(Allah Kena Buhea Ne Wali Hole Molouboke) ¹ Na bere hele meyea hereugokhauge mamokhoi Khabei mai bhulo fela arene, ² bele hee ne nekhewauge mai wali nebham nibhira hakhaukoke khani kelana wali nebam nibine hakowauge, walobo falem neai are hupara haitea yanewaunge. Ro miyea Allah neai a eleyere asasi koija te yo Neai kena einye bele walobo falem Neai u moikete mokoimeyeunge. ³ Bhere eyea nanemene hele yomeai wali wanem, bele hee eai wali nebam re kena haehae hele kouibuande nea be wanem u bene himi yae nekandeke. Iyae nabhemekhai fafa ehee bukulure hayemmele holona yo wanem nekewande. ⁴ Bele yeare Allah puhea heisei ro aere buhae hele heume, ⁵ Neai a re eyae asasi kondokoke arene wahaendokoke nekewande heleyea re, Allah mokoumeboke wali neme, bele ri miyea ima bonde mekai wali ondofolo Naei a eleyere hila rabo halemale. Allah kena buhea aere heijeu mene, a re hole molombokombe. ⁶ Kristus Yesus eita are waleumibhoke, nambhele nembhainye nekhemale anuawauwnge Haumokhoke. ⁷ Bena ya honoifioye ne, are kheleumibhoke bhena honoifiyoye ya ne, are naifoi moi yakhala haumekoke Yesus Kristus Einye. ⁸ Nai kena bhuane hole moloumeboke eai hila rabo yea, eya wali hubhayandokoke, ⁹ waei wa khene mbham. Bele arena umanggeuw ekhoija. ¹⁰ Haubihine bham eyae Allah yae mokowoumi ro miyea Na bere hele Allah na me foi u foai mokoungehake, bele me foi u foi moko mande maite, eyae Yesus wali ondofolore wanem ro miyea u mekai neme mokoiumeboke. ¹¹ Belene meyea Yahudi bam ro miyea yae honggayembe. Yahudi ro miyea na u mekai wanem ne ro u ella mee neisayate. Bele me u ro miyea yae mokowate, Allah yae bam. ¹² Bele hee meyea wali ondofolo yeale wahae u koke nekewauge, Israel yohone me ebaei. Allah yae Israel ro miyaere are ukuengi Neyae weumi are hakonai melena foi mokomimile . Beleyeare meyea Yahudi bam rp miyeare Allah bele are ewei. Meyae walire rabo bam mekai Allah bam mekai rake kani kelane. ¹³ Meyea na bere Allah re wali nibi itiam nekewauge yo. Rake hee Yesus wali a wanem ne nekaubene, Yesus re oki rileuboke yae mekai Allah re holona yaeuboke. ¹⁴ Na bere Allah a ukeunge Musa re nibira wali heere foloukoke are Yahudi ro miyea hakoware Yahudi bam ro miyea ehakoiboinye, bele holo na yo yokeijo yae nekewate, belera mo wali ondofolo meke keleweu mi Naei a eleyere hila rabo halenate ro miyea wali hena bona yaronate Musa re nibira wali heere folaikoke hubara haitae yaneiwayelena bam bele mekaijaere Yesus mokoungeboke Musa re nibira wali heere folaikokere elae bamyeuboke bele mekai raungehike Yahudi ro miyea yeale Yahudi bam ro miyea yeale. ¹⁵ Neai a eleyere hila rabo halenainyele nibira jemaat na nemene mbaite yembonde rei mai nekenayende, ¹⁶ ohaline Yesus neai wali kinyeumiboke, hereke na wanemm waleungeboke. Bele mekai jaere Allah re ro be ro yoinye ro miyae nebam mokandere hileukoke baeufoke na wanem Yesus re nibira bele Yahudi ro miyea na be wanem Yahudi bam ro miyea Allah yeale foi mokoumiboke. ¹⁷ Yesus wali ondofolo meke wanem Yahudi ro miyea yaele Yahudi bam ro miyea yealere huweunggombere. Neyae eleukoke bere Yahudi ro miyea Allah ro roigainye. Yahudi bam ro miyea Allah re onewainye, bele yo yaere yokeijo yae nekewate, rake hee Yesus re me kele u kelene bele yoho yea re na henggi aka baeke wanem riyea mbainye nekenainyendere. ¹⁸ Yesus nibira eyae nanemene Yahudi romiyae yeale, Yahudi bam ro miyae yeale Roh mbai nibira ako Allah yeale elande borande. ¹⁹ Bele mekainye meyae Yahudi bam ro miyea mekai Allah Naei eleuboke wekeumi holona ro miyaeere yeauboke. Meyea yo yo bam na bee mekai ele moinya ro miyea bam, ²⁰ Imaere rake wanem heijate, hu finyau nelae, waa hembali, yam nahambum ehiyeale hileikoyate. Allah Baei imea bele wanem mekay heuboke. ²¹ Yesus wali ondofolo kote hu wanem. Yesus Neai abu ako yaele, Allah Naei yenjokaya ayo yaele howam hu wanem, Yesus Naei me kelee u kelene orulaiboke ro miye, wa hembali, yam hambum ehi yeale wanem. Bele hambum yea arunenaibonde yae imaebe henate wanem ro miyae Yesus wali ondofolo Naei a eleyere borainye yae Allah re holonare inyaibonde Neyae Allah re ei moloi-moloi imea wanem yembonde. ²² Wali ondofolo Naei a eleyere boraaunge yae meyea Allah yae nekeye imaebe nammam hei meyembe, Naei Roh nibira Neyae mai kena u einye nekende.