¹ Wali Aya genam no walinebut pen go: Musa gano Samuel Genam mit sono ip go, Genam go dabui saula ngge nogo mea kua iwot-dak. Yat-a nemotnang Genam go nemuku sik sogo, neia nemotnanmg nase-klong. ² Gano nemotnang lo mot no mo usi go mo, genamnang nagono ya klong? Nemotnang no nebutway gekalik se pu: walinebut Wali Aya sik sogo gekalik: “sikebong sip nogo, sikebong sip sono nase klong! Tengang kaluang sogo, tengang kaluong sono se klong! Ten tra go nogo, ten tra gono nase klong! Gano boy ba nogo, boy bano se klong-lak! ³ Genam lo nemotnang blono idekeba ta namon namon yam so mea iti, Wali Aya go nebut ganemot kalik: tengang kaluang sedue but genang, uduo logo ku lo lek genang, wi blo logo gano menai kukenan blo logo dam genang sogo ngga ey yam so mea kua, ⁴ Ganemot kalik so Genam lo nemotnang ikle go naklay tap kukenan blo sogo no, tasam Manasye bin Hiskia logo sikso, iram Yehuda, Yerusalem sogo DON EYGO PLE SIKSO PUNG GO

⁵ Nando lo mot no klum ey-a, ey Yerusalem, gano nando-a ya li mot ey gunuing suing sogo? Nando-a ya pung-yon mot mit nogo, mot go saisuk temoi nogo usi genang sogo, suey so mo? ⁶ Mot Genam mo tenget, walinebut Wali Aya sik sogo gekalik, klong go Genam mo itak, ganemot sikso Genam go ta iti go piam go mot blo sono mea ta. Genam mo besam mot klum genang sogo ⁷ Genam lo nemotnang mea kuoi tampi blono, KOTA-KOTA kukenan so, Genam lo Genam go blung nemotnang go duo mea nega-sing go so lemoi gano nemotnang mea piam, nemotnang kua iwot go sikso nemotnang go tasam piam go lo.

⁸ Nemotnang ba sogo nalo-nalo Genam lo mata dega so mea lemoi kaseglok beap bu ketang sogo ey mea kua kerlam. Genam lo mea iti go tui miya gano sikabung TERUNA blono sedue piam go ku woy nesip no. Genam lo motnang blono mea tui boglui go gano sadui bong ey mea pling go. ⁹ Ganemot sikso kabung duo 7 kali tui go kunala walong so duing baso mea susuing, nemot go nebuemnebit bata lak, nemot nogo woy mo sut wabedong go nogo, nemot suongsut ey gano nebuemsuk ey naglong, temung itak go tengang kaluang blono mea itak nemot go plesi go nemu ku no, walinebut Wali Aya siksgo ganemot kalik. YEREMIA LO U-USEI KLONG GO

¹⁰ Genam segaplu, genam go miya, mot lo genam tui go, sedue nebut glasok nang so lemoi lo, gano gano sagui pung nang so lemoi go kukenan ngge blo nogo, genam sikabung go drang gakalik so iti go kua, gano sikabung lo genam go drang gakalik so iti go kua,no nemotnang naklay genam so dali. ¹¹ Seni so, Wali Aya genam Mot suey so mo tasemu tu go, gano plesi nogo mo tebok Mot go nemu ku nogo, nemot piam go blo lo klak go ku no ¹² Sikabung logo BESI ya bung, BESI dun sik sogo gano TEMBAGA?

¹³ Mot go taut mata sogo gano mot go taut sip ba sogo Genam lo iti go ta ba sikso lek genang so, ganemot lemoi go ngga naklai mot go konkebamling sikso, mot go kukenan nogo. ¹⁴ Genam lo mot koybutasemu so mot go plesi sono mea lemoi kukenan mot lo kua senong go no, genemot kalik go sikso Genam go nat nogo koy mo blon mot blo nogo.” ¹⁵ Mot mo senong, Wali Aya, genam sogo se duing gano genam se ikum, sikabung naklay genam so truik go nogo way se pluok, genam kua itak go iti, Mot go gigling walong go sikso, se senong Wali Aya Mot sikso genam piam-piam so pen go! ¹⁶ Seni so, genam Mot go nebutpen ey mo tegu, genam yakay ey mea tra, walinebut Mot siksogo lo genam yakay senguong lo damoi go, gano genam go dabui lo duduing go, Mot go sui genam blo nogo mo pepen, Wali Aya, Woy Wali Kumam. ¹⁷ Genam kua suing seni sikabung nebut tebadali go so pen go ey; Mot go ta lo kenok go sikso genam banom suing go, gekalik go sikso Mot lo genam mot go dabui piam lo yamso damoi. ¹⁸ Sogokalik go sikso genam go idekeba lek go genemot kua kukua, gano genam go kuo kangok go mea kua go suey, seni so Mot bu wamoymlue eygo kalik genam nogo, bu mea kua mlak go. ¹⁹ Ganemot kalik go sikso Wali Aya lo nebutway gekalik pu go: mot iwot so mo, Genam lo mot mea iwo-dak Genam go koybutasemu so lemoi genang sogoso, gano mot seni eygo-a mo pepen go mo, ganemot sikso genam ngge Mot sik sogo nebut suey go-a mea pepen klong. Nemotnang mot mit nogo mea iwot, no mot nemotnang mit nogo kua iwot. ²⁰ Saula ngge nogo Genam lo mot tema SEMEN logo daguin eygo so mea lemoi TEMBAGA logo, nemotnang mot sogo ple mea,no mot mea kua pedueng, ganemot sgoso Genam mot ey keklong, mot sesuoy genang gano mot ta itak genang, walinebut Wali Aya siksgo ganemot kalik. ²¹ Genam lo mot sedue piam go ta sik sogo mea pluet gano mot nemotnang go ta mea itak.