Pasal 1
1
Ngge nebut pen Yeremia bin Hilkia logo, mlenawalasrang Ki Wali Yap sogo taiti so puit go tang Anatot sik sogo nan Benyamin sogo.
2
Ku Yosia bin Amon iram Yehuda so got nawon go no, yagui tiga belas tete no, Yeremia sono deguo Wali Aya sik sogo gemang pung.
3
Deguo ngga nemot dali Yoyakim bin Yosia, iram Yehuda so, suing go ku nogo ei pen dali. E I go sogo yagui sebelas tete nogo Zedekia bin Yosia iram so suing go ku nogo ei pung, e sikabung Yerusalem Babel nogo ei tega. Banu taidi tete no.
Wali Aya lo Yeremia usi go no mot dak go
4
. Wali Aya go Deguo genam sono taling go, gekalik ;
5
Genam lo mot maning miya go sani bano kwa lemoi go no, Genam mot mo senong, gano mot maning miya go sani ba sik sogo kwa tui go nogo, Genam lo mot klaut so mo lemoi, nabi so nan-nan no lemoi genang so Genam lo mot kuoy go.
6
Gano genam lo nebutway pu go: “ ah, Woy Wali Iram! Seni so genam ngge nebut pen kwa senong go sedue, gano genam maning neguot so.”
7
No Wali Aya lo genam sono pu go: “ gakalik kwa pu: genam ngge maning duo neguot, no nando no mot dak klong, mot se klong, gano Genam lo mo pu nebut pen genang sogo, nase pepen klong.
8
Nemotnang nogo dabui belui kwa tra, Genam mot ey klay goso, Wali Aya lo pen go.
9
Nggano Waly Aya ta sera go genam go lom blo no tui go no; genam sono gemang pu: “ seni so Genam go nebut pen mot go lom blo sono be teta
10
Sesnong, geasui go Genam lo mot iti go nan-nan nogo so gano saula saula nogo so, naklai teguik genang so, truik genang sogo, waluk genang sogo kurluk genang sogo, klik genang sogo gano kuali genang sogo.
11
Ganemot no Waly Aya go nebut pen Genam Sono pen go, gekalik: sgo ikum to? Gano at lo pu: Genam di badam go temoy ikum tu go.
12
Gano Waly Aya lo genam sono pu go: Mogo nemu suey, ganemot sogo so Genam gabe mo yang, Genam go nebut pen ganemot takebali pluok genang sogo.
13
Ganemot no Waly Aya go nebut pen Genam Sono pen go, gekalik: sgo ikum to? Gano at lo pu: Genam di badam go temoy ikum tu go.
14
Gano Waly Aya lo genam sono pu go: Mogo nemu suey, ganemot sogo so Genam gabe mo yang, Genam go nebut pen ganemot takebali pluok genang sogo.
15
Ganemot sogo so, seni so, Genam lo saula dun sik sogo mea usi, gakalik Waly Aya go nebut pen, gano nemot nang weng go demu trui nemogo nemogo mea klik. Yataput degut Yerusalem no,naklay tema ketang ba, ganemot no yakena Yehuda naklay dagu logo.
16
Ganemot sogo so Genam logo kisebui nemot nang no mea taling, nemot nang go tasam piam go sik so, nemot nang Genam mo itak, di demat no taiti pupuit, gano ta kokong demu di nemot nang lo ta lo klik gono ta kokong neton.
17
No mot ngge, ip go klong go nebut nemot nang nogo se pen, nebut naklay-naklay mot no mo taling go ngga. Nemot nang go nemu ku nogo bubuong king genaning, mot bubuong king go sik so, Genam lo mot bubuong senguong iti genaning nemot nang go nemu ku nogo!
18
No geasui go, genam lo mot kota tema don dega ey go kalik so mo lemoi, begit besi logo kalik so mo lemoi, tema tembaga so mo lemoi. Kukenan naklai waydang genang. Iram-iram Yehuda gano sikabung sui ei go, woy woy taiti so dewi yap bano pupuit go gano udonebo naklay se bebat.
19
Nemot nang mot nogo plesagui mea tui, no mot nemot nang nogo yakwa “kut”, Genam mot ey kerlam so koklong, mot ku piam go ta sono go yakwa itak. Waly Aya go nebut ganemot kalik.