooka, de 'o sapi mita ma kurunaka koi 'iau. ¹⁸ Duga ngoi to morene mangale ma Jo'oungu ma Dutu, de kai tooroli sababu ma Jo'oungu ma Dutu oi silaha kau ngoi. ¹⁹ Ma Jo'oungu ma Dutu Uan ge'ena tongoi ai guata, Una adiei tongoi ai dou, kai matero deo taduku ma dou, Una 'oi sidabika to ka dagi ai diko-dikoka. Madumutu ge po nyanyi de yo si 'asa-'asa, deo koroncong yo kuti-kutika.