Usi Dabui Ba Kodok-kodok Sesatso

¹ Ganemot no Ayub nebut gabe tuot,nemot go tuigo ku gemang wayang tenawon. ² Nemot mang pen, ³ Neu a genam tui go ku negoya. Kuklik balo pugo kalikso,sudue denok mang sani baso. ⁴ Neu a ku ganemot ku klik koso mapu,Kiwali Kumam lo sunuong ey go gano ku belonggo nemot no ngap ey go. ⁵ Neu ku ganemot ku kilikko gano ku suguo-suguo lo na we,gum wan lo na kebet na gano woi wok tuguot kolo sadubong ey napiling. ⁶ Wadigo ganemot neu a nemot ku kilik kolo na tuguluei;se itak nemot kuku yagui kelaya yamso yakai eygo; kua itak nemot banu-banu taguso i go bano dugut ey go. ⁷ Yang se neu ku ganemot nogo duo kua tuigo,gano nebut nebeleng yakai sesamugo kua tup go ⁸ Neu a nemot nawayang kuso dagigo suduelo,nemot nang ga dabui piam tera nang sogo. ⁹ Neu a tap-tap ku segey kelong gonogo ku na kilik neu a nemot ku bulong goso bubung,ku buluong kua pung neu a nemot woi kulak ko kua ikum. ¹⁰ Yang ga mia go sani yataput kua kebet ko,gano ku sadui genam go nemu ku siksogo gabano kua kok go. ¹¹ No sogoso genam tui gono kua bong,gano nebuem bit kua so kua tui go mia go sam basik sogo. ¹² Sogoso miago kubum bulono genam mit sogo nangso miago min ganemot sikso genam minne sup? ¹³ Kuago genam geasuigo yakotso gabe seserek; genam sedekko gano nim mola. ¹⁴ Kelam-kelam so duguena-duguena gano nembut pen-nembut pen sudue ey kukenan bulonogo,tandali mea kilik luguok ko net ko mot nogoso. ¹⁵ Gaey kelam-kelamso sudue kangok ko suigo emas ey go,yap ba yamso kenok peraklo. ¹⁶ Gano genam sogoso duo temoi tebot sogo kalik kua tuigo yakotso go bano kua kok ko,yangga duo kin say kalik so ku belonggo kua ikum? ¹⁷ Ganemot sono sudue wali sogo kua duing piam yakna itak pele sagui a kuno woino sesumugo. Ganemot sogo sono nemot nang don mo kuago nim mea la. ¹⁸ Gano sedue melakko kelam-kelamso mea tubung,nemotnang mea kua tup nembut pepen go. ¹⁹ Ganemot sono sudue suguaigo kangokko kerlam suguong gano koibu tasmu sadue ta mo itak woydem siksogo. ²⁰ Sogoso balong ya ngap sudue dabui sadui sogono,gano wali dabui ba usagono. ²¹ Yangga kebong so bubung gono,kedaso yakua pung,yangga kangokso usey go,ukuong nan basogo tuet ko kalik. ²² Yang ga dabui yakai mea semu gano sekmea pela go suey nemotnang mu tuet ko ikum go; ²³ Ga sudue denok kelaya duo nemotgo tap masi banom so Kiwali Kumam go wok baso. ²⁴ Sniso dabui sisat tenso iwot,gano suiduinggo ga bu kalik pi. ²⁵ Ga genam lo suali so terago ganemot lo,gabe tera yang ga genam lo duiduinggo ganemotlo gabe pung. ²⁶ Genam dabui sipnogo kua suing gano dia kua suing gano genam nim kua la. no dabui banogo utueso wite.