¹ Yerusalem nobewainye mo, mekhaije Betfage bere Beteania pa ne, Zaiatun wiri pa ne, Yesus yea nea u na atomona yo te wekeumi, ² weumi, "Demee, nii ma be na yoo te, neang yo te emembompe mo, keledai embai keru neangkene dingnanyekhonde, domyea nea nemang akhoi mo. Buseanengekompe, yawengetompe mempe. ³ Domyea embai a endata singnengsimpe, "Tanye nii mee u mekhauge mokhauge?" Meeyea wengnempe, "Tuhan nenda keledai see neagkhaijea mo nenda yowa te beneng bemanetonde." ⁴ Neangkhaijea mo, neeyea ewaije mo ekhaije keledai keru embai domaung moinye taa yea ikereinyekhokhaije tengwere, nibi ne, angkhai buseanenyekhokhaje. ⁵ Neangkena domyea tengwaje yea sinaimi, "neang keledai taise buseaneinyekhokhauge?" ⁶ Neangkene neang domyea te Yesus yea wekeumi a manendea wekhaumire, neangkene neang domyea nukeimibokhaije ewaije. ⁷ Angkhai neang keledai yombokhaije Yesus re te ekhaije, maro neang keledai dangne beisakhaije mo Yesus ne dangne dumboke. ⁸ Domyea neaisere maro nibi ne be waije, oo kekera nea imeinya neaima yatowaije be waije. ⁹ Domyea teren Nea be yea ewaije, Nea moijea ewaije yo a siseaiwaje, "Hosana! Onomi poimoy Tuhan de do eijea mekea kiya. ¹⁰ Onomi poimoi ondoporo Daud re yoo waku mekea, meai yobe! Hosana, Kung buma wau buma yowa na!" ¹¹ Neangkhaije, Yesus Yerusalem eise eweusike, Allah re a mong-mong yowa te! Neang yowa na etamung nembase ijokho Eteikoke mo, Betania te nea u na tomona yo bere powaje, diniay yeuboke ne. ¹² Dan, keesokan harinya, ketika mereka meninggalkan Betania, Yesus merasa lapar. ¹³ Setelah melihat sebuah pohon ara yang berdaun dari kejauhan, Ia pergi untuk melihat jika mungkin ada sesuatu yang bisa Ia temukan dari pohon itu. Ketika Ia sampai di pohon itu, Ia tidak menemukan apa-apa kecuali daun-daunnya sebab waktu itu bukan musim buah ara. ¹⁴ Karena itu, Yesus berkata kepada pohon itu, “Jangan ada lagi orang yang pernah makan buah darimu untuk selama-lamanya.” Dan, murid-murid-Nya mendengar. Yesus Pergi ke Bait Allah ¹⁵ Neangkhaijea, pokhaije Yerusalem ne. Yesus Allah re a mong - mong Eyeisike, neangkena domyea nainye seiwaije yo nembase tukeweimi. Nea meja doi see bewaimi, eke te sewaije neai angkeng dung-dung nembase a te Perweumi, ¹⁶ domyea aseweumi neane Allah re a mong-mong yowa yea etamung eyatoi otoijea. ¹⁷ Neangkhaijea, Yesus a useainye weweumi, weumi, "Atuwa na mongkoke, " Deai imea domyea nembase neai a mong-mong imea yea ernaije?" Neande be, meeyea doukauge yokho imea khombu imea te mokhoubokhauge." ¹⁸ Angkhai, Imam-imam yunjung bere Taurat yunjung bere nibi waro beawaije Neate tonaibonte. Tanyebang, neai pee khowaije be domyea neisere Neai a kekereinyemo takhonaikhonde. ¹⁹ Y tuwea yeiboke mo, Yesus nea u na tomona to bere neang kota bukeibokhaje. ²⁰ Neangkhaije, nea dene khau - khau ewaije mo bea, ara noo embai ne khambu yea kharaikhoke tengwere. ²¹ Petrus ubene beinyekhoke mo Yesus te weunge, Rabi, Eteibo! Nii ara noo kurbo te Yekhana mana kharaikhoke be!" ²² Yesus yea weumi, "Mee dabotarei Allah re einye mo nekempe. ²³ Deyea mate a tetere be wamare, sinde meaning nenda mokho te a wengnende, 'daweibo ndi naubu ne meyoinyu,'nea kena ei kura-kura bang, neai dabo tarende a te ereikhoke manendea yembonde be neaima enjembonde. ²⁴ Neangkene Deyea mate wamare, tai etamung a mong-mong einye diyempe, angkhai dabo tarempe neang etamung dowere be, mate neangmanendea yenempe. ²⁵ Antau ge anyure mo we a mong-mong einye diyere, domyea te kenapekho nekeimiyeamea, Aye Surga yoo na neang niki te parenembonte. ²⁶ Neande be, meeyea neang domyea te kenapoi emokhoikhoi, Aye Surga yoo na ma niki neaima epamboi. ²⁷ Neangkhaijea, Yerusalem te mekhaije. Yesus Allah a mong-mong imea te powere be, Imam-imam yunjung, Taurat neai yunjung, Yahudi na do sesere Neai se mekhaije. ²⁸ Neate sinanye, "Sinde re erea yea nenda etamung Mokhoimiyea, sinde yea Weate erea yekeuge nenda etamung mokhoimiyea? ²⁹ Yesus yea weumi, "Deyea mate a embai se Sintensimpete. Deate a Wentempe mo wa Deyea mai a singsikhaute khaye Wetempe. ³⁰ Yohanes re bu khorweumi Surga na, domyea neainya? ³¹ Dungkhokhaije a ne damungwaje, "Surga na yea ermakhonde bea, 'Neyea wengminde, angkhai tanye meeyea percaya enekei? ³² Neande be, iyea domyea neanya yea ernaikhonde be, neang yunjung domyea tereng te pee khowaije, domyea nea nembase Yohanes te nabi yea mo erwaije ne. ³³ Neangkene bea, Yesus te wainya, "Meeyea meseaibang." Neangkene Yesus yea weumi, Deyea neaima ya. Deyea neima mate neasinoibang ewei sinde re erea yea nenda etamung mokhoimiyare."