¹ Na bere heene, Allah neai yenjo kayayo walora roko heleng a feau mehi mehi yea,eai yobe neai kamehe neaite Allah a weiboumi yakalawoumi. ² Peleyeare rake hee huba mokoikoi yane,Allah nakelu walora eara aiteayeumi nakelu neaite Allah a hokoukoke,name einya honate hambung nanemene neai me einye enaisononde kiyea-namekai neai walora Allah rake kani kela nakungne wainye yeale mokouboke kiyea. ³ Allah neai wene weawea,neai kelu mbai niyea-nawaneng Allah re uw mekai wamekai yeale nekeunge -hambung neme foemene nakelu elea yeale wake yeale a eleye yea wara woungeboke.Niyea romiyea nawali nebang sabang fanyeumiboke neai nibi aloumihake,mokaubokera -Allah Surga nene weawea yeale kiyea na meube reufine eunguweuboke. ⁴ Pelene Allah neai kelu yea roungeboke,malaikat malakai yea ehameikoi hului. ⁵ Haubihine bang,roko mbai Allah yea malaikat mbaite rake a waneng mea ewei mo,weyea reai kelu ,manaya yea reyea weai ako helere yeubokale nawaneng,malaikat yea rake mekaijea a eleikoi .Reyea neai akore ereyembonde-neyea reai kelure meijembonde. ⁶ Nawaneng Allah nakelu,hinafa hoifa rake kani kelare yakalaumiboke hee Allah rake mekaijea eleukoke,Allahre malaikat nemene neare ei molonainyele hele. ⁷ Malaikat malaikatre Allah rake a mekaijea eleukoke,neai kaliare mokonate malaikat malaikat mokommile,alu beaijo yeale,iy feau yealere inyaibonde. ⁸ Peleyeare,Allah nahinafa hoifare,neai a rake mekaijea eleukoke Allah,weai kendang wamerang,hubabang heaibang hononende na ijene romiyeare me eumimokonde. ⁹ Weyea uwmwkai wamekai na ijene haraijaine yore buhea heimeyamea namekai menebang uwnebangde mokate yore ikele yea koimeyamea pele earene minyak,wayun ranne rileubokere,Allah weai kalihi wafeo nekatera ware anuwau bumane raneukikete,namekai reimai hele mokowete. ¹⁰ Nawaneng,Allah a eleukoke,weyea TUHAN,na beme foemere rake kani kela yeale yaku yeale,weai meyea uwyea mokoubokea. ¹¹ Pele yoni yoni mokowoyea nanemene malo male waneng menaiyembonde nebang benate,peleyeare weyea Tuhan mehire eyeiboi nekewende. ¹² Rake kani kela malo male waneng mea weyea oleungekonde peleme beungohonde hononde.Peleyeara weyea mehire eyeiboi nawaneng,weai raro yakama huba bang heai bang. ¹³ Malaikat mbaite Allah yea rake waneng mea eleikoi.Weyea reai meube reufina ro yeale anuwaunge meinyuweibo,mende reyea weai yokeijo nemene nebang mokoremibonde ,weai oro kele anuwau waneng mea enaijembonde. ¹⁴ Pele malaikat Allahre kalia mokate rohyoniyoni,nawenang wali hena bona enaijaronde yore eite haungaimile Allah ukeumi?