( Allahle Roh Oke Ya ) ¹ Meke pentakosta ya, meuyeuboke heenebeiyo nanemene nariya mbainyemo arileufike naei nekewate anuwaunge ² Borowate bae alu baenekewate, imae einye kili haka aunguke. ³ Nebeisa, eratebae ifaeu-faeu wanemae nare fayeke nebeiyo naei yundane hebayeke. ⁴ Nahibi, Hele nebei yo Roh Kudus yae maemae koumikoke afaeu mahi-mahi hele, elewate Roh Kudus yae kelewoumi hukuijae a faeu elewate. ⁵ Nebei hee Yahudi ro miyae Yerusalem, ne nekewate yo nane wanem hila re rabo re helewate yohira-hira ebunda ro. ⁶ Naei, aenggaei jae borowatene, nebel anu waufe yea mo arileumeke mekate uben u beete borami bae nebei a faeuwae elewate, nebelnye ⁷ Neyae fayae bowate wa elate nda yo Galilea na? ro miyae be. ⁸ Nebeibe, nendae wanem mae aei afaeuwae nahuli elate? ⁹ Partia romiyae, Media,Elam, Mesopotamia, Yudea, Kapadokia, Pontus, nebei huluimbai Asia, ¹⁰ Firgia afaeu, Pamfilia, Mesir, naei afaeuwae eleta, nebei bu habala nekate na Libia Kerene, naei yo kelaeunge hona le yo bele meiko-meiko ro miyae Roma, kanira mewate yo naei afaeu bele. elate Yahudi ro miyae naei afaeu nebei hului mbai proselit. ¹¹ Kreta romiyae nanewanem Arab. Ro miyae naei afaeu bele elate eyae borande nebei yo mewande yo, aei faeu wae Allah name u emere-emere mokowole naei a aei faeunge huwaite nayaka hele borande." ¹² Mewate yo, ubene baeiso-baeso kate fa yae baite elate, "Nda rahe be yeuboke?'' ¹³ Nebei be, ro miyae hiwa yo re yae harate wa elate, ''Nebei yo anggur bu lombe anewate nebei be a bulaei boke kate.'' ( Petrus Ro Miyae Helende Ausaei Uwoumi ) ¹⁴ Nebeinye, Petrus naei homo na orowate yobele, afee yae anyukate mo neber romiyae re ayaka uwgaimile, ''Aei Yahudi romiyae nanemerau Yerusalem, yo yane nekaube romiyae nemene hele mayae isaeyembombe reyae ayei yae ufembere. ¹⁵ Rabuhinebam, nda ro miyae neya nebei keubu bulibu anaiko kene bam mayae ubene elaube nebeinye a faeu bulaei boke kate, nda narene hele, hukai maehaembai mehini kelibe yeuboke ya, ¹⁶ Nebeinye Yoel: yendo kayaro naei homofae ne molokoke. ¹⁷ 'Hu ya , huba haei se be halenele hee ne benate yakanate, Allah yae a leukoke: raei roh ro miyae nanemene hele haufemile. Mai, fafa ke lune maenggene nemene hele ale nayende huwenayende, hokolo fafa ijokoyae enairnde mai unolona rorele yo imenaline enaikanende. ¹⁸ Nebei, wanem mbai raei abu akore yaei boke yore kelu maengge, nebei ya mende raei Roh yae haufemile, neyae elenayende hungayende. ¹⁹ Reyae yaku bumane iwau mahi-mahi keleremi le erenate, nane wanem kaniran-kelarane rambun nabuhi wahi benate yaka nate ha , yae erenate, ijae erenate, onggou naa roronggonde erenate. ²⁰ Hu wende kebenggonde ouben yembonde oko wende hare yembonde nameman Tuhan neai huya mende ya na kabansele kiyae. ²¹ Nebei benate yakanate yane romiyae nde hila rabo Tuhande haleinanyele yo nare ro ronnele Tuhan wali hena enai jaronde.''' ²² ''Israel ro miyae, nda a borombo, Yesus nasaret na ro, Allah yae nare mai unolo ukainye meke yakambokembe naei me u emere-emere iwau mahi-mahi rambum-rambum nabuhi wahi hele mokowole bewate yaka wate naei walora mai ijoko einye erewaube maisaeimo. ²³ Nda Yesus mbaija, namemamae Allah merau raungehike kinyeuboke meke mayae ofalene bako benen haubokena here ro miyae nalauboke yonaei me einye. ²⁴ Nebeibe Allah yae waleungeboke benen hayeungekoke here kaka eisa nanemerau beko yae nare eherauboi. ²⁵ Nebeinyaei, Daud yae a eleuko ke Yesus le naeise Reyae eranalebae Tuhan raei benemo hebele raei meube reufine neyae nekelene reyae kusei mahaei ban. ²⁶ Nebeinye buma kaban kolorende, mum kobolo remande hila rabo naremo halemande, ²⁷ Nebeinye weyae raei wali ure enukeiboi honoi here yo naei yone yanne enekei, nane wanem waei ro miyae mere nuleubokae yo yoloumibokae yo nebei beko here kak eyereija. ²⁸ Weyae nenae rare ayaka uwgarae yakawarae wali hena naei nibi eke weyae eufe mokoufobonde rei mai emekai bele waei be meutafin dene erekonde,' ²⁹ Aka naei baeke, naei mare nda a wamale, nebei nahale be aei yobe, Daud, Neyae hereke aimolosake na here bulei nde hee, namanhonoime yele meke mana yane. ³⁰ Nebei neyae yendo kayaro nane merau naesaci Allah a heteunge koke, naei orona mena ro hi erengkonde Daud le yo anuwaufe yennuwenbonde. ³¹ Nebeinyaei nabere hele, Daud yae ijoko ereukoke, wali ondofolo ( Kristus ) walembonde naei a eleukoke neyae here yonai unolo ukainye nahibi mo honoyei nanewanem naei melen u ha u kaka ijoko re ereiboi.' ³² Nebei Yesus mbai be ya, Allah yae waleungeboke meyae nemene maei ijokoyae erewande nebei bewole yakawole naeise. ³³ Nebeinye Allah neai meube mene anuwau nabuma hele kiyae ne nuweungeboko, benen naeko Allah yae are ukeunge Roh Kudus, neyae rouke benen neyae kinyeu boke oke mana mayae ijoko eraube anggaei boroube. ³⁴ Rabuhine ban, Daud surga re raneijei eyei nebeibe neyae nda wanemae a deukoke, ''Tuhan mae raei rowe re ukeunge a nda neyae, 'Raei meube refine meiyuweibo, ³⁵ Reyae, waei yokeijo mokoremibonde nanemene waei oro kelene menayembonde.''' ³⁶ ''Nebei wanemmae, Israel romiyae na imae obe nemene hele isainyaei mbonde Nahele yae elenate Allah yae kiteunggeboke, nane wanem ro roungeboke Tuhan nanewanem Kristus, nebei Yesus mbai beya mayae ofalene baukoke.'' ³⁷ Nebei a faeu nemene boraiko kere nakena einye hubawainye beko hele bewaitene Petrus naise naei holo, ''Bala mbainye oro wate yore waimi aka baeke naei nendae wanemae meyae moko mabonde?'' ³⁸ Nebeinye, Petrus yae nebel yore a uwoumile, ''Nulu kenembobe, mauwa bu konayeng kombe, Kristus Yesus le ro yae mai walina niki kanau, beko bakomokawera nulu kenembombe hele nebeisa Roh yolo yolo mai wali einye menensinde. ³⁹ Rahene, nebei afaeu eleukoke mainyaei be huwe ne uboke ahau buhaunga nekeyate yo, nemene aei Tuhan Allah hubaro mandoyae kaenemile yo. ⁴⁰ Nebeinye, Petrus yae afaeu lea hele nebei yore uwgoumile ro miyae nebeinye arilewole yore uwgoumi mai wali hole molombombe. ⁴¹ Nebeinye ro miyae Petrus a lewore nahele yae elewate yo naei wali naei uwga mekate bu kowaimile nahelem me baeiko ke nemene tiga ribu hele.(Romiyae Hila Rabobele Yo Nariya Kobouw) ⁴² Nebei jo kena huwe naiboke nakena mbai jae roukate nariyane koboungemo Yesus le abu ako yae ausaei kelewani borowate feu kaiwate wahewate anewate ebeli bowain yele. ⁴³ Nanewanem fe waku namahi hele ro weumihike buhae hokowomi rabuhine bam Yesus le abu ako naei walira rambun emere-emere nabuhi wahi hele bewate yakawatene. ⁴⁴ Nemene hila rabo bele yaei boke yo nariya koboungemo nekewate nanewanem rambun-rambun naei sedewate yoni-yoni nabei naneme naei jae elewate. ⁴⁵ Nanemerau naei eba he hemboni rela foise elayeke yoni-yoni nemefomene yarowate naise hewate nebeinya yae romiyae na kou kalo molowoumi huluinye wahewamile. ⁴⁶ Nayane baei nakena mbai umbai jae Allah le ei mom-mom imae einye eyarisele feuw kayaete imae ra imaera nebei me u mokowate wahewate nanembe mbane rei maija kowate wahewate nanembe mbane rei maija kowate yaro wate ane anewate, ⁴⁷ Nahibi Allah hubalo mandore buma kansele kolowainye nebei yore kena hele kowaimile nanewanem nayane baei ro miyae Tuhan mae mokoumi helensele baraimeke nda neyae na wali hole moloumi boke yo.