(A Melai Melai Paulus Re Na) ¹ Paulus re na a foi, Yesus Kristus nai yebhai Bhubhai, Allah re khena bhuhena. Efesus yo ne nekhaubhe yo re. ² Onomi honomi, rey may mai uw re Allah, ai akho hubhalo mando, Tuhan Yesus Kristus rena, kholo kholo maema Kristus einye nekeemembe. ³ Bhuma khaban Allah re, eai akho Tuhan Kristus Yesus neay kuikui meamea sorga na are ikeumi Kristus re eiy ta. ⁴ Hauwbhihinebham, ya khu eyeiboi hera neai eiy ta Allah are eleumibhokhe neai ro miea re yean debhokhe, na foi jea mo na bhene nekemande. ⁵ Neai khena huluinye are na bheme haumebhokhe, Kristus Yesus re eyi ta, Neai khelu omire imabhonde. ⁶ Phelene rei may khomande. Naei foi moi Naei onomi fokha khena bhuhea khoumi yore ikheumi. ⁷ Neai eita, Neai okirohayae eai bhulo fela khuyemikonde, Neai kena bhuhea heisei randa. ⁸ Neainya u bhene wa bhene foi are ikeume. ⁹ Neai khena ko ye waneng are kheleumibhoke neai kena huluinye, are nabhemera eleumibhoke Kristus re einye. ¹⁰ Neai merau kholounge ya mbai are riane arilengmi hinde Kristus einye, bheyu bheyebhaa yebhokhe Sorga na yo yale ambhele nembhainye aumebhonde. ¹¹ Kristus eita wamale, neai eita rake a wamale meai walihena hubhayenggombe, neara na bhemera eleume bhoke phele hambum ema hubha yenggonde neai khena bhuhea yea neai khena huluita. ¹² Phele arene; eiya nabemena yo hila rabo Kristus re halennele naei bhuma khabang de eyea khololmande. ¹³ Neai einye, meya wali a hena a bhoraubhokhe mai Hila Rabo Nare eleare molombokombe, nawaneng Neai Roh Yea. Mare wali ei hawenembe ¹⁴ nawaneng eai wali inyalere Allah Neai Roh Yea mekhe aumebhoke, eai wali nou heumekoke namekhai Allah Neaite Yeandebhoke, bhele um menkai jea Alla Neia bumare hemande. ¹⁵ Phelene ya, reia bhorokhalera meai hilarhabho Tuhan Yesus re einye, mai kenabhuhea neai ro miea eleugoke arene, ¹⁶ No bhahebham bhuma khabam kholanale, mare enundeikoi bham reai ebeli khali einye. ¹⁷ Akho hubhalomando Tuhan Allah eai Yesus Kristus riyeanale, niea ware ubhene wabhene foi jea yengmile nare nahale itaiyeibhonde re. ¹⁸ Mai kena u foi jea mokhonembombe, heheyea neaneng gombe mai kena u mehea mekhaijea neai khaneye re, Neai khuikui meamea Neai ro miea eleughoke yo re. ¹⁹ Neai foi moi khabhamhele neai eleughoke yo re Neai elha wakhe yea Neai onomi yea ikeumi. ²⁰ Kristus Einye mokhogokhe, Yesus re waleungobhokhe nuluyo mahe yora, Neai meugerefine haungobhoke sorga yo hena yangsena ne, ²¹ Na bumanehele rake kani khela re ekilaibokhe meai tha, rakhe ondofolo nekhata riarha, rakhe rhoreramile yoo meai tha neiya falemde yeugokhe. Rakhe he mo bham, nina hononende henabhona hononende. ²² Phele hambum nanemene Yesus re oro khele ne mo kholoukokhe, Neai uh ya ikeumi beyu beyebha nenemenemay. ²³ Neai u einye ya, neainya kholo kholo meamea.