¹ Pelewanengna maka foi meaite Yahudi ro miyaere yeaiboke? Nawaneng ro uw ela neisayate eha hena yae Allahre kenafoi omokinya nafoi selere mbelene hubainaikonde? ² Eai waline heleng hele honaime, peleyea romiyeare eyae rikemamiyeande na eare pele Allah neneai jea a haufike mokomamilere. ³ Pelemekainya, eai uw nolo uw ikainya ehi yo Allah a elewoyere hilarabo ehaleinya, meahea waneng bea pele uw mekai nebang mokowate yae nahului mokonnebonde Allah neai are heteungekoke huluinye omokoiboi? ⁴ Na hului bang Allah yea eleye a nanemene mokommile, peleyaere ro miyae nanemene amere karebaite yo mo, haubihinebang neai a eleye hului omokoi, rake a homo feane heteungekoke. Weyae ro miyae neai uw mekai nebang neaite iteayeimile hee neyae weai are nahelere elenatere nawaneng ro miyae weare hulu kolonayetene, weyae nare meleumihande neaite reare kena nime haba yae mokoukebonde. ⁵ Peleyeare wali nahele bang einye, Allah neai nahele pelene yakala haume pelene eyea karebaite omokoi hului, rake a ro miyea huluijea hareungebokale are elale. ⁶ Pele mekai bang, haubihibang, Allah na ijene bang mea nekeube yae. Neyae rake kani kelana romiyae neai walire hului ekoloi ja. ⁷ Reneai kenara ame karebai elerele, pelene nayakala ro ronatele nawanem Allahre ne emekai yeale hili hebeinainyele peleyaere makane reare ro nebam miyae nebam mea me beaukele. ⁸ Na ranna a nahele yeuboube, mem foi benate neaite eyae uw mekai wa mekai nebam mokama meyae maiteai hele bele wali wanem na mekai bam ro miyae ehire meai a nene kate neaite ame karebai yae huwaimi meyae romiyea ehire bele a wanem huwammi pele ame yarebaire huwaimi ro miyae naijene hele Allah me nommiyonde. (Ro Miyae Nemene Bulo Walobore Kelene Nekeijande) ⁹ Pelene meahae yae elemakonde, eyae Yahudi ro miyae uw mekai foi sele rake ro miyae ehi nekatera? Pelemekai bam! Haubihine bam meyae na yakala mokanneboke Yahudi ro miyae, Yahudi bam ro miyae nanemene na nebam sabam wokatera Allah nembai jae me nommi yonde. ¹⁰ Allahre homofeane rake waneng molaikoke. Walire himalainyeboke, hibang hea bang yeuboke. ¹¹ Allah neate iteayeuboke, romiyea mbai sambai u hele. ¹² Romiyea nanemene Allah weumi ara wekate naneme foemene haubini bang yeuboke. ¹³ Na maninggo auma bale bale keawekoyainye waneng here no kele beate waneng na feauka ame kaberai meleye ehakai pena yeale ro miyaere nebam mokaimi waneng pele romiyae a nene huwfuw kate. ¹⁴ Ro miyaere olomo narulure a nebam feau nebangde neaita emeeyeumi. ¹⁵ Oro wela kate romiyea hoisoite kena kate. ¹⁶ Peleyo ate ijene hambung kulubo wayang molate. ¹⁷ Wali reimai onomire oneaiboke handaiboke. ¹⁸ Peleyo, Allahre erei kanei, rokoi feaite uhele nekate. ¹⁹ Nabemekai aiteai nekande Yahudi bang romiyea mo bang, Yahudi romiyea nambele Allah nare me nommi yonde, hee a mehi elenate. Tauratre walora wali heere folakoke einye molaikoke a nanemene Yahudi romiyea pele me uw kelene wali nekate yore mekai haraunggeboke. ²⁰ Romiyea mbai Tauratre walora wali here folakokera hubara heaita yanewounge erene wali himaloungeboke holona yea Allah me ebai haubihine bang romiyea mbai sambai pele wali heere folaikoke a nemene ehakoiboi hului nanehele pele wali heere folaikoke yea eyea uw mekai nebang mokowande re iteayeande. ( Allah Membenarkan Manusia Melalui Iman kepada Yesus Kristus) ²¹ Peleyeare rake hee romiyea neai wali himaloinainye bondere wali nibi neme Allah yea yakalau meboke Tauratre walora wali here folaikokene pele yenjo kayayo neai homone pele a yakala elakoke. ²² Pele wali nibi rake mekai, Yesus wali ondofolo neai eleyere, Yahudi romiyea yeale, Yahudi bang romiyea yeale hila rabo halainye romiyea, Allah yea wali himalainyeboke yo yea me beammile. ²³ Haubihine bang romiyea nanemene uw mekai nebang mo kowate namekai Allah kena uw ne keteumiboke uw einye enekei. ²⁴ Peleyeare rake hee Allah romiyea kena buhea eare bang mea heumikokene Yesus wali ondofolo roki rohaa yea nakano kanore aheukoke beaufoke earene neai a eleyere hila rabo halenate romiyeare Allah yea wali himalainyeboke yo yea me beammile. ²⁵ Allah yea Yesus wali ondofolo kinyeumiboke neai roki rohaa rileuboke walora eai nebang habang mokowandere hila rabo yea feanyembonde neai nibi neme mbai mokouboke. Neai roki rohaa rileuboke yea pele nibi neme elea yeuboke, romiyea pele nibi be elea yeuboke, romiyea pele nibi neme huluinye wali ondofolo neai a eleyere hila rabo halenainyele yo, na nebang mokowatere fanyemmibonde Allah neai uw mekai na ijene nekeye neaite kelemmibonderene, pele me uw mokouboke, Allah neai kena uw heraung eboke nukewoyene - weau mihike Yesus emei hee nekewate romiyea neai uw mekai nebang mokowate huluinye ehe bukulu eyei. ²⁶ Peleyeare rake hee neai uw mekai ijene mo nekeijeye kelemmibonderene Yesus wali ondofolo neai a eleyere hila rabo haleate romiyeare wali himalainyeboke yo yea me beayeumi kiyea, Allah niyea. ²⁷ Pelene embei aikore komalere eare uhele meahea waneng bea Tauratre walora wali heere folaikokere hubara heaita yanewanneyo Allah eare wali himalainyeboke romiyea yea beaumi? pelene bang eyea Yesus wau ondofolo neai a eleyere hila rabo haleandene. ²⁸ Eyea embei akoi akoi hului, haubihinebang meyea rake a nahele yea elande, wali ondofolo neai eleyere hila rabo halenatene Allah wali himalainyeboke romiyea yea me beaumi Tauratre walora wali heere folaikokere hubara heaita yaneyainye bang. ²⁹ Pele Allah Yahudi romiyea neai Allah bang. Pele Allah mbai nawaneng Yahudi bang romiyea neai Allah. ³⁰ Haubihinebang, Allah mbai romiyea uw ela eneisai holona wali ondofolo neai a eleyere hila rabo haleate earene wali himalainyeboke romiyea yea me beammile. ³¹ Meahea mekai, meyea pele wali himalainyeboke yo yea me beaimile nibi neme yea Tauratre walora wali heere folaikokere haubihibang elande? Pele mekai bang, meyea pele wali heere folaikokere nahele elande.