¹ Yakunine, nile nule leleka. Anara iba neleili, tata pikeli, uke Yesus keba, bamua. ² ke nunene ketupi. nule nenefaka fito tupa. ³ tatake nefuta, pikekeneru pa nela. ⁴ teba teni, tata tefija, pa pikeke tilaka, keokefa bamua kemeka. ⁵ piapa,ba haohao mepe, hohokike bamua. pianya nelakukuki. ⁶ keba kelakuku tataki, Anara Yesus kiwo. cano kili tata ⁷ nebalete epipati nili, pilopa nilika, pitoto piya nili. pitoto peleto. ⁸ peapa pinati polile, pe bamua epake lupa peka fefe pite. ⁹ teba teni temeti fefe, peapa tebalente tenaji, uabe kemele lopa. ¹⁰ tebalente pipate kele kenele fefe pa neba hupala ketakuka. ¹¹ peapa, nebanetu kenaki kenele lupa kekaile lupa. keleka lupa lutoka. ¹² japo nilikote e, heangke Batikekepa nule kejo. ¹³ ebahauhau japo nilikote ea keing efula. japonili teale jafefe ehaju. nilekote eangku tata. ¹⁴ ebahauhau ni efelang. ealeng enafe ewekoko pa jafefe ehaju. ¹⁵ Vito jafefe eleleka. anara baung vitong kelemotu tata efengke moka. ¹⁶ jamotu vitoe kenjafe, jaluto panifo, keing tata pulika, keing vitong jape. ¹⁷ vitowe letetetu, teba tata pikeketeri kemu batutu. [kebatifa ilalaka] ¹⁸ Eangke kwevito hupe; pa anara kebatifa tata neparake kwi. kebatifa ketotoli uawe kebatifa kitotoli. neru kewe vito pepape. ¹⁹ tejaneate, teing neba ka. pea,tepa neing ali. peapa, neranefa teratifa. ²⁰ peapa, jahefe ewe, jalelepa ele. ²¹ japu nilikotei jahefeng ele, jabamua eing jahefeng moka. ²² Tata kebaong o'kefa, tata kealolung Yesus Kristus? keing anara kebatifa, Tata Tenaoke. ²³ Ba uke kealalo Tata kefoka. peapa, teba oketefi Tatara tefi. ²⁴ jaele to pemomoi. pemomo ne e, era emomo uke pareke. ²⁵ pa, kelokote ne, batoto ba. ²⁶ jelelepa polile mote, teba newe hupalang tetake. ²⁷ peapa, makele pemomoe , pa tebakaung ijatenarurungka. peapa, jakenalu pamakele pa jaing jabamua, jakenalung jabamua, emetameme nokeke. ²⁸ eangku uwawe, emomo nokeke kenalulu, nekeke kefu baketotolu. ²⁹ Anara elu keba bamua, elu teba jabamua telaru, teja neukekete.