¹ Naa Yesus weteren wufulus wau ya Buwon nee limoot yolom Baralait win se wana waum gema wusu man Nee limoot yolom buwon wigip wana wufulus ligin foos wusu yiindik. ² Wana wufulus ligin wusu Nee yindik wufulus sini mubo, ³ "Nanwani, Naa mele wana wufaret. ⁴ Wana Wa tet ligin wolok wau ya wa wigip ise gelem yeferen yit woun noo, ⁵ Go suk wolok wolom mala wai Gebat ⁶ Win matu Dewujasa weferen wisit welas jolo. ⁷ Go suk wolok wau ya aut cali win mato Aut cali ye biten yaradi wan welas san wakafu ye biten yaradi wisin san. ⁸ Wiin gosuk wolok Wolom ibin sawaa win wisin wusu Neemwagi watemani Fee, wana wusu Nee mele wagi winin fee Ali igi, Wakafu wusu utun mele. ⁹ Wana Naa Yesus wufai " Nee nan nan nutut nan nuwani. ¹⁰ Nee ye bara lait yuwinit wusu Naa Yesus wai" Dewana nu fulus ligin ben wana boo Nee gi ye yuwani de. ¹¹ Win wu fai wusu Yii "Ligin foos - ligin belem we Nesan soo, win matu Nee Tufulus wai ligin Ben gai. ¹² Ligin ben iwe Tit Tufulus gana yeep ligin san win matu tu welek wigi yee. ¹³ Yesus wufai wusu nanni nan neep ligin ben gu soo? wiin nanep ligin ben goo suk? ¹⁴ Nee wu fatet ligin foos-ligin belem. ¹⁵ Woun wolok wauya wo wigip Nee yuwani gana gasas weferen waa sebat wiin. ¹⁶ Win matu wolok wau ya ibin koot iwe ne wugani win matu wesan Roh belem. ¹⁷ Wiin ligin iwe Wirik san matu winaat abuke ligin iwe wolom yelan winaat san susu weteran waam beret. ¹⁸ Woun wolok wau ya Aut cali sini ya nee wani Roh belem, ¹⁹ Wiin mamgani mala gu wakafu ya gem liindik mato wisin san. ²⁰ Win woun iwe wu, fatet wau ibin sabala sawaa wobot too nee yi gani yesan ligin Roh belen yesan neem wagi watanim fee, wusu Nee mele wagi winin Fee Ali igii wakafu utun mele. ²¹ Winsuk Naa Yesus wufai wusu yee? Nee wisik gali wubalu wau ya giit wae ambe wauya luguk migi nene? ²² win matu Nee Yiindik, yo ligin Nufulus wana win matu i wai ya Nee yegen gi waus yisik jafala san. ²³ Nanene Tutut Nan wani ligin! ²⁴ Win Naa Yesus wemena wusu Yii nuwani negen lingin gu doo tefai wusu nan ligin gube tusu umoot wusu nanindik. ²⁵ Win go wesan nau wusu wiin go wesan suk win matu wusu wiin wisik liindik. ²⁶ Wana, Yesus wofai mala foos iwe wunu nee wu fatet wau mala ibin. ²⁷ Win matu lim wau win wi nagu de wisies se woo woun iwe wusu wulas, nee wana wunuk gai weme. ²⁸ Gemuluk wulas win wutum wolas bulir wana winmoowoun wana wanya bulir. ²⁹ Wiin woun-woun wana yileb win ye gerek. ³⁰ Wiin Yesus wemena , iwai gem oo sini wo nefai Kerajaan Allah? iwo, wiin nefai ligin ben oolo wai nefai? ³¹ Kerajaan Allah iwe siniya woun watet woun iwe jaam wiwik wolom wau ya malagu. ³² Wiin matu woun iwe wufatet wana wu biten see gelem undik Yeferen yisit yesap wauti. ³³ Yesus wufulus ligin wai ligin ben win wufulus salu foos. ³⁴ wu fai ligin wusu Nee ye ii wufai ligin ben wana wufai wusu wu murid-murid. ³⁵ Yuun suwali Yesus wufai wusu wu murid-murid, "Yeii nanini mammusu buwon wigip". ³⁶ Yumu gifin nee sabulum awe Yesus walim gema soo gema gooi ye yili yiin yan. ³⁷ Wana moobat we feran wesebat gema wim matu jak yumuru. ³⁸ Yesus wau wolom gema wigip win nee yisik wiinagu yemena. "Agaun niinagu doojak manuru mugoo?'' ³⁹ Wufai musu moo bat wakafu buwon noo, "Nu! "Soo!" wiin matu moo wai ya buwon yuso. ⁴⁰ Wufai wusu Ne yi, "namba golo weme nanesan sinagi de?" ⁴¹ Nee yeba golos yuwinit, Nee iwe wiin oo? we ya moo wai ya buwon yuwani nee iwe.