1 Teguop yakai ey piam go sedue no kua keng go, kon so semu go tap no kua ip go, nggaey nebut iwot so semu go nang ey kua susuing go, 2 No nemot go duduing wali nebut no, nggaey takebali so wabudong woy pli gono nggey wadi woy sut go no sesemu go. 3 Nemot di kalik bu keteng no kuali go, nemot go seni tagot go ku nogo mea tagot, nggaey nemot go dop yakua lasu, sogo-sogo nemot lo semu go seni mea ikum. 4 No sedue piam go nggakalik kua: menot nang nenguen kalik nebit lo sengan go. 5 Nggatangsogo so, sedue piam go neyboy sip nogo yakua ip, ngganemot kalikso kon eygo sedue nemudi sogo sikabung yaluim go ku dia nogo. 6 Seni, Ki Wali YAHWEH lo nemudi sogo sedue go tap koklong go mo senong, no sedue piam go koklong go kebong sono.