¹ Yesus lengte teangku-teangku-Keke, ''Kebaung kewe jalelepa ke kebaung kekeko keba rube jano leile . Pa ke teneni keba jano rube jahenglo ketaku ile. ² Peanya, keba ja baing kelengko keti jano rube pa keleng, 'Jaing pe nilu ja mepe. Ja mepekotu pi mepefatata jano menopa peanya mewe taimbera nora mepapakape.' ³ Keba jano rube kehueng i, 'jaha nilele ung-angwe keba jano rube jano nilee we ni kekefu? Niwe nafengka lehera jano nilelekale niwe niba roka nihapa jajong jong-jong wae. ⁴ Niwe nilulu jahaung nileko anara niwe taimbe no nilako ni tekefu,teba-teba nitekeko jano nilee paa tete.' ⁵ Kaimpa kera pute kelengko teba-teba hangpong tetemotu keba ruba keke. Keba lopana keleng, 'Narang-rang hangpong mepemotu keba rube nine?' ⁶ Kebaing keleng te, mambire rerefa nahipang pang hingtung keba jano leile keleng , 'Mepe ropo hangpong meme metamu pa po mepe 50 lang.' ⁷ Kaimpa keba jano rube kekengte keba hing ung, 'Nawo narang-rang hangpong meme.' kebaingkelengte mambire rerefa nahipang pang hingtung gandum keba taimbe nolakotu Ropo mepe pa hangpong meme po mepe 80 nawo niwehu.' ⁸ Kaimpa, keba japaing kekepa pi keleng keba jano leile jano huhufa kelekate ke jakele pate wotu. Pea, teangku-teangku ung-angwe fitong ung-angwe tera aha aling teangku- teangku fefe jatetela fefe. ⁹ Ni lengte ewe, jaelela mamon ke bamuang raka ana mamon keweka, ung ekelele paa batoto. ¹⁰ Baung me jamepe huhufa jaing ja hapana, pera kengte kotu jabapale raing. pa baungra jano huhufa mepeka wa ja hapa, kera me jahuhufa kelele wa kote ja bapale. ¹¹ Peing, ana me kefute jara mepekape fitong jahenglongpe, ba me jano keweleng-leng mepe? ¹² Pa, ana me kefute ja mepepe kape teba hing janote, ba me jano keweleng-leng keing ana ja memewo. ¹³ Petu patuka kebaung jano kele teba hingtung leng-leng faka ke aling ung kena kikile pa keung ke pungle. Peing, kewe lekelai keba aling jano ba pa keung kele kelaka. Mewe Ai janoke mepeka pa me mamon E eng momo Eba Farisi ¹⁴ Teba-teba Farisi,ewe taimbe pungte, jawe elu pa Yesus longmo ele. ¹⁵ Yesus kelengte tewe, ''Ewe anara teba-teba ne tetewo piteniete tebaho, peing Ai kelu pung e e bamuang ja ewepa- epa eteele pekotu eba jaing pe Ai keho kenakifeng. ¹⁶ Ropo Taurat pa ropo tebafa nabi jatenarung wakote po Yohaniske; poing Yohaniske, h Efeng ana Ai Jeng Tete keke pe teni teba nawo pa teena tekengtete inya. ¹⁷ Peanya bamuangwo, jaing petangle raka petang pa fitong peleng tete tu anatewa popo atalele kotu ropo Taurat keka kukule. Petehe Neheke nete ¹⁸ Epa neba peume ung enape eheke pa peume hing ung mepeko eme, pe jata pepang. Pa keba peume keba welite kewe, pera jata pepang.'' Keba Japa pa Lazarus ¹⁹ ''Kebawe ke japa ke pungle ro kehei ungu pa kain linen, pa kenele-nele bang-bang pate ja kepa. ²⁰ Tilong gerbang paa teba japa, kebaung kepeti i keing-ang,keba jaka bati keke Lazarus, ne kekeing piuna sosoja pewe ne tupa. ²¹ Ke hueng ke ja tewe ke kang-kangle jaihe tangri ja tetang ete teba japafa; ana nake-nake tetu pa piu na sosoja tepetang e. ²² Peing ana, keba japaka kewa pa tebafa fangpa teketute bengra Abraham. Keba japa ung kewa i tete. ²³ Ketika fitong laung, poing ke jalelepa tete, keba japa kekungte hofu pa Abraham kefu ana jatalele hamba tena Lazarus kemu bengra keke. ²⁴ Pa, keba japa keleng pate, Ai Abraham, niweka no mepe pa mepengko Lazarus no kang-kang keke kepo paung pa peng nine ung niwe mele ra eile nirahu feng ra to.' ²⁵ Anaing-angra, Abraham lengte, 'Ko, me engko tuna poing mewe memeku, jalelepa efeng ing mepe,poteing Lazaruske jalelepa feng kelei; ung-angwe, kewea Lazarus teke paja teete, ung-ang powe ewe tetupa nolelepa tete ete. ²⁶ Peing nawotafa jengwupa tafa pe pekotu newe kaimpa teba tepungtu telelete kangwea tekang e e elele kale pa teba teja jeng e e tera telele kate tetutu jeng nene.' ²⁷ Pea, keba japa ing keleng,'Noimpa tunawe, niwe ni waete me Ai, Lazarus mebefu ke tete ai nine paake, ²⁸ pea niwe johangne teba napang nebalengfa-nebalengfa. Lazarus tewe keleng wefa tea ung jengfengwe ewe e keng-kengka.' ²⁹ Kaimpa, Abraham lengte, 'Tewe Musa Ropoke tewekotu pa ropo tebafa nabi, jarakate peing terifatata lelepa ing.' ³⁰ Keba japa keleng, 'Peka, Ai Abraham.Ana kebaung kewa keka teba bing e te keti tea keimpa keing-ang tewe keng tepapate.' ³¹ Abraham lengte keba japa ing, 'Ana johangme-johangme tewe terika Ropo pa ropo tebafa nabi, tewera jatete ete kengwaka, pera ana kebaung kelefute keka teba bing ete ana ing-ang.'''