Pasal 5
1
Wise wali umuja yelim kla wegep buwon, wolom ne gadara ye mala.
2
Jook Yesus wuw wein kama luk, wegem nee wasan kasas giba roh wijafak wiferen luk weim jiib, wamu woot Yesus.
3
Jo wolom luk jiib wilam nee. yoo warus, yesaat wali giilouk.
4
Yolof ana welik, yudulum wai gii louk wein welik kamu wilit gerek, nee yoo wana wai yuwo.
5
Non de wai leim gani wawu-wawu saluwinaan wolom jiib malasa-malasa, wigerebu anawi weserek wara kot wara siminik.
6
We ise wegen Yesus wein beis, yuwe walam wegi Yesus wosum Yesus.
7
Wai welek waa-waa kou nail ligin oowai tit Yesus, miye Allah wau laan tet tosom nim Allah nim nusu sar wai tit wau!''
8
wein see Yesus umana usu wai li roh jahat negali nein nee go!''
9
Yoh, Yesus wiwinit negere yo? titsi tegere mu legion wemiya mamsi mafon suwau ma mei moot.''
10
Yuwei webe loo salok masini Yesus wutaulut yeim kiwi yo.
11
Diwurawe malawasu amo baik-baik amu lit.
12
Isi roh-roh wobot suwau webe usu Yesus, wisait mam moum muju baik-baik anji.''
13
Yesus wusu fongai. Wai roh-roh jahat isi yuum. yusu baik-baik. wai moot baik wolom waawo ribu ali wiyen luru luum lousok, ou lumuru lolom boom.
14
Inse yolomti-yolomti baik iye yalam yegei kota yusu kampung yefabin kam yuwe dadiyo.
15
Yendik yeferen yimi yimi Yesus yo yegen yei yisi nee iye dawana yisan giba, roh wobot au legion ana yolom au.
16
Jo yegen mat kemeise yelan pulu nee yasan suk roh jahat iye baik-baik yufulus usu nee wai kyei.
17
Wunu muyo nee-nee yebe Yesus wisik yufu yei yei malan.
18
Pewe isi Yesus wama walim kama, nee sagu isi yobot saguh yeim kerasukan roh jahat yebe yeli Yesus.
19
Weise Yesus wusu suau, wumana bilit nege nuga wasa nin nufulus maamu siniya neefos wusunyini wainin nom. neefos walan wobot nim.''
20
Wein nee yuwe wamu wege dekapolis fulus wai mamuya gem Yesus suyini. nee-nee feei.
21
Wein se Yesus wasuk wali kama, nee merem yeferen yataun yaraufe yoo wasa yusu, kala bese boom.
22
Wein amu mele nee wein geit sembaim wegen yairus, waktu isi wegen Yesus wulut wosom Yesus welik.
23
Jou suba wemena tit timeye lagi jam amu yusu wolom geit, jauk wagi, neferen wusu ninim wei naam wau wasawaa, seye wesek maan.
24
Yese Yesus wamu wai yerus yemout nee yeli Yesus.
25
Nee lagi musu magala wolom tahun fee tamali ali.
26
Wasau wei kem lein dik wai wauk wafasos libi suu yuwi malan suewau suu wota suk.
27
De yo nee lagi gamiligim wolo Yesus uum faulu nee yeimoot yeigek Yesus we sansun wein yegere.
28
lagi yume mumuna '' kamu tantim Yesus we sansun ade ne malan.''
29
nee lagi mantin we sasum ise magala witek memfei malan wei wotot.
30
Wein se Yesus weib kem witigim mu wegi ali aat wein wesek. welek wege nee moot wein winit ei nee yoo weigeek te sansun?''
31
Wein see muja-muja yumana usu Yesus, nep masi nee yemoot yunugu joh miwat nee yoo wagek te sansun?
32
Wein se Yesus wegen ne eise wifeles wai nee yoo weigeek te sansun.
33
Lagi meep kem mafasom masata mobogolo mesek lolo. miferen mosom Yesus welek manana mesek kem yu mafasos megesik lolo. meferen mosom Yesus welik muna teses. wemuya kam mu mofasos oo.
34
Yesus mana, meye , iman pusu nimalan nusu len nai noboot.''
35
Yesus dati wefai, miye weim wasayusu geit sembaim wiferen weimana,'' nin nimeye asi wagi'' emuya nifilin guru?
36
De yusi Yesus wawani mamu yafai yamana sini wusu wasanusu geit sembaim nobagalo nuwaat fonggai.''
37
Yesus wusu suwau mele nee wali mamu petrus, yakobus, yohanes, yakobus wamana.
38
Yeferen wasau wusu geit sembaim yeget wai moat nee yii dulut.
39
Yesus wolom geit wiwinit ei emo masau suk wai nani? miye isi wagi suai mamu mau.''
40
Yein se yesere Yesus, amuyo Yesus taulut yegali. Yesus woum wai miye yuwei mum dimem nee-nee yeibiti wakafu Yesus miye yaun kara.
41
Wein se wantin winin mi yam wamana '' Talita kum!'' (''yunu mugul, miye yam wamana nibili soo!'')
42
Meye yam isi woson wamu, wolom Tahun fee tamali ali nee meren feei.
43
Yesus wusu nunuk wai wagata nefabin se usu nee ye kusi, sait yusu miyam waat.