1 Kumenono Kiwali Kumam go duo yap wenggo gemang puluep Wali Aya mitno,gano maso tubok wengdali kelam-kelamso nemot nang ey Wali Aya ey tugu sogoso. 2 Gano Wali Ayalo usi masono: Nagosikso mot? gano masolo gabe wa. Waly Ayano: Tap masi kukunan bulolo uwet; kukenan bulo sikso." 3 Kiwali Ayalo gemang pu masono: Kay ko mo ikum genamgo tamot Ayub? sudue aneno kua nemot kalik ko kukenan bulo sogo suey go gano kunala nemudiso suali kangok Kiwali Ayanogo piam ket sono daye,nemot kunala kua nabai dabui kelaya itigo suisuing,siniso so mot lo genam mo muluego sikso nemotno ku sadui mo iti nemot piam kua sumu." 4 Gano masolo Kiwali Ayano pugo:" sak kua go tandali,mea sogoi! sudue naklai suguong nemot go inangtaut mea itak nemot go saisuk yau sogoso. 5 No te seraya nemot go don mo kadong no melak a nemot lo motgo nebuem nemu kuno mea wayang. 6 Gaey Kiwali aya nembut iblis no pugo: "Yang nemot motgo tasono gemang iti: no dabui lap a kelum baso gemang. 7 Gaey maso gemang kelong Kiwali Aya go nemu ku siksogo,gano Ayub sadui terago ta masi e wengkabui no pung yauletlo yam so dom namon a pung. 8 Gano Ayub kuluep iti go nemot lo ke kela saisuk gaey sungnesib bano ligo suing. 9 Gano nemot go sunum lo pugo nemot sono:" Making suinggo nemubung tuguoi. 10 Gaey Ayub lo pugo nemotno,mot kabung mawo kalikso be pepen. imot tuguop wali yakai tera sogo Kiwali Aya siksogo,no piamgo yakua tera,Ayub nebut ganemotso pepen go nogo,nebut piamgo kua pu nemogo lom suk logo. 11 Ku ganemot nogo andua yao Ayub ko nangglik duo sadui nembut tup ko sogoso gemang wenglak nemot nanggo yakna-yakna sikso yangga: Elifas sudue teman,gano Bildad,sudue,sue gaey zopar sudue. Naama,nemotnang kelaya go so lemoi go,dabui kulum terago so,esang pusogo dabui mangking sogoso dabui malo ego so. 12 Ku ganemot nogo nemotnang nemu yalapko ketsikso,nemot nang nemotgo kalik dali kua ikum,nemot nang u so suing go ku kuluolak,nemot nang ambele keba tiglik ko,gano sung wengkabui belono ta ut sono iwot. 13 Ga ey nemot nang kelam so gemang suing nemot ey nam bulono ku kilik kubulong ku tujuh yamso gemang suing. sudue meno duo logo nembut nangkalik ko kua pen nemotnogo nemot nang go nemulo ikum sini solo,sadui kua sini go terago.