(Paulus Naei Kahiliwa Yae Be Isinainyeboke) ¹ Ralo yakama me bee orone keli yaele nekaikokemo, reyae Yerusalemre yore ekale, Barnabasre Titusre rame yaweumibokale ekande. ² Reyae ekale, Ako hubalo mando re ako faeuko Yahudibam ro miyaere eremi huwendere. Bele yaere reyae beyu beyeba yaele riya nekandekoke, raei kaliya mokowale nasombae enaibendeyaelene. ³ Titus Yunanina ro rambele nembainye ekende, bele yaere neyae Yahudi maei mamre ahi eleukoke. ⁴ Beleyaere, Yahudi ro holo mbai aei nolore ijoko - ijokoyo aei aka - baeke mekaijae yaeiboke mayeuboke, aere wabenaimehinde Yesus Kristusre hila rabo haleimiyannelera emabalendere. ⁵ Beleyaere, meyae naei kelere eyeiboi, ahele faeu-hele mai einyemo hononende. ⁶ Bele yaere, be yu - be yebare hebewate yo raei u bene nekeuke nambelebam, Ako hubalo mando nabe raubuleuboke, bele yore yae rare ehakoiboi hangga. ⁷ Bele yaere, na ijoke erewatebae, reyae Yahudibam nolore ukatele Naei ako faeuko huweikote ekale, Petrusyae ukanyele Yahudimaei nolone Naei ako faeuko huweikote eke. ⁸ Ako hubalo mandoyae Petrusre ela wake ikeunge Naei yebaei bubaeite yeuboke, Yehudimaei nolone mokowoye, bele Ako mbaijae rare ela wake ikeuke Naei yebaei bubaeite yeubokale Yahudibam ro miyae nolore ekale. ⁹ Yakobusyae, Petrusyae namekai Yohanesyae na u itayaeiboke Ako hubalo mando Naei yebaei-bubaete yeubokale, Barnabasre be yu beyebare hebewate bene me isinandekoke, wahendekoke, Barnabasre rambele Yahudibam yo nolore ale, Yakobusyae, Petrusyae namekai Yohanisyae Yahudimaei u nolone nekenate. ¹⁰ Hokolo name maere riyaimele, ommokombe wanemna, mai u nolo ukaikainya kou kalone nekeijate yore ei hawemmiyembe. (Petrus Na Una Kaloyae Paulus Roungeboke) ¹¹ Bele yaere, Kefas Antiokhia yore meke he, reyae Paulus a na yakalayae yarewanale, mekanebam, Kefas asasi kokoke aerene. ¹² Nanemam Yakobusre holona emeiheyae, Kefas Yahudibam yo yaele hamam nembainye anayeke. Beleyaere, Paulusre holona yo mekate he, Kefas ukeiboke namekai bele riyara weeke. ¹³ Yahudi ehiyo, Kefas bele umekai himi keleubokene barainyeboke, namekai Barnabas bele umekai himi ranne mekuke. ¹⁴ Reyae erewamaelebae, na wali ako faeuko nehalera wekate, belene reyae Kefasre ra ro miyae ranne a elahele yae ukanale, "Weyae Yahudina ya, wa wali Yahudimaei mekai hareinyebo, mehaemekai Yahudibam yore waeli baemae Yahudire inyaibondere?" ¹⁵ Meyae Yahudi ro miyae yae honaimokoke nekande, ro miyae u mekai himire mokoijate yo bamba. ¹⁶ Bele yaere, meyae maetei nekande, ro miyae u foi wa foite mokaube yo, bele ahelere eleikoi sangga, ma hila rabo Kristus Yesusre einye, bele aerene Kristus Yesusre einye meyae nehaleyae elandekoke. Bele mekainye, Hukum Taurat mokaube aerene mare ahelere eleikoi sangga! ¹⁷ Beleyae, menaeija nekande aerene u mekai wa wamekai haraennela na helere imabondere Kristusre eita maere nahele ungaimile. Kristure eita wali hubayemakonde. Bele mekaine, Kristus Na wali neke woyene himi moyae mokoweke? Nana hele Kristus Na wali bele wanenbam. ¹⁸ Bele wanemna, raei bu nibi a nibi mokokokale horoubokalena, benem renaijae foi eremombondena, reyae Musarena mambae asasi kokokale. ¹⁹ Bele aereneyae, belemam buleungebokale, Akore wali einyemo nekerendere. ²⁰ Bele neyae Kristus waerensinde mende raei wali einye nekende, namekai rake wali nekale u melemre yeubokale, rembaibam Kristusyae menensinde raei wali einye nekende. Na wanem rake wali nekale hila rabo Akore einye, rare buhae heukene, Neyae raei aerene oki rileuboke. ²¹ Akorena a foi faeu foi reyae moi ebuleiboi, bele mam einye a hele nekendena Kristus na igwau rileuboke, monye baleinggonde!