¹ Hupala memamikoko tata efengkike keweleile peanya newe tata hahake, pa newe tata hahake. peanya vitowe netefi jangka peanya tata tefingka. ² jopalala pipate nili, uangwe tata hahangke, raneung nepara nene tifufuti. kewotu umpa nefofote, nera anaraki nepara kike nefu bamua pipe. ³ teba hupala tite nafe motu [Tata], neukike kiliko to anara tata kiwo. ⁴ teba teho nule pila pikeke terika nule hupala petaku ete. ⁵ ele tatake nule kejole, pa tatake nulengka. ⁶ teba mete neukike teing nelengka; tatatefi teing nulengka. ⁷ Eangke nine, teba hupala tete etakukuka. teba bamua ing teteba bamua, anara tata keba bamua. ⁸ teba nule tete ing teing kebatifa tekekole kebatifa ing nule kelekote. tatauke kite neparainga: kebatifa janopake ketape. ⁹ Tata kuke kenelengka keke nepara kike kotu oke; kenule keleka keing tatauke. ¹⁰ peanya, tebatefa, tebatatakuke. tebaja efeng teteka tetata tefika, peanya jopalala janupa teteka. ¹¹ peanya, pifengwe ilopapafi ilu, newowowe janohefe netiti ¹² Anara kain janopa eleleka, hupalafefe eleleka kehabelkeka. pa, jateko juke habelkeka? peanya, kainjanopake keingfe habel keing hefe. ¹³ jopalala nine, elehohoka vitowe penawi. ¹⁴ neru newuwungkate sebalentu janonetineti hefe. neba tebalentu janonetika tebingbingte. ¹⁵ tebateho nebalentu pipate teteka keingteba tejiete pa tebaingte hefengtete moka. ¹⁶ Janowea efengpepe nefu: yesus kristus neparakike kewenalu nefu. peanya, nera neparanene nenaruru jopalalanene. ¹⁷ peanya, teba vito jahelongpe teremoteing, pa tebalentu jaing tera waete, peanya hupalatete nafe, tunaneko tatapipateke momo hupalanene? ¹⁸ eangkunine, janopa netete perofa nawawaka pera nawawaka, peanya jano pahefe peaelele. ¹⁹ janoinga, bamua lemapipeing neru bamua pipe neru pa hupapungnene nafe momotatake. ²⁰ peanya, hupalanene fenooka, tatake kebatete hupalanene, pa hupalanene kefolang. ²¹ jopalala Pilate nili, hupalangnene netaku, hupalanene nafe nemotete tatakewo. ²² janewa, janewa tata weleleli keing tatake nefutang pa janupanetineti hupalakikeefeng. ²³ pa, kewetatapinake, peaung tatauke nefutang, [yesus kristus] anara pinakeke nerunete. ²⁴ teba tata pike terieti keingtemete kewo, pa tatakemoliline. tatakemoliline peanya uwawe tatakemolili nunene, tata bapuke kekelene.