¹ Poing felangro mambire aling pangnapang po jano rube Kaisar Ttiberius, poing Pontius Pilatus ke bari Galilea; Filipus joke Herodes kera poing bari keme Iturea pa Trakhonitis; pa Lisanias poing ke bari Abilene, ² Hanas pa Kayafas jano tere anara imam agung, Tata hohoke petu Yohanis, Zakharia oke kelei ta hou. ³ Pea, Yohanis kekapa kepako jeng ing tupa Yordan pa keleng patee patehehete neatewewete pepa neleng kekofafa, ⁴ Peana potukotui ropu Nabi Yesaya: ''Kewe pina keba kapa pileile-pileile ta hou, 'Lengma etupiko koko Tata lengma eleko telulu koko Ke. ⁵ Hengfu pe epopo, pa pe pa hengfu ehalu fata. Lengma hipu- hipu eleko tulele, pa lengma etupi huhufa eleko tupi jijatatatu. ⁶ Pa, teba nawo tefo hefeng tewewe wa Tata! "'Yesaya 40 : 3-5 ⁷ Peanya, Yohanis lengpate teba nawo tetue te kepakelengpa tehee, ''He, ebale iwung Ewe bapileko ne ee ehamuta wa jafeng tetetu ? ⁸ Peing, pewa to-to penorung me neamepe. Ne memewo, pimepepeka, Abraham ke jobe nene. bamuangwo wa wung-wung wea Tata nekele ete teangku-teangku Abrahamke! ⁹ Wakotu,ung-angwe rangwau keweietu ri hangli. Peana ritu totupa feng ele pa elona rapai.'' ¹⁰ Teba-teba tejengte Yohanis, ''Tunane, jahara newejano nerere?'' ¹¹ Ke lungte, '' Eba tuho mero hingtung, me keung mepepengpeng kebaung roka. meba tuhoung me jajongpa pera mepepe anamepeto.'' ¹² Lung narangrang teba taimbe muteete terate pakeleng tehehete, Tera tejengte Yohanis, '' Koru, newe japaha newetete. ¹³ Yohanis lengte te, taimbe nawo mepepeka aha terikotu me.'' ¹⁴ Taba narangrang ung tejengte ke, ''Tunane ana newe ? Jaha newe netete Yohanis lungte tea, ''Taimbe ewawaka ana pipa ele anaing-angra piong ehele. Taimbe memepa mepepu watu.'' ¹⁵ Kaimpa teba nawo temepa tejeng Mesias tutule, tera nalungpa temepa tejeng e hupalang ko Yohanis, kewe ke Kristus na keka. ¹⁶ Yohanis kelungte tea pa pikele, ''Niwe e panileng ehehele pa paehehele. Anaing-angra,Kekeba eti mule niwe kolekong ketutule. peanya langhepo Kekera a nihuhukale. Ke e pa kekeleng e hehele Feng Tu pa ra. ¹⁷ Hangta kewekotu no Keke ko bita kelolele le pa pelasi hefeng mukelele kelehei lang Keke. Anaing-angra, Ke jongpepe kelalale ra tofu ungtiti rakale.'' ¹⁸ Pipa hohohefeng hing-hing, Yohanis jakenalung Hoho Injil kelei teba nawo. Yohanis Pakelengtehe ete mule a paa. ¹⁹ Anaing-angra, Yohanis kera Herodes hekelu, bari jeng ing-ang, ja kelete Herodias, Herodes eke jangpe, pa ja feng kelepe. ²⁰ Peapa Herodes lelepa kelefu fata ke kekekengti a paa. YESUS KE PELE ²¹ Peanya teba nawo pakeleng tehe, Yesus kera pakeleng kehe. Pa, po Ke lupompong kele petang keje, ²² pa Feng Tu rapehetu ke etife-Ke keleko nepara ana tangpeng. Pea, kawe pina wa petang hetu pa pinawe, ''Meing Ku Nine Nikekule. Te-Mefa Ni punglewo.'' BALE YESUS ²³ Poing Yesus jano Keke kengkeka, Ke felangro aha tete ana mambire nahipa panghintung (30). Teba-teba tenira Yesus keing Yusuf oke. Yusuf oke Eli. ²⁴ Eli oke Matat. Matat oke Lewi. Lewi oke Malkhi. Malkhi oke Yanai. Yanai oke Yusuf. ²⁵ Yusuf oke Matica. Matica oke Amos. Amos oke Nahum. Nahum oke Hesli. Hesli oke Nagai. ²⁶ Nagai oke Maat. Maat oke Matica. Matica oke Simei. Simei oke Yosekh. Yosekh oke Yoda. ²⁷ Yoda keing oke Yohanan. Yohanan oke Resa. Resa oke Zerubabel. Zerubabel oke Sealtiel. Sealtiel oke Neri. ²⁸ Neri oke Malkhi. Malkhi oke Adi. Adi oke Kosam. Kosam oke Elmadam. Elmadam oke Er. ²⁹ Er oke Yesua. Yesua oke Eliezer. Eliezer oke Yorim. Yorim oke Matat. Matat oke Lewi. ³⁰ Lewi keing oke Simeon. Simeon oke Yehuda. Yehuda oke Yusuf. Yusuf oke Yonam. Yonam oke Elyakim. ³¹ Elyakim oke Melea. Melea oke Mina. Mina oke Matata. Matata oke Natan. Natan oke Daud. ³² Daud oke Isai. Isai oke Obed. Obed oke Boas Boas oke Salmon. Salmon oke Nahason. ³³ Nahason keing oke Aminadab. Aminadab oke Admin. Admin oke Arni. Arni oke Hezron. Hezron oke Peres. Peres oke Yehuda. ³⁴ Yehuda oke Yakub. Yakub oke Ishak Ishak oke Abraham Abraham oke Terah. Terah oke Nahor. ³⁵ Nahor oke Serug Serug oke Rehu. Rehu oke Peleg. Peleg oke Eber. Eber oke Samon. ³⁶ Salmon keing oke Kenan. Kenan oke Arpakhsad. Arpakhsad oke Sem. Sem oke Nuh. Nuh oke Lamekh. ³⁷ Lamekh oke Metusalah. Metusalah oke Henokh. Henokh oke Yared. Yared oke Mahalaleel. Mahalaleel oke Kenan. ³⁸ Kenan oke Enos. Enos oke Set. Set oke Adam. Adam keing Tata oke