¹ Sogo tang so saula-saula sagui kong? Sogo tang so saula tang mata sogo kebali seni kua go so usey? ² Deguena-deguna nggaey sedue sui eygo klaya go no nebut iti go Woy Wali Iram gono ple pung sogo, nggaey nemot go tamot sono? ³ Weng-a imot tegan nemot so dok go ya tong go, nggaey tegan nemot imot sik sogo ya betep go se. ⁴ Nemot, blong yakena baso susuing go nebleng so; Woy Wali Yahweh nemotnang so nebleng klik ton. ⁵ Nggano nemotnang sono Nemot lo dabui piam so gemang bebat nggaey nemotnang sadui buong ey pling genang so gemang pu: ⁶ Genam lo iram At go so gemang mo pu Sion no, At go meduim kon kua go no! ⁷ Genam Woy Wali YAHWEH lo taling go tap pen so; Nemot lo genam no pu go: “Dem sop mot, Nggeasui gabe tui tugu” ⁸ Saula-saula mot lo wadong go so, mot go suk so mea lemoy nggaey kukunan seding mot go so mea lemoy. ⁹ Mot lo nemotnang teguoli ndengdon eygo lo mlak go, nan siksogo sruablon kalik mea meruop. ¹⁰ Nggatangso deguena-deguena kunala kalong eygo so se suing, tetaling go se mlak,koy wong ide keba so suing go. ¹¹ Woy Wali Iram nogo dewi se pu suali ey, Nemot go masi nogo nebem kuong se tui bubuong ey. ¹² Ngatangso nemot dabui piam yakua tra genang, nggaey motnang kebong tap sono taling eygo. Nemot keda seni so dabui piam go. Teguop yakai ey sedue nemot sono dabui iti go.